¹ pas Yesus mete ata neu, ma Ana mete nita atahori mamasu'i ra ruma tao derma nara risi'i kotak derma rala neu. ² Ana mete nita ina falu esa boe tao derma na doi keping tembaga 2. ³ ma Yesus nafade nae, "Au ufade tetebes neti nggi, ina falu hata tak ia fee derma na naena lena'a lao mia basa athori mamasu'i nara. ⁴ hu na'na sira fee derma nara lao mia sira hahambu dai nara, te hu ina falu ia fee derma lao mia eni hata tak nara, de basa sa'ka yang sia eni lima na, ana fee basa'e neu derma, de ana nda sudi maena'a sasasa boe." Tanda-Tanda Fai Mate'ena ⁵ Pas Yesus ana nanori nara ruma ola-olah soa neu Ama Lamatua ume'Na yang mana hias rendi'i fatu-fatu meulau'u no derma-derma'ra, ma Yesus nafade nae, ⁶ "fai naa losa, te basa sa'ka yang hei mete mita'a iara ara tao rambalulutu'se. nda hambu fatu esa nambari neu fatu esa'sa boe, te basa'e sea hendi'se." ⁷ de, Yesus ana nanori nara ratane rae, "Meser, fai hira naa nara dadi? boema tanda-tanda naa ona'a be'ka?" ⁸ ma Yesus na'ta nae, "meda-meda'a fo hei afi'i salah dala hu na'na atahori nae'e ara rema naa ara rendi'i Au nara Ngga fo ara olah rae, 'au ia Eni,' boema 'faina nae losa ena,' afi'i hei tungga mala'se. ⁹ te hu, pas hei rena musuh'a fanggi boema atahori rate-ratati, naa afi'i hei mimitau karna basa nara mema'a dadi ra'ahulu'u, te hu fai mate'ena nda fe'e nema si'a fai dekat mana nema ia sa." ¹⁰ basama Yesus nafade neu'se nae, "bangsa ana fela fo namusuh no bangsa boema nusak'a namusuh no nusak'a. ¹¹ raefafoa'a nanggongga'a monaena selih, ndoesa sia bebe, boema basa hedis beka-beka mesan sia basa mamana'ra. boema akan tita dadadi'i yang nemetaus no tanda-tanda monae'e sia lalai'a ata'a ¹² hu, basa iara nda fe'e dadisa, te atahori-atahori ra humu rala basa hei fo ara poko paru nggi. ara rendi hei misi'i mana parenda-mana parenda'ra boema ara dina hei misi bui rala reu. ara boe ro hei menghadap manek'ra boema gubernur karna Au nara Ngga. ¹³ hu nana, basa iara kesempatan soa neu hei, fo hei bersakasi Ama Lamatua nara'Na ¹⁴ hu nana, fee rala rala mangga te' neu hei ralamara fo afi'i dudu'a sa'ka yang hei mae olah fo sangga ndo tetu'a neu hei aomara. ¹⁵ defo Au fee hei dedea o'olah no duduat meulau neu nggi fo afi'i hei musuh marah nda hambu tati hei dedea o'olah mara sa. ¹⁶ hei ina ama, odi a'a tou mara, bobonggi mara, boema torano' mara boe hianati hei, boema ara boe mbau risa hei ruma. ¹⁷ basa atahori ramanasa hei karna Au nara Ngga. ¹⁸ te hu, hei langga fulumara esa boe nda mo'usa boe. ¹⁹ no hei rala manggate mara tungga Au, hei hambu masoda losa lolosana neu." Nefadet Soa Neu Yerusalem Nambalulutu Naa ²⁰ "te hu, pas hei mete mita pasukan-pasukan tentara ra hengge rala kota yerusalem, naa defo hei bubulu'u nambalulutu na deka nae losa ena. ²¹ faina, atahori-atahori yang mana sia mamana Yudea ra basa se rela risi'i lete mbuku'u ata reu, atahori-atahori yang mana sia kota rala boe basase dea reu, boema atahori-atahori yang mana sia desa-desa ra nda bole risi'i kota Yerusalem rala reu sa. ²² faina fai huku doki neu basa'e ona'a sa'ka yang nenesura'a sia susura meumare'a rala. ²³ tu'ubuku neu ina-ina mana mairu'ra boema yang mana fe'e masusu'ra sia pas faina losa, hu nana basa sususa'ra sia negri ia, boema huku doki'a monae na seli soa neu bangsa ia. ²⁴ sira ara hala mbau'se rendi'i dombe tafa'a boema ara musuh ra humu rendi'se. atahori-atahori asing ara sofe rala kota Yerusalem rala losa kejayaan bangsa-bangsa naa nate'e." Ama Lamatua Ana'Na Nema No Mandela Masa'a Na ²⁵ "defo hambu tatanda'a sia relo'a, fula'a boema ndu'ra. sia raefafo, basa atahori-atahori ra nggengger ro ara ramatau rena tasi'a no ree'ra namue. ²⁶ atahori-atahori ara samaput karna ramatau boema nehani'i soa neu basa hal-hal yang mana dadi'i sia raefafo ia hu nana basa kuasa yang mana sia lalai'a ana nambesi'i. ²⁷ basama, ara mete rita Ama Lamatua Ana'Na nema sia lele'a ata'a no kuasa boema mandela masa'a Na yang monae'e. ²⁸ kalu basa hal-hal nara dadi ena, naa fela mumburi boema su'u langgama ata neu karna hoo fai na'etuma ana losa ena." Na'asasama'a Hau Ara ²⁹ basama Yesus dui na'asasama'a duduit esa neu sira nae: "mete mita hau hu ara boema basa hau hu yang laen. ³⁰ pas hau-hau hu nara rambetu, naa hei mihine boema hei bubulu mae fai fandu'a nae losa ena. ³¹ ona'a nake boe pas hei mete mita basa nara dadi sia raefafo ia, naa hei boe bubulu mae Ama Lamatua nusak'Na nae deka ena. ³² tebe-tebe te Au ufade neti nggi Ae, titinonosi aira nda matesa losa basa hal iara dadi. ³³ lalai'a no raefafo'a mopo hendi'se, te hu Au dedea o'olah nggara nda akan mopo'sa." Meda-Meda Mikindo ³⁴ "mata lolole fo afi'i hei rala mara sosofe'e noa'a hihinanau mae feta dote, minu mafu, boema dudu'at sia hei aomara. te fai naa dadi neu tete'es soa neti hei'e. ³⁵ hu nana, faina nema neu basa yang mana mori sia raefafo ia ata. ³⁶ meda-meda mikindo'a sia basa faira boema huleo'e mikindo'a fo hei hambu bebe'i bara ait boema hei mbo'i lao mia basa hal yang mana nemara iara no hei bisa mimbiri sia Ama Lamatua Ana'Na mata'Na." ³⁷ sia fai rerelo'o, Yesus nanori atahori nae sia Ama Lamatua ume'Na rala, te hu fai tetemba naa Ana lao hela kota fo Ana nisi'i mbuku Zaitun ata. ³⁸ boema, fefetu ana, naa basa atahori rema randa ro'E sia ume nggarei rala fo rena'E nanori.