¹ Faina Roti nda ma'ena ragi sa yang ara rae fai paskah deka ena. ² malangga imam-imam no ahli-ahli Taurat ara sangga-sangga dala'a fo rae hala mbau Yesus, karna ara ramatau atahori nae'e Yudas Hianati Yesus ³ basama, nitu'a nala Yudas'a rala'na yang ara oi fene Iskariot. eni esa boe lao mia Yesus ana nanori nara ka sanahulu rua'ra. ⁴ de, Yudas lao neu nanda no malangga imam-imam boema mana nanea Ama Lamatua ume'Na fo ana seo Yesus neu'se. ⁵ de, ara ramaho'o boema ara rala esa de fee Yudas doi'i. ⁶ de, Yudas na'ahei'i boema ana sangga dala'a fo fee Yesus neu'se pas atahori nae'e nese. Nana Ninu Paskah ⁷ basama, losa faina roti nda ma'ena ragi'sa, fai'na fo hala bibi lombo Paskah. ⁸ sia faina, Yesus denu Petrus no Yohanes, Ana olah nae, "lami fo ama tao nana ninu Paskah fo ata taa." ⁹ ma ara ra'ta neu Yesus rae, ''Hoo nau hai so'u o'o nana nininu'ra risi'i be?" ¹⁰ Yesus na'ta neu'se nae, "pas hei misi'i kota rala mi, naa hei minda mo tou'u esa yang ana to'u nendi kan; naa ama tungga dea'na fo ana nisi'i ume beka yang ana rala neu, ¹¹ fo ama mifade mbali tenu ume'a mae, "Meser fee hai mitane neu nggo mae: sia be kama tamu yang Au ae ua ino oo Au ana nanori nggara?' ¹² naa, defo ana natudu neu nggi kama monae esa sia tinggat ata'a, yang mei banggu nara nenesiap basa ena. fo hei so'u o'o nana nininu'ra sia na." ¹³ de, Petrus no Yohanes reu boema ara hambu sama ona'a sa'ka yang Yesus nafade neu'se de ara so'u o'o nana nininu Paskah ra. Perjamuan Paskah ¹⁴ pas faina losa, ma Yesus no rasul nara endok heo rala mei'a de raa rinu. ¹⁵ basama, Yesus nafade neu'se nae, "Au hika'a ua inu nanat Paskah sama-sama oo hei, sebelum Au susah sona. ¹⁶ hu nana Au ufade neti nggi, te Au nda sudi ua inu sa losa basa iara dadi sia Ama Lamatua'a nusak'Na rala." ¹⁷ de, Yesus ha'i nala saloki esa yang isina anggur sia rala boema Ana hule makasih, basama Ana olah nae, "ha'i mala saloki ia fo ama mibabanggi neu basa nggi. ¹⁸ hu nana, Au ufade neti nggi lao mia fai ia Au nda sudi inu anggur losa Ama Lamatua nusak'Na nema." ¹⁹ basama, Yesus ha'i nala roti boema Ana hule makasih, de Ana bibinggi roti'ra boema Ana fee neu se de Ana olah nae, "roti iara Au ao Ngga yang fee neti hei'e; ama tao ona' ia'ka fo misineda neu Au." ²⁰ ona' naka boe, ara raa basama, Yesus ha'i nala saloki anggur'a boema Ana olah nae, "salaoki yang Au mbo'a fee neti nggi ia fuli helu feu'u sia Au rah Ngga rala. Nefadet Soa Neu Atahori Yang Mana Seo Lamatua Yesus ²¹ te hu, mete mita, lima atahori yang mana seo Au'a ana sia ia sama-sama no Au sia mei ia. ²² hu nana, Ama Lamatua Ana'Na nae lao no cara ona'a yang nene ne'etu basa ena, te hu atahori yang mana seo'a naa mana tu'u buku'u!" ²³ Yesus ana nanori nara esa natane esa soa neu atahori seka yang mana tao ona'a naka. Dadi Mii Atahori Yang Mana So'u O'o ²⁴ rasul ara boe rareresi esa no esa rae seka yang sia basa sira'e paling monae. ²⁵ te hu, Yesus nafade neu'se nae, "manek-manek sia raefafo ia yang nda mana mahine Lamatua'a ana to'u kuasa sao rauinggu nara, boema atahori-atahori yang mana to'u kuasa soa manek-manek'ra, ara oi fene 'mana lutulinu rauinggu.' ²⁶ hu, afi'i hei ona' nake, te hu, yang paling monae sia basa hei iara ama tao