¹ Ti ladu-ladu go tu dangu badda pa kabuana, atta o patanji ma pa nga ma o na. Yesus Na kayekadara Lakawa ni pa papeka-Na dangngu na panewi ti yidda, ² "Na milla ni ati gu ti tu dangu, badda karangnga Ga Yauwa taula laddu da takka atta o patanji ma pa nga ma o na. ³ Ka-Ku palewara kadda bali ti umma da lunggu-Wa takka ti dalu majiwu tuni giana angga da mati wudi aki ti lara lunggu-Wa, yidda dangu ma wali ti mama leru. ⁴ Lakawa ni pa papeka-Na da simai Yinna, "Be wali nyiani sa'tu tu 'ba piani 'bad'da mbassu waigi ni kababa ti panyia sia?" ⁵ Baisa, Yesus Na pakka tanana ti yidda, " Pirra ndi ni kababa ma ona ti yimmi? Yidda da sima " Pittu ndi ni kababa." ⁶ Baisaka, Yesus napa lewara tu madangu kadda mandidi ti tana, dangngu Na teki teki ri ni kababa ma pittu na do yena, Na sabaya banna dangi we maringi we malala, baisa Na pibi-pibiri baisaka na yanari ni Lakawa ni pa papeka-Na kadda bawiri ti tu madangu. Yidda da teki ri baisa da bawiri ti tu madangu. ⁷ Dangngu, ti Lakawa ni pa papeka-Na o manu ia dikku sakudukka, Na baisaka pa sabaya banna dangi we maringi we malala ni ia, Yesus napalewa mangura Lakawa ni pa papeka-Na kadda bawiri ni ia ti tu madangu. ⁸ Tu dangu da nga lappa badda bassu dangu da pakka buandi ni taddi nga ni marisi nimma pittu kapepi bannu na. ⁹ O tumma pata rata ma nga. Baisaka hai, Yesus nappa lewara badda salaku. ¹⁰ Baisai Yesus na tama ti tena dangngu Lakawa ni pa papeka-Na baisa da takka ti tana Dalmanuta. Yesus 'Da 'Dangngi kanna Patakkanggi Ni Ta'nda Walli Ti Awangu ¹¹ Dangngu, tu Parisi da mai dangngu da patayakka danga ni Yesus, Badda dangngi Yesus kanna patakka ngngi ni tada wali ti awangngu, ka kaka wai Yinna lidda. ¹² Banna baisaka pa patangngi ni sangasu kalada ti dalu Ngasu Matua Na panewi, " Kaddi ni ndalaranni gia mi manyarra na tada? Ku takki gummi ni ma pullu pia ti yimmi, atta o patanji ma sisa tada pa yagumi ti ndalarami gia." ¹³ Baisaka, Yesus na dunjakkadarra, tama bali ti tena, dangngu salaku ti sabali tasikka. Ragi Tu Parisi Dangngu Ragi Herodes ¹⁴ Lakawa ni pa papeka-Na bulla nai pangindi kababa, dangngu da ni sakadappu ni roti nimma ona ti tena. ¹⁵ Dangui Yesus panamu darra yidda, " Sagagilla wikki mi." Maga-maga ndi ni ragi da tu Parisi dangngu ragi nai Herodes. ¹⁶ Baisaka pa lomai dassa yidda ngerani ba atta o kababa da. ¹⁷ Dangngu, Banna lakkassa ja go yena, linnai Yesus, kaddi yimmi mi panewi ngerani yimmi ma atta o kababa? Aita lakkassa amagi dangngu aitai rangngipu? Kaddi ni atimu mi pamangui? ¹⁸ Takka yimmi o mata mi takka aitai eta ma? Dangngu o katillu mi takka aitai rangngi ma? Aitai namu ammai yimmi, ¹⁹ Ba-Ku pibi-pibi ni kababa nimma limmana tutu da tu ma limma rata na, pira kapepi bannu ri dangngu ni kadappu-kadappu pa nga nippa kabua mi?" Yidda da simai, " Sakka bullu duada kapepi." ²⁰ " Dangngu, nimma pittuna ni roti tutuda tu ma pata rata na, pirra kapepi ma bannu na dangngu ni kadappu-kadappu pa nga ni pa pakka buami? Yidda da simai, " Pittu kapepi." ²¹ Baisaka, Yesus panewi ti yidda, " Angga