¹ basama, Yesus na'asasama'a duduit esa neu ana nanori nara no Ana nae nafade'se fo are hule oo'e rakando'a boema rala nara afi'i ra'aana. ² Ana dui nae, "sia nusak esa, hambu mana na'etus naladi' esa yang nda mana mamatau Ama Lamatua'sa boema ana nda mana ma'ena hadat'sa. ³ sia nusak naa, ina falu esa nema nakando'a neu mana na'etu'a maladi'a fo ana hule neu'e nae, 'fee au titimba tatais meulau'u soa neu au dedeat ngga dei.' ⁴ fai hira ra nara, mana na'etu naladi'a nda nau tao afi'i neu ina falu'sa. te hu, basama mana na'etu naladi'a du'a sia rala'na rala nae, 'mae au nda mana umutau Lamatua'sa boema au nda ma'ena hadat neu atahori esa boe, ⁵ hu karna ina falu ia nema nakando'a neu au de helan fo au fee titimba tatais meulau neu'e, na fo ana afi'i sudi nema tao na'asususa' nekendo'a au fai."' ⁶ de, Lamatua olah nae, "rena mala sa'ka yang mana na'etu naladi'a dedea o'ola'na. ⁷ Ama Lamatua boe fee Eni atahori nara yang Ana here'ra boema ara hule oo'e sia rerelo no tetemba'a, Ana fee titiba tatai meulau'u lena'a hendi lao mia naa'ka fai. Ana nda fe'e babanggo nita Eni susue'Na neu sira'sa. ⁸ Au ufade neti nggi, Ana fee titimba tatai melau' neu sira. te hu, pas Ama Lamatua Ana'Na nema, na Ana Hambu nemeheret sia raefafo'a dohoko'o?" Na'asasama Duduit Soa Neu Atahori Farisi No Mana Kumbu Bea ⁹ Yesus boe dui na'asasama duduiet iaka neu atahori hira yang ara rae sira atahori ndo tetu'uru de ara ra'aloloe atahori laen. ¹⁰ "atahori rua reu risi'i Ama Lamatua ume'Na fo ara hule oo'e. atahori esa lao mia Farisi boema ka esa'a mana kumbu bea. ¹¹ atahori Farisi'a ana nambari'i de ana dui bengga eni aona sia eni hule oo'e rala nae, 'ya Ama Lamatua, au hule makasih neu Nggo karna au nda ona'a atahori laen'sa; mana peras atahori, mana e'ediki, mana hohongge'e, do ona'a mana kumbu bea iaka. ¹² au nda ua inu'sa sia minggu esa na lao rua, au fee au 10 % sia basa au hahambu nggara.' ¹³ te hu, mana kumbu bea nambari'i seku sia dodo, boema ana nda nambarani mete lalai ata neu'sa. hu, ana popoko paparu aona boema ana olah nae, 'ya, Ama Lamatua. fee suelai' neu au, atahori yang mana sofe'e no'a salah kilu ia.' ¹⁴ Au ufade neti nggi, atahori mana kumbu bea ia bali'i ume'na neu no hambu ambon lao mia Lamatua nema lena' mia atahori Farisi'a, karna atahori seka yang koa-koa eni aona, na ara raloloe, te seka yang naloloe eni aona, na so'ue ata neu." Yesus No Ana Diki'ira ¹⁵ de, atahori-atahori'ra rendi ana diki- ana diki'ra risi'i Yesus fo fene nggama'Na neu'se. te hu, Yesus ana nanori nara mete rita, ma ara ramue atahori-atahori nara. ¹⁶ hu, Yesus no'e ana diki'ra fo ara risi'i mata'Na neu boema Ana olah nae, "hela fo anadiki ana' nara rema risi Au, afi'i hei baba-babambi'se te Ama Lamatua nusak'Na naa atahori-atahori ona'a iara fo sira ena nara. ¹⁷ Au ufade yang tetebes ia neti nggi, te seka mesan'e yang ana nda simbo Ama Lamatua nusak'Na ona'a ana diki aira sa, naa ana nda rala neu nita'sa nisi'i Ama Lamatua nusak'Na sa boe." Atahori Mamasui'i No Ama Lamatua Nusak'Na ¹⁸ sira atahori malangga'na esa natane Yesus oi, "Meser yang meulau, saka yang au tao naa fo au hambu u'ena masoda' losa lolosana neu?" ¹⁹ Yesus na'ta neu'e nae, "sade hoo olah mae Au meulau? nda hambu esa meulau lena' mia Ama Lamatua'a mesa'Ne sa boe. ²⁰ hoo bubulu soa