ona'a hei yang paling anake, boema yang mana parenda tao aona ona'a yang mana so'u o'o. ²⁷ seka yang paling monae, atahori yang mana endok do yang mana so'u o'o? ne'o mae yang mana endok'a too? hu, Au sia basa hei talada mara dadi u yang mana so'u o'o fee hei. ²⁸ hei iara atahori-atahori yang mana mo Au ukundo'a sia Au sususah sosona Nggara rala. ²⁹ hu nana, Au fee nusak esa neti hei, ona'a sa'ka yang Au Ama Ngga fee neu Au, ³⁰ na fo hei hambu mia minu mo Au mei esa sia Au nusak Ngga rala. boema, hei boe endo misi'i karosi manek'a ata fo hei mi'etu miladi'i suku Israel ka sanahulu rua ra." Petrus Ana Nafani Yesus ³¹ "Simon, Simon, rena mala Au. nitu'a ana denu fo tai hoo ona'a tai gandum'a, ³² te hu Au hule o'e fee hoo na fo hoo nemeherema afi'i tuda. boema, basana hoo tobat, fee manggate neu hoo torano mara." ³³ hu, Petrus olah mbali Yesus nae, "Lamatua, au siap tao au isi'i bui rala boema mae au mate o Nggo boe au siap!" ³⁴ Yesus na'ta mbali'e nae, "Au ufade neti nggo, Petrus, sia fai ia manu lai'a nda fe'e ko'oke lao telu sa te hoo mufuni mae hoo nda muhine Au sa." Meda-Meda'a Te Minda Mo Sususah Sosona'a ³⁵ basama, Yesus natane neu ana nanori nara nae, "pas Au denu hei te nda fee hei mendi saku doi'isa, tas, do hoko na laopei, de hei mi'ena kekurangan sa'boe?" ma ara ra'ta rae, "nda hambu sa." ³⁶ Ana nafade mbali'se nae, "hu fai ia, seka mesan'e yang na'ena saku do'i do hoko'na tas, naa mendi'e. boema, seka yang nda ma'ena dombe tafa, naa hela'e fo ana seo badu'na fo ana hasa dombe tafa'a. ³⁷ hu, Au ufade neti nggi te saka yang nenesura'a sia buku meumare'a ia rala naa ana dadi sia Au rala, ''Ana nenehitu reke'e no atahori-atahori mana tatao de'ulaka'ra rala.' Yesaya 53:12 hu, yang nenesura soa no Au'a ana dadi sia fai ia ena." ³⁸ boema ara olah rae, "mete mita Lamatua, sia ia hambu dombe tafa rua." boema, Yesus olah mbali'se nae, "naa dai ena." Yesus Hule oo'e Mia Taman Getsemani ³⁹ basama, Yesus dea neu de Ana lao lelete'e Zaitun neu ona'a yang Ana biasa tao ta'o nake; de ana nanori nara boe tungga dea'Na. ⁴⁰ pas Yesus losa mamana naa, ma Ana nafade mbali'se nae, "ama hule oo'e naa fo hei afi'i tuda misi'i sususah sosona'a rala." ⁴¹ basama, Yesus lao na'adodo no'se nda salah sa na fatu esa hohonda na neu, boema Ana sende' lunggulangga'Na neu rae'a de Ana hule oo'e nae, ⁴² "Ama Lamatua Ise, kalu Hoo nau naa, hali mala bali'i saloki ia lao mia Au, te hu, afi'i Au hihi nanau Ngga yang dadi, te hu Hoo hihi nanau'Ma." ⁴³ basa naa ma, Malaikat esa lao mia surga nema natudu aona neu Yesus de Ana fee manggate neu'E. ⁴⁴ boema, sia sususah soson'Na rala, ma Ana hule oo'e tebe-tebe fai; losa mbusah nara titih ona'a raah'a titih nisi'i raea neu. ⁴⁵ pas Yesus hule oo'e basama, Ana lao bali'i nisi'i ana nanori nara te Ana hambu nala'se mana sungguh ru karna rala nara merah. ⁴⁶ Yesus nafade mbali'se nae, "saa de hei sunggu'u? fela fo ama hule oo'e fo hei afi'i tuda misi'i sususah sosona'a rala." Ara Humu Yesus ⁴⁷ pas Yesus fe'e olah-olah, ma atahori bubue' esa rema; de ana'a yang ara biasa ro'e na rae Yudas, eni boe esa lao mia Yesus ana nanori ka sana hulu rua nara, ana no atahori'ra rema. de Yudas nakando neu nisi'i Yesus mata'Na