¹ basama, Yesus nafade neu ana nanori naraoi, "ne'oke hambu fatu ne'etusus sia, te hu tu'ubuku soa neu atahori yang mana tao ona' na'ka. ² meulau na fatu makandedelak esa ara pa'a neu boto'na fo honda'e hendi'e nisi'i tasi neu fo ana afi'i dadi neu fatu ne'etunus sao neu ana diki'i iakara. ³ meda-meda'a! te kalu hoo torano'ma tao salah neu nggo, na ai'e; kalu ana no'e ambon, na fee ambon neu'e. ⁴ mae ana tao salah' neo hoo lao hitu sia fai esa rala boema ana neti neu nggo lao hitu fo ana hule oi, 'au salah ena de au o'e ambon,' na fee ambon neu'e." Kuasa Namahere' ⁵ Lamatua a'te ana nara ro'e neu'E oi, "Fee hai nemehere mara tamba ramanae!" ⁶ Lamatua na'ta neu'se oi, "kalu hei nemehere mara monaena ba'u aka'a feta deke esa, hei bisa mifade neu hau hu'u murbei ia'ka mae, 'lesu hendi'e lao mia rae'a rala fo selah'e nisi'i tasi' neu,' na hau hu'u na boe ana rena hoo parena'ma." A'te Yang Ana Rena Parenda'a Lao Mia Lamatua'na ⁷ "hei se'ka yang ma'ena'a a'te, yang ana tati saro mole'osi do mana tada, fo pas a'tena bali'i lao mia mole'osi na ana no'e oi, 'uma, endo'o misi'i ia fo mua'? ⁸ te hu ana parena a'tena oi, 'dode nasu fee au nana nininu nggara te au ae ua inu boema pake bua lo'as meu-meu defo so'u o'o mendi nana nininu nggra rema nisi au, fo au ua inu basa fo hoo mua minu? ⁹ kalu ana parenda a'tena fo atena tao tungga'a sa'ka yang eni hihinanauna na ana no'e makasih do hoko'o? ¹⁰ hei boe ona'a naka. kalu hei tao basa'e tungga'a yang Lamatua'a parenda'Na, malole na hei olah mae, 'hai ia Hoo a'te'Ma yang feli'i nese. hai ia tao tungga'a sa'ka yang Hoo hihi nanau'Ma."' Atahori Hedi Bunira'a Sanahulu Hai ¹¹ Yesus nae lao Yerusalem neu de Ana lao' tungga Samaria no Galilea talada nara. ¹² pas Ana nala desa esa rala, ma Ana nanda no atahori mana hedi'i buni'ra sanahulu yang ara rambari' ra'adodo ro'E, ¹³ boema ara nggasi rahere' rae, "Yesus, Meser, suelai mala hai dei!" ¹⁴ pas Yesus mete nita'se, ma Ana nafade mbali'se oi, "lami fo mitudu hei ao mara misi'i imam-imam ara.'' boema pas ara rala dala dalada'a, ma buni'ra a mopo hendi basa'se. ¹⁵ pas sira esa mete nita eni aona hai ena, ma ana bali'i de ana koa kia no harana tande'e neu Ama Lamatua nara'Na, ¹⁶ boema ana sende'e lunggu langga'na nisi'i Yesus mata'Na de ana no'e makasih neu Yesus. atahori na lao mia Samaria nema. ¹⁷ basama, Yesus natane mbali'e nae, "hei atahori sanahulu yang hai dei to? atahori ka sio ra sia be? ¹⁸ nda hambu esa'sa boe yang ana bali'i nema koa kia neu Ama Lamatua'a mandela masa'aNa aka'a atahori yang nda nene nehine ia'ka sa do? ¹⁹ de Yesus nafade mbali'e nae, "fela fo lamu, hoo nemeherema fee masoda'a neu hoo." Ama Lamatua Nusak'Na Nema' ²⁰ pas atahori Farisi hira ratane rae faihira'a na Ama Lamatua' nusak'Na nema, ma Yesus na'ta neu'se nae, "Ama Lamatua nusak'Na nenemana nda ma'ena tatanda mamara'asa de atahori nda rahine'sa, ²¹ nda hambu atahori esa sa boe yang olah nae, 'mete mita, Ama Lamatua'a nusak'Na nema sieena!' do 'Ama Lamatua'a nusak'Na ana sia na!' karna tetebes na Ama Lamatua nusak'Na ana sia hei taladamara." ²² basama, Yesus nafade neu ana nanori nara nae, "fai esa te hei mae hi mete mita fai esa lao mia Ama Lamatua Ana'Na fai'Na, te hu hei nda hambu mete mitae'sa. ²³ atahori-atahori ra rafade neti hei rae, 'mete mita, sia na!' do 'mete mita sia ia!' te hu, ama afi'i mimihere'se boema ama afi'i tungga mala atahori ona'a nakara." Ama Lamatua Ana'Na Nenema'Na ²⁴ "hu ndelas'sa ana ndela lao mia lalai'a tonggo'na esa nisi'i lalai'a tonggo'na esa, ona'a nake boe Ama Lamatua Ana'Na nenema'Na. ²⁵ te hu, Ama Lamatua Ana'Na ara huku doki'E na'ahulu'u boema tititinonosi iara nda simbo'esa. ²⁶ boema, ona'a mana dadi'i mia fai-fai saman Nuh, ona'a nake boe pas sia Ama Lamatua'a Ana'Na fai na. ²⁷ atahori-atahori ra raa rinu, ara soa boema ara fee'se sao losa Nuh faina nisi'i ofa'na rala boema loe'a monae'e nema de mate hendi basa atahori'ra. ²⁸ dadi ona'a mia Lot masana boe, pas atahori-atahori ra raa rinu, ara banda hasa, ara raseseo, ara sela nggari, boema ara rafefela ume'ra. ²⁹ hu, faina pas Lot lao nasade hela Sodom, ma ai'a no belerang'a nggodi lao mia lalai'a ata' nema ona'a udan de mate basa atahori'ra. ³⁰ ona'a naka boe pas Ama Lamatua Ana'Na fai nenema'Na. ³¹ sia faina, seka mesan yang ana sia ume'a mbunina ata'a, boema sasa nara sia ume'a rala, na afi'i ana onda fo ana neu ha'i fai; boema seka mesan'e yang ana sia osi, na ana afi'i sudi bali'i umena neu fai. ³² misineda saka yang dadi neu Lot sao'na! ³³ seka mesan'e yang ana nanaea ao samana'na, na mopo eni ao samana'na. boema seka mesan'e yang ana mopo eni ao samana'na, na ana hambu masoda'na. ³⁴ Au ufade neti nggi, sia fai tetmba'na atahori 2 sunggu'u ra'abue sia susunggut 1. te hu, atahori esa ara ro'e, hu esa ara hela'e. ³⁵ ina'a rua ara mbau gandum rabue. ina esa ara ro'e te hu ina esa ara hela'e. ³⁶ [ona'a naka boe atahori rua ara tao ueosa' ra'abue sia osi esa, na atahori esa ara ro'e, te hu yang ka esa'a ara hela'e."] ³⁷ de Yesus ana nanori nara ratane mbali'E rae, "Lamtua'a sia be?" Yesus na'ta neu'se nae, "mburu'a sia be, na marambua ana kumbu sia na." ³⁷ Boema ana nenori Nara ratane neu Yesus,"Lamatua Sia be? Yesus nata soa neu'se,"Sia be sisi mburu'a sia, mbui ka na,a bubue sia na."