MAGA NDI NI SILU NDA BATTA PANEWI ¹ Bakku oli dadi gummi, Amba o ka madangu ti karasa mi yimmi nimma dadi gurru na, mabba yimmi mi lakasanggi mabba yitta mappa anjaranna , da panjala ndokumi waina ukura nimma risi pa mbuatu. ² Yitta ngara dukka nda ta njala dalu dangu ngreani, nikka ba okannisa ni Tu nimma atta njala ndoku ti ngera siluna, yinna kadda tu nimma ollu mattu, nimma sanggupa pa magagi ni ngara dukka kalitta na. ³ Yitta ta taundi ras ni ngora njara kapani kanna kerilolunda, dangngu yitta walli katta putarai ngarandukkani ni kalitta njara. ⁴ Ngadu mannuri ni kapalla, languka pirra tu kalada narri dangngu banna tauri ngallu kalada, ni kapalla ndo taputarai waigi ulli marisi padikku pungngu dangngu na salakui be pawukkuna ni ma ketagi ni ulli. ⁵ Tu mannuni, ni lamma marisi padikku walliti kalitta takka ni lamma na padjaga wikkina walli ti ngera ma kalada. Etadassa ni uttangu kalada ma muttuna walli ti api ma dikku pungngu. ⁶ Ni lamma samatuni api, sisa pannu tana ma marissaka, ni patau ni padua kalitta dangngu ma pairrakai ngaranduka ni kalitta, yinna n ma tunnu ndabbai ni lara muripanda, dangngu yinna wikki patunnu ti api neraka. ⁷ Mabba ngarandukka ndabbanari ni bada ma matamba dangngu ma pawurrunga, dangngu ni bada ma muripa ti tasika na maupari dangngu dapamaupari tu. ⁸ Takka atta o pu sa'tu ma pamaupa ni lamma. Lamma go ma atta ndassa dangngu ma atta dangngu, dangngu ma mbannuna racun pamati dangnga. ⁹ Dangngu n lamma nda yitta ta papel mur dangngu ni Ama nda yitta, takka ni mannui ni payura waida tu, ni pa pandowinai Muri ni ma sama sadani Allah. ¹⁰ Walliti wiwwi mannu na lusai n paosa dangngu ni payurra. Bakku olidadigumi, Amma ninni tuni haika. ¹¹ Na piakadanissa ni sisa mata we banna sadakka palusai ni we linggisa dangngu ni we paita? ¹² Bakku olidadigumi, na piakadanissa ni punggi kapullita banna padadini wua zaitun, atta ni punggi anggura banna padadini wua kapullita? Tu mannuni ni we barru attana padadimani we loku attau masingira. Duadadi Ni Hikmat ¹³ Hegaka ti jongami ma o kanyakkata dangngu berpengertian? Batunihaikasa, kapiani dangngui patana ma ndassa, yinna kanna patakkagi ni pa pandowina ti dalu kelembutan dangngu kanyakkata. ¹⁴ Takka, yimmi bammi ketakanja ni milla ati, ni ma mbannuna ma pata dangngu kayawwa marisi ti dalu atimu, amba kalada ati dangnga manggi dangngu amba kawassuma pappagi ni ma pulupia. ¹⁵ Kanyakkata ma tunihai attana mburru walliti desamai, takka wallini ti pannu tana, dangngu attana rohanimuni dangngu na irrakai. ¹⁶ Ba okanja ni milla ati dangngu ni pekarisi kayawwa marisi, gona oja ni marussa dangngu ngarandukkani ni pa pandowi ma atta ndassa. ¹⁷ Kanyakkata ma walli desana, kawunga-wungnga ma warasa, baisa mbussana dammai, lemah lembut, wallasa ndabba na mbannuni dangngu belas kasih dangngu wua-wua ma ndassa, attana pa pedinai dangngu attana ndassa desa ammai. ¹⁸ Ni wua-wua ma pulupia ta sabbaragi ti dalu ndassa walliti ma ya ni mandassa.