de ana idu Yesus. ⁴⁸ te hu, Yesus nafade mbali'e nae, "Yudas, ta'obe de hoo seo Ama Lamatua Ana'Na nendi'i i'idu'u?" ⁴⁹ pas Yesus ana nanori nara yang mana mambari'i sia boboa'Na rita sa'ka yang nae dadi, ma ara olah rae, ''Lamatua, ona be na hai tati hendi'se mendi'i hai dombe tafamara sie?" ⁵⁰ basama, Yesus ana nanori'Na esa ha'i nala dombe tafa'na de ana tati neu Imam Agung esa a'te na de etu hendi ndikido ona'na. ⁵¹ te hu, Yesus nafade nae, "ta'onan, dai ena!" de Yesus ha'i nala Imam Agung a'te'na ndikido na de Ana pasa bali'e. ⁵² basama, Yesus nafade mbali malangga imam-imam ara, malangga mana manea Ama Lamatua ume'Na, boema atahori lasi mana rema humu'E nae' "saa de basa hei ima mendi'a dombe tafa boema hau e'etu'uru ona'a mae hei mae ima humu na'o? ⁵³ pas Au oo basa hei sia Ama Lamatua ume'Na rala tungga-tungga fai, naa hei nda mae humu Au sa. hu na'na, ia fo faina soa neu hei boema kuasa ma'ahatu'a.'' Petrus Nafani Nae Eni Nda Nahine Yesus ⁵⁴ sardadu'ra humu rala Yesus, boema ara ro Yesus nisi'i imam mahere'a neu. te hu, Petrus tungga-tungga'se dea nara lao mia seku dodo. ⁵⁵ basama atahori'ra rambila ai'a mia sosoda'a taladana de ara endo ra'abubue, boema Petrus'oo endo na'abue no'se. ⁵⁶ hu, a'te ina'a esa yang ana mete nita Petrus endo deka no ai mbila'a ma ana mete bebesa Petrus mata'na de ana olah nae, "atahori ia boe ana namalolo' no Yesus." ⁵⁷ te hu, Petrus nafani, nae, "woe ina'e, au nda uhine Yesus na seka'sa boe" ⁵⁸ nda doo sa fai ma, atahori esa fai nema de ana mete nita'e ma ana natane nae, "hoo boe esa lao mia sira'e to?" hu, Petrus olah nae, "hoko'o, au nda o sira'sa!" ⁵⁹ nada salah saa na jam esa fai ma, atahori esa fai ana olah no tetebes nae, "ne'oko atahori ia boe ana namalolo no Yesus, te ana boeo atahori lao mia Galilea nema na." ⁶⁰ te hu, Petrus olah nae, "au nda uhine sa'ka yang olah ia sa boe!" pas Petrus fe'e olah na'ona boema, manu lai'a ko'oke. ⁶¹ boema, Yesus heo de Ana mete Petrus. boema, Petrus nasaneda sa'ka yang Yesus nafade'Na, Ana olah mbali'e nae, "manu lai'a nda fe'e ko'oke sia fai ia sa te, hoo mufuni mae hoo nda muhine Au sa lao telu ena." ⁶² basama Petrus lao dea neu de ana nggae. Mana Manea'a Ana Poko Paru Yesus ⁶³ atahori-atahori yang mana tahan Yesus ara ra'a e'ei'E boema ara poko paru Yesus. ⁶⁴ ara tatana mata nara boema ara olah rae, "malaka leo! se'ka yang mana poko Hoo?" ⁶⁵ ara boeo rafade hal nae'e nda ona'a Yesus tatao nono'i'Na sa no ara mamasi rarai'E. Yesus Sia Malangga Yahudi'ra Mata Nara ⁶⁶ fefetu na, ma atahori-atahori lasi malangga Yahudi'ra, malangga imam-imam ara, ro ahli-ahli Taurat ara ra'abubue de ara ro Yesus nisi'i sira Makama Agama na. ⁶⁷ ara rafade rae, "kalu Hoo ia Mesias, naa mufade neu hai." hu Yesus nafade neu'se nae, mae Au ufade neti nggi'o, hei nda akan mimihere Au sa. ⁶⁸ boema kalu Au utane neti nggi'o, hei nda akan mi'ta Au sa. ⁶⁹ te hu, lao mia fai ia Lamatua Ana'Na akan endo nisi'i Ama Lamatua yang Mahakuasa boboa oana'Na." ⁷⁰ basa'se olah rae, "kalu ta'ona na, Hoo ia Ama Lamatua Ana'Na? Yesus na'ta neu'se nae, "hei yang olah mae Au ia Eni ena." ⁷¹ basama ara olah rae, "sakasi sa'ka fai yang hita tae sangga? hita rena ao tara lao mia bafa'Na ena!"