Wukkudai Kapappai Muri ¹ Ti ladu paskah dangu ti laddu kababa makabba duada ladu waliki tomanassa ni rasini, Imam-imam kepala,dangu ahli-ahli Taurat manyarradai lara ka wappai dangu ka pamati Muri Yesus. ² Takka lidda nyidda, "amba woludai nina kanyiwaka ti ladu kalada, amba pakawu wikkida ti bannu tu dangu." Muri Yesus Kalapawai Dai Minya Narwastu ³ Muri Yesus oni ti Betania, ti ummanai Simon ma katobu, badda madiddi ti Meja panga,, hamminika ni kawinni bada indi kandissi dikku waliti watu pualam maissina minya busirita waliti narwastu nimma risi padassa dangu marisi pawalli. Yinna naberassa ni kadisi baisa napatodu ti pannu katowanai Muri. ⁴ Takka haina o'dara pira-pira tu mapanewi kasoppulla ti olida, "kaddi baisa walawai ni minya busirita tunigia? ⁵ Ni minya gia bisa babattagi risi walliti taula ngasu dinar dangu bisa walli batta ya ti tu milla." dangu nyidda da'bani mangnguni ni kawinni. ⁶ Takka Muri Yesus napanewi, "ammanisa nyinna. Kaddi mi passadukkai nyinna? nyinna bada wolunassa madassa ti sada-Gu. ⁷ Takka yimmi bada oka tu milla ti karasami, pirra pungu bami wukku palolui bisa mangukada bami wolu madassa ti sadda'dai nyidda. Takka yimmi atta lallu olimangu-Ga. ⁸ Ni kawinni niana badda wolunassa madassa ni parakka pamampuna, nyinna narosugi minya ni kalitta-Gu tadanai bana sadia tomai ni rasi patani-Gu. ⁹ Ku takkigui mapullipia, ti sange-nge tana ni papanewinai Muri bada patomanggi, pani pawolunai ni kawinni ni mangngukaddai ni panamu waida nyinna." Yudas Nawukku Papanabui Muri Yesus ¹⁰ Yudas Iskariot, murita pasakabullu duada waina. Salaku patabuka dangnganara Imam-imam kepala ni wukku ni kapajolani Muri Yesus. ¹¹ Badarangngissa sanangngu langngu taka, da woluni rasi ka yani ndowwi Yudas. Yudas namanyarrana kaloga madassa katomani rasi ni pawolu ka pajolani Muri Yesus. Nga Paskah ¹² Ti kawungnga laddu kalada kababa makabbu, badda ropu ni ana bebi Paskah, murita-murita nai Yesus dapakatanana ti Muri Yesus, "bepungnguka ni pawukku-Mu kamma salaku passadia pa nga paskah ni tutu-Mu?" ¹³ Baisa napalewara tu maduada murittana dangu napapekadara "salakumi ti kota, oni ni satu mani mangindi kadisi mamangngu we na pajamburra dangngagummi. Kerissa yinna. ¹⁴ Langka be banna tama, mi pekani muri umma, linnai Gurru ti be koru pasadiamu, Bakku nga paskah dangngu murita-murita-Gu? ¹⁵ Napa nyinnaka mapatakkagu panyia kalada ti koru desa mabada o'dabaka isini. sadiarika katta nga boludabba." ¹⁶ Baisaka, murita-Na salaku dassa dangu takka dassa ti kota. da takkaka ti kota napatutu boludabbanari pani ni palanginai Muri Yesus, baisaka da sadiarika ni panga paskah. ¹⁷ Bana kejidunganissa, hamminisa muri Yesus dangu tumma sakabullu duada muritana. ¹⁸ Tomaka bada madiddi dangu, bada nga, napanewi Muri Yesus "Ku panewi mapullipia ti sadamu, oni sattu mangadangnga-Ga mapapanabuwa Nyawwa." ¹⁹ Da rangissa sadukkanasa ni atida. Bada pakatanana saka tuna ti Muri Yesus "pasti atta yawwa ma? ²⁰ Yesus napanewi ti yidda" yinna oni ti dalumi yimmi dabba walliti sakabullu duada murita, tu maparanja dangnga-Ga balaburanggi ni kababa ti koba. ²¹ Sebab, ni Ana Tu! salaku memanassa, samatuni pani pabada tulisadda ni ngerana Nyinna. Takka sadukkanassa ni tu mapanabui ni Ana Tu! risi padassa ni tu niana attana dadi walli wingnguma . Papanamuwaigi Ni Tolu Dangu Ni Ra Nai Muri Yesus ²² Batangnga nga da na teki roti Muri Yesus, dangu-Na pamaringngi