¹ Mbaru-mbaru ni, kapala-kapala mabokula pa aturanggi paka buana dangngu malakassa hukum taurat ngara dukada kapala pareta. Dangu yidda marandi Yesus mangindi Yesus dangngu lapayai Yesus ti sangana Pilatus. ² Baisaka Pilatus pakatanai Yesus pani You Raja tu Yahudi? dangu Yesus simai "You na malinna." ³ Baisaka ngara dukkada mabokula kapala panjalai Yesus panutakan-Ni. ⁴ Dangu Pilatus pakatana wali Ni, Pani Yimmi atta passimai? Etai dirani dangu panutaka Yidda tutu papanggu You. ⁵ Takai Yesus atta na simai, Pilatus kawannarana. Yesus Dangu Barabas ⁶ Ti laddu kalada Paskah, Pilatus ndammaja banna passalladara tu ma'timangalluna ni pa dangngi da. ⁷ Dangngu oni ni sa'tu mangarana Barabas ni patahada olidarra tu atta dassa masalakunggi pamati tu ma palawana. ⁸ Tu dangu mataka ouka madangngi ti Pilatus tutu nasalakugi sama tu madammagi yinna pasalakuda yidda. ⁹ Dangngu Pilatus simara yi yidda dangngu pani bussami yimmi baku pabebas gumi ni sangaji tu Yahudi"? ¹⁰ Yinna badda lakasani pangindi ti mabokula baissa lapa-Yai Yesus rukuni padisa ati. ¹¹ Takka mabokula-mabokula taba pasadukka tu dangu takka dangngi ammanasai Barabas. ¹² Takka Pilatus panewi wali ti yeda takka pani di parudugi salaku gi dangngu yemmi patakki Sangaji tu Yahudi nia? ¹³ Dangngu yidda padowuwalina "basarikka Yina." ¹⁴ Magamurinasa Pilatus panewi ti yeda kaddi? atta dassa padidai baisaka pawalu? takka yida padowu langu takkana risi pawandu nga wali "kasarikka Yinna" ¹⁵ Takka mbussanggi kana tutu ti ati tu ma dangu, Pilatus pasallani Barabas bawi yidda, dangngu baisaka pa palu Yesus, yinna pajola-Ni tutuni basarikka. Yesus Da Yeki Dangngu Pamayillai ¹⁶ Dangu para Prajurit karangngani Yesus tama ti istana ti umma pengadilan yidda makayekadanra ngara dukka da pasukan bada pakabuana. ¹⁷ Baisaka, yidda badda pawanna-Ni juba ungu dangngu badda wanana baisaka pa wanana tobuka mangngu tarana, da taunai tikatowanai Yesus. ¹⁸ Baisaka hai yidda na wuddi patomagi salam ti Yinna "salam, Sangaji Tu Yahudi nia." ¹⁹ Dangngu yidda paluni katowanai Muri waini palu pamuki dangngu badda sani Yinna baisa dida karoddukana ti sangga-Na. ²⁰ Dabaisaka yidda paolukai Yesus yidda kainggi ni jubah ungu waliti Yesus baisa dida pakinari ni kalambi wikki-Na. Baisaka dida karangnguni Yesus lusadasa badda sarikkai Yinna. Basarikka Yesus ²¹ Dangngu yidda paksa tu matangnga lewatana. Simon tu Kirene tangnga maina wali ti Desa, amana waliti Aleksander dangu Rufus tutuni baditai ni sarikka-Na. ²² Baisaka yidda bada karangngani Yesus tipangia ngarani Golgota, takkini "panyia tengkorak." ²³ Yidda badayani Yinna anggura pakawura mur, takka Yinna ata na tekimai. ²⁴ Baisaka yidda sarikka Yinna dangngu bawi-bawidarisa ni kalabi-Na ti yidda ti ngara dukkada yidda baisaka da lebuna undi bada teki kawatuda sa'tu-sa'tu. ²⁵ Dangngu laddu minggu jam siwwa Yinna badda sarikkai. 