¹ de, Yesus lao tungga nusak Yerikho rala. ² tou'u esa sia naa narana Zakheus, eni malangga mana kumbu bea boema eni atahori mamasu'i'i. ³ ana nasu nae mete nita Yesus mata'Na, te hu ana nda hambu nita'sa karna atahori nae bambi rala'e; karna aona e'eku'u. ⁴ de zakheus nela na'ahulu'u atahori nae'ra boema ana hene nisi'i hau ara esa ata'a fo ana mete nita Yesus yang Ana nae lao tungga dala naa. ⁵ pas Yesus losa mamana zakheus sia'a, ma Ana mete ata'a neu de Ana olah mbali'e nae, "Zakheus, onda te fai ia Au ae sunggu'u sia hoo ume ma." ⁶ de, zakheus boeo onda rae neu boema ana simbo nala Yesus no nemeho'ote. ⁷ hu, pas basa atahori nae'ra mete rita hal naa, ma ara ra'u'utu esa no esa boema ara olah rae, "Ana neu sunggu'u nisi'i atahori mana sofe'e no'a salah singgo'a.'' ⁸ basama, Zakheus nambari de ana nafade neu Lamatua nae, "Lamatua, mete mita, au hata heto ngga fa au ae fee neu atahori hata tak'a, boema kalu au umopo hendi atahori esa sana, na au ae fee bali'e lena'a lao 4." ⁹ de, Yesus nafade neu Zakheus nae, "sia fai ia, masoda'a nema nisi'i ume ia karna atahori ia tititi nonosi'i lao mia Abraham boe. ¹⁰ hu, Lamatua Ana'Na nema fo sangga boema mbo nala mana mopo'ra." A'te Yang Mana Rena'a Boema A'te Nda Mana Rena'asa ¹¹ ara fe'e rena rala basa iara, ma Yesus dui na'asasama selu'u dududit esa fai karna Ana deka no Yerusalem ena boema karna ara rae ne'o fe Ama Lamatua nusak'Na nae nema ena. ¹² hu na'na, Ana boe nafade nae, "atahori esa tititi nonosina mia manek'a ana lao nusak dodo neu fo ara so'ue dadi neu manek, de basama ana bali nema. ¹³ basama, lamatua naa ana kumbu a'te ka sanahulu'ra de ana fee se doi mina 10. ana nafade neu se oi, 'ama badanggan mendi'i doi'i iara losa au bali'i uma.' ¹⁴ te hu, atahori-atahori yang nusak esa ro'e ara rambeda'e boema waktu ana lao ma ara denu sira atahori nara fo reu rafade rae, 'hai nda nau atahori ia dadi neu hai manek ma sa.' ¹⁵ ana dadi nala manek, ma atahori tititi nonosi mia manek'a bali nema de ana parenda basa a'te-a'te nara yang eni fee se doi'ra fo ara rema randa ro'e, naa fo ana bubulu'u sira badanggan de ara hambu untungna ba'u sa. ¹⁶ a'te ma'ahulu'a nema de ana olah nae, 'lamatua, hoo doi mina'ma 1 de iama ana dadi neu mina 10 ena.' ¹⁷ manek'a nafade mbali'e nae, 'malole na seli, hoo au a'te malole ngga! karna hoo ue meulalu sia ues ana'ka, de au fee hoo parenda mala kota sanahulu.' ¹⁸ a'te yang ka rua na nema de ana olah nae, 'lamatua, hoo doi mina'ma 1 de iama ana dadi neu mina 5 ena.' ¹⁹ boema, manek'a nafade mbali'e nae, 'hoo kuasa mala kota 5.' ²⁰ basama, a'te esa nema fai de ana olah nae, 'lamatua, hoo doi mina'ma ka 1 au mbeda'e neu au lesu ngga. ²¹ au umutau hoo karna hoo atahori de'ulakat. hoo ha'i mala sa'ka yang mae hoo nda ena'masa boema hoo etu oru mae hoo nda fe'e selanggari mita'sa.' ²² basama, manek'a nafade mbali'e nae, 'au ae ali nggo ona'a au ufade ngga, woe hoo a'te yang de'ulakat! de, hoo bubulu'u mae au ia atahori de'ulakat, yang ha'i nala saka yang au nda mbeda ita'sa boema etu oru ala saka yang nda au sela nggari'sa? ²³ ta'o na'na, sade hoo nda fee au doi nggara reu atahori yang mana badanggan doi'isa fo pas au bali'i, naa au hambu bali'i doi nggara no'a buna nara'sa?' ²⁴ de, manek'a nafade mbali atahori-atahori yang mana mambari sia naranae, 'ha'i mala doi mina naa lao