pamalalai, Yesus na pibbi-pibbi ni kababa baisaka na yadarra yidda, baisa na panewi "tekisa, giaja ni Tolu-Gu." ²³ Dangu na teki koba we unnu, dangu napamaringngi pamalalai baisa dinna yadarra yidda, baisaka da unnu waliti koba we. ²⁴ Baisaka Muri Yesus na panewi ti yidda, "Giaja ni ra-Gu, ra tada tura jaji ni pacurahkan tutu da tumma dangu. ²⁵ Yawwa takkigui mapullipia ti yona, atta-Ku sullu unnu makka anggura walli ti pungngi anggura toma ti laddu baku unu anggura mawudi ti dallu sangajinai Muri." Murita-murita-Na Dakaseli Muri Yesus ²⁶ Baisaka palodugi ni sisa lodu rohani salaku dassa yidda ti kabunduka Zaitun. ²⁷ Baisaka napanewi Muri Yesus ti yidda "ngara dukka dabbami mi dunjaka dabbaga Yawwa maba ogi ni patuli, Yawwa makesadara gembala dangu na taissakari ni bebi. ²⁸ takka Baku baisaka pakaddi bali, Yawwa salaku ti Galilea manyulu walliti yidda. ²⁹ takka Petrus Linani Muri "langka ngaradukka dabbada da dunjaka-Gu, takka yawwa aitama." ³⁰ Baisa yesus Linna darra "Ku panewi mapullupia ti yimmi, kajidungani giana, attana kukku purri padua wunda ni manu, yona bada menyangkala pandaula wunda ga Yawwa." ³¹ Takkai Petrus nasullu simai langka ku mati karangngagu yona yawwa attaku sangkalamau Yona, ngara dukka dabada da panewi tuni hai mangngu. Muri Yesus Ti Taman Getsemani ³² Takkadasa ti panyia mangarana Getsemani dangu Yinna napanewi ti Murit-murit-Na madiddika siana, Dakku laupasala pasabaya. ³³ Yinna nakarangngadara Petrus, Yakobus, dangu Yohanes Yinna nama dauta pungngu. ³⁴ Baisa Muri Yesu linna darra yidda' lallu sadulkkai ni dewa -Gu, Ku takka pamati. dangukka siana dangu maga wikkinami. ³⁵ Baisa, namaleru sakadukka, yinna na sokura ti tana dangu na sabaya, nikapiani, risini giana kanna salaku walliti Yinna. ³⁶ Dangngu linna bana panewi "Abba" Ama, ngaradukka daba nari atta oma ma atta piana ti sada-Mu. tekissa ni koba we ti Yawwa. takka attani amai ni pawukku-Gu, takka ni mamassa ni pawukku-Mu. ³⁷ Baisaka hai, Yinna mai balinassa tangu tomanaraka murit-muritana tanga maturruda, dangu yinna linnani Petrus, simon, kaddi mi maturrumi? Atta pia pungumanika bami jaga sisa jam? ³⁸ Jaga wikkinami dangu sabayami ambai kanabu ti pencobaan. ni dewa napakeri loluni takka ni tolu na lemah. ³⁹ Baisaka Yinna nasalaku bali pasabaya ni mangngu ni papanewi wai-Na. ⁴⁰ Dangu bana bali natomadarra yidda tangngu maturuddai takka ni matada buatu langu takka dangu attada lakasamaka pasima ni pakatananai Muri. ⁴¹ Baisaka haina sullu nasalaku pakataula wundana dangu napanewi ti yidda maturrumika dangu panjanamika. Tutussa. Tomanassa ni rasini, etaka ni Ana Tu dapajolani ti tumadoku majalah. ⁴² Kadikkah maika katta salaku. elusa yinna mapajolanga yawwa bada tukinaka. Yesus Da Wappai ⁴³ Baisaka hai tangnga panewinai Yesus, Yudas satu walliti sakabulu duada murita na mai karangnganara tu dangu ma indi katopu dangu palu, papalewada Imam-imam kepala, Ahli-ahli Taurat, dangu mabokula-mabokula Yahudi. ⁴⁴ Yinna mapajolani bada yanaka tada linna, tu ni wukku pangunju yinna kada payangu. yappai yinna dangu karangngani kai jaga ti lara. ⁴⁵ Banna takkaka Yudas na lumbu langngana bana karasai Yesus linna "Nggurru " baisakka na ngujui Yesus. ⁴⁶ Baisakka da ketani dangu da jappai Yesus. ⁴⁷ Takka oni ni satu wallida ti yidda mandengira, na lissui ni katopu dangu na lawai ni atanai Imam Besar, baissa nakadappunggi ni katilluna. ⁴⁸ Baisa linnai Yesus ti yidda, kaddi