26Dangu napatulisa mullani badda tuduh Yesus badda tulisanggi "Sangaji Tu Yahudi." ²⁷ Takka yidda sarikka duada tu mangawa dangngu Yinna, sisa ti kawana-Na sisa ti kali-Na. ²⁸ Dadi pamattu Buku Warasa nitakkida, "dangu Yinna dakirai ti jonga tu ma atta dassa." ²⁹ Baisaka dangu malewata oluka Yesus dangu dakapimbulanggi dangu badda panewi "Yoka mapabulurai Umanai Muri dangu mapakadi bali ti dalu taula laddu. ³⁰ Pasalamata wikki-Mu danggu burruni walli ti sarekka. ³¹ Tu mangu dadani Imam-imam kepala badda karangana ngara dukkada ahli Tautat badda olukai Yesus dangu badda panewi ti satuu dangu ti olida, "Yinna na pamuripara tuu sawawi takka Yinna aita lakasa ama papa muripa wikki kalita-Na." ³² Amanisa Masias ni Sangaji Israel, halu na burru waliti sarikka kayitta katta eta dangu ta wai" yidda pasarika karangada dangu Yesus da olok mangu Yinna. Matinai Yesus ³³ Natomasa ti jam sakabullu duada dadinassa ni kapattani ti ngaradukkani nipanu tana toma ti jam taula bana tomaka. ³⁴ Jam taula panewi nassa Yesus pawandina baisaka, "Eloi-Eloi lama sabaktani" artini "Amang-Gu, Amang-Gu, kaddi Yona muammaga Yawwa." ³⁵ Dangu bada rangisa tumapirrara tuu madengira ti wissi-Na da "panewi, Elupusa? Yinna kayekanai Elia." ³⁶ Baisaka namai ni satuu dangu na tauinggi karangna labburagi anggura asa dangngu na tau ti yai oo, dangu da yanai Yesus bana unnunggi baisaka dapanewi, "maika kata panewi dangngu kata etai apakah Elia namai paruni Yinna." ³⁷ Baisaka hai Yesus wandunganasa paduwuna badda ya ni sangasu-Na. ³⁸ Gomema tirai Bait Allah namabawi duadani wali hai desa toma hai bawa. ³⁹ dangngu ni makatodara saradadu dengiradai pasagadai Yesus, baisa bada eta Yesus apalini sama Yesus banna jappu ni sangasuna magamuri-Na, yinna mapulupia tuu nia Ana Allah. ⁴⁰ 'O mangngu tu mapirrara kawinni ma boti walli maleruna, walli ti yidda o oni Maria Magdalena, Maria inanai Yakobus massa lemu dangngu Yoses,lappakai Salome. ⁴¹ Yesus baonisa ti tana Galelia, yidda keridassa Yinna dangngu mayani Yinna. dangngu, haisambali danggu kawini makeri Yesus ti Yerusalem. Badda patanini Yesus ⁴² Banna tomasa ni kajidunggani,takka ni laddu ni nggo nisani laddu passa diawai,ba atana tomapu ni laddu minggu. ⁴³ Yusuf tu Arimatea mainai, ni sa'tu anggota majelis kalada ni pakarodukada,danggu Yinna mangngu mapatenggini kerajaan Allah,mapabanni saba wikkina banna sanggani Pilatus dangngu na dangngi kalitinai Yesus. ⁴⁴ Pilatus na banggara badda rangi Yesus na Mati.Yinna na kayekana katowa sardadu dangngu nakatanai,pullupia Yesus ma badda matina. ⁴⁵ baisaka Pilatus banna lakkasanggi walli ti katowa sardadu,yinna yanassa ni mamati ti Yusuf. ⁴⁶ dangngu Yusuf na si ni kamba lenan, dangngu na pa burrunggi ni mayat nai Yesus,baisaka na padada waini karewi lenan yinna badda pamaturrui Yesus ti rati nipa sakka ti kabudduka ni mapa watuna. dangngu, yinna na pakka nggaigalanggi ni watu ti malowi batama ti Rati. ⁴⁷ Maria Magdalena dangngu inanai Yesus na etai panyia matinai Yesus.