¹ Yesus nafade mbali ana nanori nara nae, "atahori mamasu'i esa yang naena malangga a'te. de, atahori mamasu'i a hambu laporan oi malangga a'tea foya-foya eni hata eto nara. ² hu na, atahori mamasu'i a no'e malangga a'te na de ana natane, 'sa'ka yang au rena'a ia tebe do hoko? mufade sa'ka yang hoo tao selama ia, karna hoo nda sudi bisa dadi mu au mana to'u doi ngga sana.' ³ malangga a'tea dudu'a sia rala'na rala nae, 'sa'ka yang au ae tao fai karna au lamatua ngga oi hendi' au lao mia au ues ngga ena? au nda sudi be'i tati saro sa ena boema au mae hule-hule'e. ⁴ au uhine sa'ka yang au tao pas lamatua ngga nda sudi fee au dadi mana to'u doi sa ena, ne'oke atahori-atahori ra simbo au sia sira umena.' ⁵ basama, ana boe no'e basa atahori yang mana mahuta' sia eni lamatua'na. de ana natane mbali atahori ma'ahuluka nae, 'hoo muhuta au lamatua ngga ba'usa?' ⁶ atahori na ana na'ta nae, 'mina zaitun bat natun esa.' ma, malangga a'tea denu'e oi, 'mu ha'i mendi susurana, fo endo mu na, sura' bali'ie bat 50.' ⁷ basama malangga natane mbali atahori esa fai nae, 'hoo muhuta ba'usa fai?' atahori na na'ta oi, 'kor gamdum natun esa.' ma mana to'u doi'a denu oi, 'mu ha'i mendi susurana nema fo sura' bali'i hoo utama lembata 80.' ⁸ basama, atahori mamasu'i a koa malangga a'tena yang mana mafani na karna oi ana mahine'e. hu na, ana kara yang mana sia rae fafao ia mahine nara lena hendi mia ana mana sia manggarelo'a rala. ⁹ Au ufade neti nggi, mi torano mala mamon yang sofe no'a salah singgo na fo pas mamon na basana, ara simbo rala hoo sia ume losa dona neu. ¹⁰ se'ka mesan yang ana tao tebe-tebe'e sia hal-hal ana'ka, ana boe tebe-tebe'e sia hal yang monae'. boema, se'ka mesan ana nafani sia hal-hal ana'ka ana boe nafani sia hal-hal monae'a boe. ¹¹ de, kalu hoo nda dadimu nemehere' soa neu kelola hata heto raefafo'asa, na se'ka yang nae namahere hoo fee eni hata heto'na neu nggo? ¹² boema, kalu hoo nda hambu namahere soa neu pake atahori barang'sana, na se'ka yang nae namahere hoo fee sa'ka yang sebenar na hoo enama? ¹³ nda hambu a'te esana ana ato ues fee lamatua' rua'sa karna ana hi' no lamatua esa na ana hika'a no lamatua esa. do hokona, ana rena lamatua esa te hu ana nda tao afi'i no lamatua esa'sa. hoo nda bisa tao ues fee Ama Lamatua boema no mamon'sa." Fee Nesenedat Neu Atahori Farisi ¹⁴ atahori-atahori Farisi'ra, yang mana sue doi'a, ara rena rala hal ia ma ara ra'ae'ei Yesus. ¹⁵ Yesus nafade mbali'se nae, "hei iara atahori-atahori yang mae hei ndo tetu' sia atahori raefafo'a mata nara, te hu Ama Lamatua nahine saa yang sia hei rala mara karna yang atahori raefafo'a koa-koa'ra na yang tao fee Lamatua melumudu'se ¹⁶ to lane raefafo'a no susura nabi ara ranori se losa Yohanes masa'na; mia Yohanes masa'na, hara malole'a soa neu Ama Lamatua nusak'Na ara dui bengga ena de basa atahori'ra rasu rala reu. ¹⁷ hu tetebes, na lalai'a no raefafo'a mopo hendi'se lebih malole lao mia to lane raefafo'a titik esa ramopo'e. Soa Neu Mahela'a ¹⁸ "basa atahori yang mahela'a no sao'na fo ana sao nala ina'a laen, na ana hohongge. boema, atahori yang mana sao nala ina yang sao'na hela hendi'a, boeo ana hohongge," Atahori Mamasu'i a no Lazarus ¹⁹ "atahori mamasu'i esa ana pake buaba'us makandedelaka, boema ana tao feta dote sia fai-fai esa. ²⁰ atahori hata tak esa yang aona sofe' no'a bisu bobolo' narana Lazarus ana sungguh-sungguh si'a atahori mamasu'i na lelesu parapunggu'na matana. ²¹ ana namahena hambu nanat lao mia atahori mamasu'i a nana sisa nara yang ara mbia hendi'a; te busa'ra boeo rema dadalo bisu bobolo'na. ²² fai esa ma, atahori hata ta'a mate boema malaikat ara ro'e nisi'i Abraham ifa'na. atahori mamasu'i a boe mate de ara ra'oie. ²³ sia mamatesa rala, ara siksa'e, de atahori mamasu'i a mete ata' neu boema ana nita Lazarus sia Abraham ifa'na. ²⁴ boema, atahori mamasu'i a nggasi nae, 'Ama Abraham, suelai au dei fo denu Lazarus tao lima u'una neu oea fo ana tao neu au mangga dei te au u'umada sia ai rala.' ²⁵ te hu, Abraham olah nae, 'ama'e, musuneda pas hoo fe'e masodama, hoo hambu basa meulau raefafo'a ena, hu Lazarus hambu basa huku doki raefafo'a; fai ia, sia ia Lazarus hambu netales, te hu hoo nenesiksa'a. ²⁶ boema sia ia loe roma'a ana banggi hita de atahori nda bisa rala serisa, nda bisa lao mia ia reti'sa, boema atahori lao mi hoo mamanama nisi ia remasa.' ²⁷ boema, atahori mamasu'i a olah nae, 'kalu ta'ona na, au hule neu nggo Ama'e, denu Lazarus onda raefafo neu sia au ama ngga ume'na dei, ²⁸ karna au u'ena odi a'a ngga tou' lima. fo Lazarus fee nasanedat neu'se fo ara afi'i losa ara risi'i mamana' iaka.' ²⁹ hu, Abraham nafade nae, 'sira ra'ena to lane Musa boema susura meumare' nabi ra, hela'se fo ara rahine lao mia basa nara rema.' ³⁰ atahori mamasu'i a olah fai nae, 'hoko'o, Ama Abraham. kalu atahori mana mate esa fela bali'i fo ana neu olah mbali'se de fo ara rae tobata.' ³¹ Abraham na'ta neu atahori mamasu'i a nae, 'kalu hoo odi a'amara nda tao rerena neu to lane Musa'sa boema nabi ra susura meumare nasa, na ara boeo nda bisa fee nemehere neu sesa, mae atahori mana mate esa fela bali'i neu boeo.'''