bai maimi yimmi bammi indi katopu dangu palu bai yappawa yawwa samatuni tu parampok? ⁴⁹ Kira ladu opangala-Ga baku oligummi ti Umanai Muri baku anjara, takka attai yappa ammawa Yawwa. takka tuamunisa hai ni madadi gia kanna banunisa ni Buku Kalada. ⁵⁰ Baisaka palaidasa dunjakamesanasa Yinna. ⁵¹ Oni ni stu massalemu makeri Yesus, bana pakinnai singgi lenan ti kalittana. dangu da yappai, ⁵² Takka na ammagi ni singgi lenan ni papakina baisakka na palai kalolu. Makatowanggi Yahudi Da adillai Muri Yesus ⁵³ Baisaka da karangngani Muri Yesus ti Imam besar, dangu ngaradukkada Imam kepala, mabokulla-mabokulla dangu Ahli-ahli taurat bada pakasisana. ⁵⁴ dangngu Petrus nakeri Muri Yesus walli maleru, na toma ti saga umma Imam Besar. Hai launa, nama diddi dangadarra ni majaga badda kadurruna api. ⁵⁵ Imam kepala dangu ngaradukkada mahkamah agama badda manyarrana tu mabissu pasaksi kawassu kalawai Muri Yesus kapiani badda pamati Yinna, takka yidda attada kolimana pani-pani. ⁵⁶ Mabba dangu tu ma ya kesaksian kawassu kalawai Yinna takka ni kesaksian da yidda attana sama amanari stu dangu tu sawawi. ⁵⁷ Baisaka, o darra pirra tu madengira dangu badda ya panewi kawassu ka lawai Yesus, lidda bada panewi. ⁵⁸ Yami marangngi Yinna bana panewi, Yawwa ku pulurai ni ummanai Muri Allah pawolu waida lumma tu rara takka ti dalu taula ladu, Ku pakanddi masangena paatta waluwai lumma. ⁵⁹ Tuamunissa ti dalu kesaksian da yidda atta o'ama mapasama ti stu dangu ti sawawi. ⁶⁰ Tunissa hai Iman besar dengiranassa ti padua da yidda dangngu nakatanai Yesus, "palinni Yona di attau simara tu mapanewi ma papa-Gu? ⁶¹ Takka, Yinna tetap bana dangngu danga attana simara. Imam besar nasullu katani Muri Yesus, linna " Apalinni Yo Mesias, Ana nai Allah ma terpuji?" ⁶² Dangngu Muri Yesus napanewi "Yawwa kadda Yinna, dangngu yimmi mi etai ni Ana Tu bana madiddi ti lagi kawananai yang maha kuasa. dangngu na mai karangngana karummangu ti awang. ⁶³ Baisaka nasirrai ni kalabina, na panewi Imam besar "kaddi wallika ditta sullu manyarrana saksi? ⁶⁴ Yimmi badda rangngi missa ni panewi maatta dassa. Panissa ni paposa-Mu''? Yidda ngaradukka dabada da posai kawaigi ni hukuman mati. ⁶⁵ Pipira tu mulai bada sanni yinna dangu da toni ni ngora-na dangu da palui dangu lidda-Ni "bernubuatlah" ngara dukkada majaga da yemai badda tabai Muri Yesus. Petrus Attana Akumai Yesus ⁶⁶ Petrus tanga haini ti saga natara ummanai Imam kalada oni ni stu pelayan kawinni Imam kalada hammini. ⁶⁷ Na etai Petrus banna kadurruna api, ni pelayan no nakadurrai dangu napanewi "yona karangnga mannumui Yesus, tu Nasaret." ⁶⁸ Takka Petrus attana mangakuma dangu nasimai "yawwa atta kulakkasamangngugi dangu atta ku mangertimai pani ni patakkimu." baisaka yinna nasalakuti malowi kalada dangu kukkunassa ni manu wolu. ⁶⁹ Ni Pelayan kawini no na sullu etai Petrus dangu na sullu panewi mangngu ti madengira, "ni tu nia stu-stu waliti yidda." ⁷⁰ Takka, yinna nasullu manyangkala walliki, attana tarapuni, tu madengira da sallu panewi walliki ti Petrus "yona tu pasti stu-stu walliti yidda karena yona tu galilea." ⁷¹ Takka yinna mulainassa bana payura dangu sarana "yawwa atta Ku tadamai ni tu nippa langimi!" ⁷² Sullu paduanika ni manu wolu bana kukkui, namu nassa pani pabada takkinai Muri Yesus ti yinna "attana kukkupuri ni mana wolu padua wundana, yimmi mi sangkalawa Yawwa padaula wunda" baisa Petrus attana tahamanja ni we matana.