neu to-to lane raefafo iara; 'afi'i hohongge, afi'i hala mbau, afi'i mumuna'o, afi'i fee sakasi e'ediki, boema fee hadat neu hoo ama'ma no ina'ma.''' ²¹ atahori na ana na'ta oi, "au tao basa ona'a naka ena, eni'a mia au fe'e monetena ngga nema." ²² pas Yesus rena nala, ma Ana olah mbali atahori naa nae, "hela fe'e esa fai. mu'udodo mo basa saka yang hoo hata heto mara boema banggi hendi basa'se reu atahori hata tak ra, fo hoo hambu hata heto sia rurga; boema uma fo tungga Au." ²³ de atahori naa rena nala saka yang Yesus nafadena, ma ana nggae karna ana sofe no'a hata hetoi'o ²⁴ basama Yesus mete mbali'e de Ana olah nae, "atahori mamasu'ira susah fo ara rala Ama Lamatua nusak' Na rala reu! ²⁵ unta esa rala neu tungga sosota kolona rala na ana fe'e nala, te hu susah fo atahori mamasu'i a nala Ama Lamatua nusak'Na rala neu," Mana Tungga Yesus Naa Ana Simbo Masoda'a Losa Lolosana ²⁶ atahori-atahori yang mana rena dedea o'olah nara rafade rae, "kalu ta'o naa, seka yang hambu masoda'a?" ²⁷ Yesus na'ta nae, "saka yang atahori'ra rae nda bisa'sa, na'na bisa soa neu Ama Lamatua." ²⁸ boema, Petrus nafade nae, ''mete mita, hai lao hela basa hai sa'sa mara de hai tungga Hoo ena.'' ²⁹ ma Yesus nafade neu'se nae, '' Au ufade tetebes neti nggi, nda hambu atahori esa sa boe yang ana lao hela ume loo'na, sao'na, torano'na, ama no ina nara do basa ana nara aka'a Ama Lamatua nusa'Na sa, ³⁰ yang nda hambu sa'sasa yang nalena'sa boe sia fai ia, boema sia fai mana nema ia, na'na masoda'a losa lolosa'na neu." Nafades Soa No Yesus Mamate'Na Boema Yesus Fela Bali' Lao Mia Mamates Nema ³¹ boema, Yesus kumbu basa ana nanori nara ka sanahulu'ra de Ana ola-olah no'se nae, "ama rena, hita tae teu sia Yerusalem de sa'ka yang basa nabi ra sura' hela ra soa neu Ama Lamatua Ana'Na nae dadi ena. ³² ara humu rala'E fo ara fee neu atahori-atahori yang nda mana rahine Ama Lamatua'a sa. ara ramamae, ara poko paru'E, boema ara miru neu'E. ³³ de ara fifilo basa'E, na ara mbau risa'E. te hu, sia fai ka teluna, na Ana fela bali'i lao mia mamatesa nema." ³⁴ hu, Yesus ana nanori nara nda rahine'e saka yang Ana olah sa boe. dedea o'olah nara nene nefeni'i soa neu basa'se de ara nda du'a rala sasa'sa boe. Yesus Nahai'i Atahori Poke'a ³⁵ Yesus losa deka no'a nusak Yerikho, ma atahori poke' esa endo mia dala bifena de ana hule-hule'e. ³⁶ pas atahori poke'a rena atahori'ra nae' lao tungga naa, ma ana nanatane saa de atahori nae lao tungga ia. ³⁷ de, atahori'ra rafade rae, "Yesus mana mia Nazaret nema Ana lao tungga ia." ³⁸ ma, atahori poke'a ana nggasi nae, "Yesus, Daud ana'na, suelai mala au dei!" ³⁹ atahori-atahori yang mana lao ma'ahulu'ra ara ramanasa atahori poke'a boema ara denu'e nene. te hu, ana nggasi nahere lena ma'ahuluna fai oi, "Daud ana'na 'e, suelai mala au dei!" ⁴⁰ boem Yesus nambari de denu atahori'ra ro atahori poke'a mata nema nisi'i Yesus. pas atahori poke'a deka, ma Ana natane neu'e nae, ⁴¹ "saka yang hoo nau lao mia Au, fo Au tao soa neu hoo?'' atahori poke'a na'ta nae, "Lamatua, au nau fo au ita bali'i." ⁴² Yesus nafade mbali'e nae, "mete mita, hoo nemeherema ana fee hoo hai." ⁴³ li' na boe, ma ana nita bali'i de ana tungga Yesus no ana koa kia Ama Lamatua nara Na. pas atahori nae'e mete rita naa, ma sira boe koa kia Ama Lamatua nara Na.