Panewi-Nai Yesus Ngerani Banna tambullu ni tana Pullurai Ni Umma Kareja ¹ Muri Yesus banna lusaka walli ti umma kareja, ni sa'tu murid-Na, na panewi ti Yinna: "Nggurru, etasa manada langngu takkanai ni watu dangngu attana padoguta pandokunai, dangngu ni umma kalada langu takkani dangngu manadani." ² Na simai Muri Yesus, "mi eta ndabbari ngara ndukkanarri ni umma ni ma mana'ndana? Ma sarammu nabullura sadakkai, atta o' ma sisa watu ma pamapadoguta ti watu sawawi" Kawungnga 'Dadini Ni Sa'ndukka ³ Muri Yesus banna ma'ndiddi ti pannu tadulla, sa'tu ma'jangga banna sagana ti umma kareja, Petrus, Yakobus, Yohanes, Andereas da pa katana na Muri Yesus: ⁴ "Peka gamma yammi oirra banna 'dadi dangngu pani ni ta'nda ni ma sarammu?" ⁵ Muri Yesus Na simai ti saga da murid-Na, banna peka'ndarrakani: "Maga wikkinammi, am'mba o' tu ma paka'mbangngami, ⁶ 'dangu tu walli 'desa, walli 'bawa da panewi, "yauwa kadda nggia Muri Yesus,"yidda badda panewi pa 'jaga wikkidai badda tu 'dangu badda pasa'ndukkai ni tu 'dangu. ⁷ 'bai rangngi ni panewi walli ti mbe-mbe tana ni pata'una, ⁸ dangngu na kaddi ngara'ndukka da badda sanganji-sanganji mbe-mbe tana badda pata'u. Na kaddi ni epu, ti sa nge-nge panyia dangngu na dadi ni ma'jiwwu kalada. Mullanikka kawungnganai walli ti ma paddisa pa'ana. ⁹ Takka, magawikkinammi, amba da karangngagumi ti umma ruatu, ka am'mba pa paluni ti umma sambaya dangngu ti saga da Sanhedrin dangngu sanganji-sanganji karena mulla-Nggu Yauwa. ¹⁰ Dangngu patoma manyulunggi ni panewi ma ndassa-Nai Muri Yesus ti mbe-mbe tana ka da rangngi. ¹¹ Dangngu tangnga salaku ngindikaddawu dangngu pa'jolanggu, am'mba ma'ndauta ma ba pani ni patakkimu takka patomanja ni pa panewi wainai Muri banna yagu kalua, panganda danggu kira mabannu na. ¹² Ngara'ndukka dabbada mappa oli dadi na da pamati wikkina, ana dangngu ama na da palawa wikkina, da pa paddisa wikkina ati, dangngu a tomaka tu ma bussami mullanika ni ngara-Nggu ni palolukammi ti sa nge-nge tana. ¹³ Hera kassa nimma tahana yinnai ni ma kolinggi ni muripa mannumara." Ni Mairraka Ni Nippa Tawesara Dangnga ¹⁴ "Ba etani tu ma mbani ma pappatu ma nyia ti panyia atta panyia da yidda, tu ma o' na ti Yudea palai dabba ti panyia ma'jaga. ¹⁵ Tu ma o' na ti wunggu umma am'mba mburru da aitaki ma tama ti umma am'mba lusa patanji punni ti sambaliwu ma pani ma o' ti umma na. ¹⁶ Dangngu tu ma o' na ti oma am'mba bali da pateki kala'mbi na. ¹⁷ Ma pat'ia dangngu ma pasussu ana darrasaini sa'ndukka. ¹⁸ Sambaya pa'ndassami ka am'mba na 'dadini maringngi kalada. ¹⁹ Ti laddu-laddu manggamuri, na dadi ni sa'ndukka kalada, nippa atta kalli padda da ti walli kawungnga dadi ni tana banna pepi Muri labba na tomani ladduni nggia. ²⁰ Ba attana pa kadumbukakassa ni laddu sa'ndukka kaladai Muri, maka atta o'amma tu ma muripa ti pannu tana, takka mulladakka tu pa pediNai Muri, Pakadumbukanasa ni laddu sa'nduka. ²¹ Ba o' kakka tu ma pekanggumi, "Kristus o'ni sia, o'ni hailau am'mbai percaya ammai. ²² Mesias-mesias ma atta pullu pia ba da patakkanggi ni pata'ndani nimma atta pullu pia ti tu pa pedira-Nai Muri" ²³ Magawikkimi karena Yauwa badda baisaka-Nggu pa peka'danggumi. ²⁴ Ti lddu manggamuri, banna 'dadikannasa ni sa'nduka ma kalada, ni laddu na kapttani, ni wulla na wailangui. ²⁵ Ni kandinnu na kanaburi walli ti awangu dangngu ngara'nduka dabbanari nimma 'bissa ti awangu na kandandaka dabbari. TakkaNai ni Ana Tu ²⁶ Yidda badda etai ni Ana Tu banna pamai-Na walli ti karummangu dengan kuasa dangngu ni kemuliaan ni makalada. ²⁷ Baisa yinna pasti Na palewa malaikat-malaikat dangngu Na pakabua'ndarra papedi-Na walli ti kapatta mata ngallu, walli ti suppu dengira tana labbaka ba toma ti suppu dengira awangu. ²⁸ Bala'jarranggi ni pangeranggi ni pungngi ara, banna lusakassa ni kasangani dangngu ni ro'ni ni makangurraka, berarti tukkinassa ni maratana. ²⁹ Tunihaika, bai etakassa ni ma'dadi dangngu kai lakkasanggi yinna baddaa tukkinaka ti karasa malowi. ³⁰ Ku panewi nimma pullu pia ti yimmi, ngara'ndukka dabbana ni tu na etai ni madadi, ³¹ ni awangu dangngu ni pannu tana tambullui, takka ni pa panewi wai-Nai Muri ni nimma mandunga. Kai Magawikkina dangngu Kai 'Jagawikkina ³² Akan tetapi, atta o' ma sa'tu malakkasanggi ni jammu dangngu ni laddu, baik malaikat-malaikat ti surga lappaka Anak hanya danai Ama. ³³ Magawikkimi dangngu 'jagawikkimi, sebab attai lakkasanggi ni laddu pa pamaiwai-Na. ³⁴ Samakaddani ba o' kakka ma salaku maleru, banna peka'ndarra attana kadda dawwi ni umma ya ndarra paramma kadda jagai ni umma , dangngu kadda jagai ni malowi. ³⁵ Am'mba takka salabanda ni muri umma ba tangnga toma nammi 'bai tangnga maturrumi. ³⁶ Mabba atta lakkasamanni ni muri umma banna takka kuku manu, ni malini ni kan'jiddunganni atau ni mbarru-mbarru. ³⁷ Jadi, pekasa'ndakkandarra olimi kadda 'jaga pa ndassai ni umma.