¹ Baisa, pakka buadassa tu Parisi dangngu tu ma pirra tu malakkasana Taurat ma mai wali ti Yerusalem da pakkarangnga na badda toma ni Muri Yesus . ² dangngu yidda da etara mannura tu papa pekanai Muri Yesus badda ngagi roti waina lumma mairraka pa atta basa. ³ Takka tu Parisi dangngu ngaradukkada tu Yahudi atta da nga amma ba atta da basa kapuka lumma toma ti koku lummada, mulla ni ba tunihai memasa ni pata boku appu da nippa pakida. ⁴ Dangngu, badda maikaka tu Yahudi ti panyia ma rami, yidda atta da nga amma ba atta da basa kapuka lumma, dangngu danguri ni pata sawawi pabadda ketada, samatuni baddabasari ni galla, kadisi dangngu ni sangnga mballi. ⁵ baisaka, do yena tu Parisi dangngu tu malakkassanna taurat da katanai Muri Yesus, " kaddi do tu papa pekamu atta da kerimai ni pata muripada boku appu da, takka badda nga roti atta da basa mai ni lummada ma irraka? ⁶ Muri Yesus napanewi ti yidda, " Yesaya banna manyurra, na pulu pia ngerami yimmi ma atta pawai, sama tuni ni mamatulisanna : " Gia ni kabogurra manua da patabi wa Yauwa ti kalitta rowiwi, takka ni ati da na malerui wali ti Yauwa. ⁷ Yidda badda karoduka ti Yauwa timma li lokura, mullani badda pa a'njaranna, badda waigi ni a'njara pareta nippa wolu da tu rara." ⁸ 'Ba atta mi wai ni pareta nai Muri Allah takka mi keta pakkaluagi ni pata tu rara. ⁹ baisa, Muri Yesus na sulu panewi walliki ti yidda " bai waigi ni lakkassami yimmi bammi tullaranggi ni paretanai Muri Allah, mipparuddu bai pamannu ni pata tu rara." ¹⁰ Takka, linnai Musa; pata'mbira amamu dangu innamu, dangu herai nimma sara ni amamu dangu ni innamu, hukku pa mati pungngui. ¹¹ Takka yimmi mi panewi, nikka ba okannisa ni tu ma linna ti ama na dangu ti inna na, " pani nippa utu mu dangu nippa koli mu walli ti yauwa nikadai ni api tunnu, ni kadai ni pa ya mu. ¹² Takka yimmi atta ya manni kaloga yinna banna pa dowi tutu nai ni ama na dangu ni ina na. ¹³ Ba toma tuni haisa yimmi badda tippukka larami ni papanewi wainai Muri Allah, bai pakigi ni pata walli ti boku apu mi. Dangngu yimmi walli tamba dangunai nippa wolumi ma tuni hai. ¹⁴ Baisa walli Muri Yesus na sullu kayeka dabba ndarra ngaradukkada tu dangu, baisa na sullu panewi " rangngiwa Yawwa dangngu yimmi ngaradukka mi kailakkasagi, ¹⁵ Atta o amma sakudduka wali ti sabali nai ni tu ma tama ti kalittana banna pa irraka wikkina, takka papaniri nimma lusa walliti tu nikadai nimma irraka" ¹⁶ takka o kannisa ni tu nimma mangngu katillu na banna rangngi, taumu kanna rangngissa! ¹⁷ Baisa, banna tamaka ti ummai Muri Yesus, do tu yena na dunjakkandarra, tu papa peka-Na da pakka tana na ti Yinna tutuni go ni papa ngera wai. ¹⁸ Dangu li-Na ti yidda, " aita mi lakkasa mangu punggi?" aita mi lakkasa manggi ba pani widdi wali ti sabali liwu ni ma tama ti tu atta na pa irrakka wikki amana? ¹⁹ Pani nimma badda tama aita na tama amma ti ati na, takka ni tia na, dangu na lusai ti kajangara." (Baisaka go yena di linnai Yesus, ngaradukka narri ni pa nga ata oma ma irraka). ²⁰ Baisa linnai Muri, pani nimma lusa walli ti tu ni kadai nimma pa irrakai. ²¹ Mula ni walli ti ati dali da tu kadda na sunggarrai ni pangadda ma irraka, pangadda ma maginyangu, mangawa dangu pa mati tu, ²² jurraka, ma ngabba di ni ngawu oli, wolu ni ma atta dassa, marissaka, pa lapina, ngaba dangu kabangnga. ²³ Ngara dukka nari ni ma jala sunggarranarri wali ti ati tu, dangu do na ma pamarissakai. Pa Wainai ni Kawinni Siro-Fenisia ²⁴ Wali ti panyia hai, yesus na kaddi baisa na salaku ti manua Tirus dangui Sidon. Na tama ti sisa umma dangu na wukku ka amba o ma lakkasagi, takka Yinna atta pia amani banna pasili walli ti pa etada. ²⁵ Badda rangngisa Yesus ba o ni, satu ni kawinni ni ana kawinni na natamani kaballiku na mai dangi na karodukka gi ni wissi Nai Yesus banna ngujui. ²⁶ No ni kawinni tu Yunani, dadi nai ti Siro-Fenisia. Yinna na dangngi ti Yesus kanna wurrakai ni kaballiku kapia lusa na wali ti ana na ²⁷ Ti sabali ni hai Yesus linna ti kawinni no, " amma amudarraka lakawa kadda pa bassu manyulu ra. Atta na dassa amai batta teki ni ka baba da lakawa dangu ta lebu ndi ti asu." ²⁸ Takka rinni, linna no ni kawinni banna simai dangu linnai ti Yesus, " pullu pia, Muri. takka ni asu ti bawa meja na ngari walli ti kamummu usu ma kanabu walli ti lakawa." ²⁹ Linnai Yesus ti kawinni no, " tutu ni yo bau takki giana, yo piani bau bali wu. ni kaballiku badda dunjakkanassa ni anamu." ³⁰ Baisaka, no ni kawinni bali nassa ti umma na dangu nappa dimmu dangani ni ana na ti pa nyia pa maturru dangu ni kaballiku badda hallunissa. Ni Tu Makka Tillu Na Rangngi ³¹ Ti sabali ni hai, Yesus na lusa walliki walli ti manua Tirus dangu banna salaku li ti Sidon na pangatta ti tamma Galilea ti manua Dekapolis. ³² Baisa yidda da karangnganni ti Yesus ni tu ma katillu ni ma sadukka banna panewi. Yidda da dangngi ti yesus kanna tau ni lumma_Na ti no ni tu. ³³ Baisaka hai Yesus na karangnga mesani walli ti kabogurra tu ma dangu. Yinna na patamagi ni walla lummana ti katillu na ni tu no, dangu na baisaka pa sani, Yinna na padami ni lamma na ni tu no. ³⁴ Baisaka Yesus na patta ngara ti awangu, Na patangngi ni sangasu kadeta dangu linna, " Efata!" artinya "terbukalah!" ³⁵ Ti rasi go mema, ni katilluna na ta buwai nassa, ma randi ni lamma na ta bakkasanassa, takka yinna panewi tarrangunassa. ³⁶ Yesus Na lara darra yidda, ammba loluka mai ni ma dadi gia ti hera-hera widdi. Takka langka Badda lara Na rakka, pawaddira ma madai badda lolukai. ³⁷ Yidda da bangara dangnga pungngu gi dangu dapa newi " Yinna badda wolu nassa ngaradukka ni nimma dassa. Yinna na toma banna wolura ma katillu da rangngi dangu ma kabangnga na panewi.