Mbussandarra Tu Dangu ¹ Bakku olidadigumi, amba patakkimagi ni atiwaimu ti dalu-Nai Murinda ni mawarasa Yesus Kristus dangngu pawagi-wagina tu. ² Takka ba o kakka tu ma mai ti sinagoge ma pakina tawurru ammasa dangngu kalambi ma mahala, ti rasi ma pasa, da mai mannu kadda tu ma milla ma pakina kalambi irraka, ³ dangngu yimmi mi elu patutundarra tu ma pakina kalambi ma mahala dangngu mi panewi ti yinna, "Mandiddikawu ti panyia mandassa ti sia," takka ti sadanai tu ma milla mi panewi, "Ndengirau hailau! atta wallika, "Mandiddiwu ti karasa wissigu!" ⁴ Takka mbadda atta pawagi-wagimi rakka dangngu bai dadi hakim ti dalu pangadda-pangadda ma irraka? ⁵ Bakku olidadi bussa gummi, kai rangngi mi! Angga mbadda pendi dannai Muri Allah, Tu nimma milla ti sadani ni pannu tana kanna pambali `de`di na ti dalu Ati Waina dangngu kanna manu kawungnga tallu, kalowu kawungnga jippi ja ni panyiapa sangaji Nai Muri Allah nippa badda turra djadjina ti Tu nimma bussa wali atini yinna? ⁶ Toma takka ka yimmi mbadda pulu waimika tu milla. Angga yidda da tu ma `de`di ma dimbami dangng mappa roprisanggumi ti pengadilan? ⁷ Angga yidda da mappa russai ni Ngara nimma Ndassa di keri kayeka gummi yimmi ? ⁸ Nikka yimmi bai passa lakukassa ni hukku marisi pakka wungnga wali ti makka wungnga ba keri lolui ni bukku kalada, nima linni " Kai mbussani ni olimi pa tu, kasama tuni bai mbussagi ni kalitta wikkimi," makka yimmi mbadda pandowi missa nimma pulupia. ⁹ Takka, nikka yimmi bai pawanggi kanna mikka sada tu, Yimmi pandowimi ni ndoku njala dangngu da takki gummi tu ma langngana Hukku wali Hukku. ¹⁰ Herra widdi ni makaeri ni ngarandukkanari ni hukku, takka na gagalai banna keri ni sisa tutni yinnisa, yinna mbadda djalanakka ti sagana ngarandukka ni hukku. ¹¹ Mabba, Yinna ma panewi, "amba pa anakarramanna dangngu amba pa lakawa mani manna" na panewi mannu, "amba mi pamatima." Mabba tunihaika, yimmi ba attai anakarra lakawa manika, takka yimmi bami pamatikakaka, yimmi mbadda dadi tu ma palanggamisa ni hukku go. ¹² Panewi dangngu pasalakui ni patada tu ma pa urrusa dangngu ni hukku ni ma pakaloga dangnga. ¹³ Mabba, penghakiman atta na pa ayi namu ammai ni tu ma atta patakkagi ni pa ayi namuna; ni pa ayi namu na mannangu ti taddu penghakiman. NI ATI WAI ATTA OU PA PANDOWI GO MATI ¹⁴ Bakku olidadigumi, pani gunnana ndo tu banna panewi mabba yinna ma mangngu ati waina, takka yinna attan amngngu ammai ni papandowina? Dapatkah ni ati wai banna ya muripa? ¹⁵ Ba o kakka sa'tu angunguwa dangngu ni ana winnina atta mangnguna kalambi dangngu na mbuttu panga kira laddu-kirra laddu, ¹⁶ dangngu sa'tu ti jongami yimmi panewi ti sadana, "Salakuwu ti dalu dammai; kapiani ni tuumu na pamuttui dangngu na pambassui," takka yimmi atta mi yamai ti yinna pani ni pa wukkuni ni tuuna, pani gunnani go? ¹⁷ Tunihai mannu ni ati wai, nikka ni ati wai atta na karangngamgi ni pa pandowi, matinassa ni ati wai go. ¹⁸ Ba tu ammunissa, Angga o awwa tu nima linna, "Yimmi o Ati Waimi, dangngu yawwa o pappa ndowigu, "Pa takka punggi ni Ati Waimi ba atta o pappa ndowi mi, dangngu yawwa ku patakkagi ni Ati Waigu waigi ni pappa ndowigu." ¹⁹ Yimmi mi wai mabbai Muri Allah dani ba sa Tu ni . Na pulupia kaddai, Mussu ni ngasu atta ndassa da Wai mannu kaddai dangngu yidda da ka dandaka. ²⁰ Yimmi rummu tu kabangnga! Mi bussu dammi panamu bali mabba ni Ati Wai nimma atta o pappa ndowi ni ba atta o gunna ni? ²¹ Angga amadandai Abraham da pa pulupiani ni pa pandowina banna tomani rasina banna pajolani Ishak anana ti pannu altar? ²² Etagoni ni ati wai na ramma pa karangnga dangngagi ni pa pandowina, dangngu katutuni ni papandowi ni ati wai na sempurna. ²³ Londunassa pani ni patakkina ni Pulu-Nai Muri ti dalu mbukku kalada, "Abraham na waini Allah dangngu go na pakiragi ti sadana ni ma pulupia," dangngu yinna da takki, Sahabat Allah." ²⁴ Mabba tunihaika, yimmi mi etara mabba wali ti papandowi ndo tu di pa pulupia, atta waliti atiwaiki. ²⁵ Dangngu tu mannu kadda walini, Ma noi Rahab nippa takkida kawinni nimma batta wikkina ti mani angga pappa mannangu mannu dai mabba mullani banna gata ndara Mata-mata Israel badda pa lai kabunni tanji halluna ti lara sawawi? ²⁶ Ba tuni haisa, sama kaddani ni kalittami nimma atta o sangusa na, ni pa takkimi Mati, tu mannu kadda walli nissa mabba ni Ati Wai atta o kakka pappa ndowi sama kaddani ni mati