mia'e fo fee neu atahori yang ma'ena doi mina ka 10.' ²⁵ hu, ara olah mbali manek'a rae 'lamatua, a'ta naa ma'ena'a mina 10 ena.' ²⁶ manek'a na'ta nae, 'au ufade neti nggi, seka yang ma'ena'a naa ana hambu nalena'a, te hu atahori seka yang nda ma'ena'a sasasa boe, naa yang eni ena nara sana ara ha'i rala basa'se. ²⁷ te hu, soa neu au musuh-musuh nggara yang nda mana nau au dadi u manek'sa, mo basa'se ia rema fo hala misa basa'se sia au mata ngga."' Ara Soru Yesus Dadi'a Manek ²⁸ Yesus dui basa hal-hal nara, ma Ana lao na'ahulu'u Yerusalem neu. ²⁹ pas Ana losa deka desa betfage no Betania, sia deka lete'e Zaitun, ma Ana denu ana nanori'Na rua. ³⁰ Ana nafade'se oi, "lami misi'i desa yang mana sia mata'a naa. fo, pas hei losa na'na, hei mita keleddai ana esa mana pa'a boema atahori esa'sa boe nda fe'e sae nita'esa. ama sefi mala'e fo mendi keledai ana'a na nema. ³¹ kalu atahori ratane hei rae, 'sade hei nore mendi keledai ana naa?', naa ama mi'ta se mae: Lamatua'a nae sae." ³² de, Yesus ana nanori ka rua nara ma ara mete rita basa'e ona'a sa yang Yesus nafade'Na neu sira. ³³ pas ara sefi keledaia'a talina ma lamatuana neu, de ana natane'se nae, "sa'de hei sefi hendi'i keledai'a tali na?" ³⁴ de ara ra'ta rae, 'Lamatua Ana nae sae." ³⁵ de, ara ha'i rendi keledai ana'a nisi'i Yesus boema ara tao lalakat neu keledai'a nggarasana, basama fee Yesus sae neu ata. ³⁶ pas Yesus lao tungga dala'a, ma atahori-atahori ra bela bua lo'as neu dala'a fo fee Yesus lao tungga ata'a. ³⁷ boema, pas Yesus tamba deka no Yerusalem, mia dala o'ondu'a sia dala nae nisi'i lelete Zaitun, ma basa mana tungga nara koa kia rahere'e neu Ama Lamatua nara'Na boema ara ramaho'o. ara ro'e makasih neu Ama Lamatua'a soa neu basa mukjizat yang sira rita no mata nara. ³⁸ ara nggasi rae, "ua manale'e soa neu Eni yang ana nema dadi manek sia Lamatua rala, soda mole' sia sorga boema mandela masa'a sia nusak tetun inggu temen!" Mazmur 118:26 ³⁹ atahori Farisi ruma lao mia atahori nae'e yamg mana ma'abubue nara ra olah neu Yesus rae, "Meser, ai mala Hoo ana nanori mara dei." ⁴⁰ te hu, Yesus na'ta nae, "Au ufade neti nggi, kalu denu'se ne'ne, na fatu-fatu iara yang ara nggasi ki." Yesus Nggae Soa Neu Yerusalem ⁴¹ pas Ana losa deka no kota Yerusalem boema Ana mete nita'e, boema Ana nggae. ⁴² Ana olah nae, "kalu fai ia hoo bubulu'u sa yang ana nendi sodo mole'e neu nggo. te hu, fai ia hal naa nene nefeni'i sia ho matama. ⁴³ hu fai esa te pas hoo musuh-musuh mara, ara rafefela tembok naru'u fo ana babata nala basa hoo'e. ⁴⁴ na ara rakalah hendi hoo, hoo mo basa ana mara funi risi'i temboka. boema sira nda tao fatu mana susun ara esa'sa boe sia hoo rala hu hoo nda muhine'e fai naa Ama Lamatua Ana melawat hoo sa." Yesus Use Basa Atahori-Atahori Mana Maseseo'ra Sia Ama Lamatua Ume'Na Rala ⁴⁵ basama, Yesus nisi'i Ama Lamatua ume'Na rala boema Ana use basa atahori-atahori yang mana maseseo sia rala'a dea reu. ⁴⁶ Ana olah neu'se nae, "nenesura'a: 'Ume Ngga dadi neu ume hule oo'e,' te hu hei tao'e neu dadi neu mana rampoka ndun'na!" ⁴⁷ de, Yesus nanori sia Ama Lamatua ume'Na tungga-tungga fai. hu, malangga Imam-imam, ahli-ahli Taurat, boema basa malangga sia nusak naa ara sangga dala'a fo rae hala Yesus. ⁴⁸ te hu, ara nda rahine'e tao'E ta'o be sa boe, karna basa atahori'ra to'u rahere'e Yesus dedea o'olah nara.