aita mi Wappa mangu pui?" Yesus Nappa Tanggassai Ni Tu Ma Kambola Ti Betsaida ²² Baisaka, Yesus dangngu ni Lakawa pa papeka-Na takka dassa ti Betsaida. Dangngu, tumma o pirra ma karangnga na tu ma kambola dangngu da dangngi ti Yesus kanna pia ketani. ²³ Yesus na ketagi ni lumma na no ni tu ma kabola dangngu karangnga ni ti sabali manua. Baisaka, Yesus nassani ni mata na ni tu ma kambola na taui ni lumma-Na ti pannu na yinna. Yinna na katanai, " mu bussa da paeta ni ma wailangu?" ²⁴ Baisa, no ni tu nappa ngadu hallu desa dangngu linna, " Ku eta ra tu madangu takka yidda samatu pungngiyai ma salakura." ²⁵ Baisaka hai, Yesus na tau walliki ni lumma-Na ti pannu mata na no ni tu, baisaka no ni tu na buai ni mata na, ni pa etana tanggassa nassa, dangngu pia nikka banna eta ngaradukka dabba ni dangu wailangu. ²⁶ Baisa, Yesus nappa lewai kanna bali ti ummana dangngu linna ni, " Ambau tama amma ti Manua." Yesus Yinna kaddai Kristus ²⁷ Ti sabalini hai, Yesus na salaku, Dangngu Lakawa pa papeka-Na ti Manua-manua ti Kaisarea Filipi. Dangu, ti padua lara, Yesus na pakka tana na ti Lakawa pa papeka-Na, Linna ti yidda, " Ti kira da tu, Hegai lidda gakka yauwa?" ²⁸ Yidda da sima, " Yohanis mappa rissa tu, ma sawawi lidda Elia, o walli ma lidda salah satu dari nabi-nabi." ²⁹ Baisaka, Yesus na pakka tana na ti yidda, " takka, ti kira mi yimmi, hega_Wa Yauwa giana?" Petrus na simai, " Yo kristus-Wu." ³⁰ Dangngu, Yesus na panamu darra yidda ka aita da lolukai ti hega widdi ngera na Yinna. Pa Peka Ni Ngera Sadukka Nai Yesus ³¹ Baisaka, Yesus na pa pekadarra Lakawa pa Papeka_Na ni Ana tu Rara ma dangu pungngu pa sadukka dangngu ma aita bussani mabokula Yahudi, imam-imam kepala, ahli-ahli taurat, dangngu da pamati, dangu ba taula laddu nikka na kaddi bali. ³² Danggu, Yesus ba linnadarra aita na passangidi ammagi, Petrus na patangngi Yesus ti karasana dangngu na panamu-Ni. ³³ Takka, na pabili_Na dangngu banna elura Lakawa pa Papeka-Na, Yesus na bani ni Petrus dangngu linna," Salaku walli ti Yauwa, ta kaballiku, taka yimmi aita mi pangaddamagi ni tutu nai Allah, dani ni pangaddami ni tutuna ni tu rara." ³⁴ Baisaka hai, Yesus na kayekadarra tu dangu, dangngu Lakawa pa papeka-Na, dangngu na panewi ti yidda ngaradukkada, " Ba o kanissa satutu mabussa pakeriwa Yauwa yinna na pasinni wikki pungngu walli ti kalitta wikkina, dangngu na ditai ni yai sarikkana, baisa na keriwa Yauwa. ³⁵ Hera widdi ma bussa pa gatagi ni sangasuna enga jallurrani ni sangasuna. Takka hera widdi nimma jallurra ni sangasuna ngera nggu yauwa dangngu ni panewi nggu na gata ni. ³⁶ Takka, pani ni utu na ni satutu banna koli nggi ngaradukkani ni pannu tana, takk na jallurrai ni sangasuna? ³⁷ Pani nippa piana banna ya ni satutu kanna kolinngi ni sangasuna? ³⁸ Takka, hegakassa ni ma makaya ngera nggu Yauwa dangngu ni Panewinggu ti dalaranni ma aita pakeri dangngu ma jala, takka ni Ana Tu rara na makaya mangngu banna mangakuni no ni tu mbaru banna mai kaka ti Ngera kalada na ni Ama-Na dangngu Malaikat-malaikat.