¹ Oro niawe netti, orona ghitto a paduada oro atewai, niaka ghitto ta damai dangaibai Mori lewata Marambada ghitto, karittu Yesu; ² Lewata Nia, ghitto takolena lara tama aro atewai barra kanurru Mori ne maghinna menjadi dasarda ghitto bata dede, monno ghitto madi tapaneghe barra paremada kemuliaan Mori. ³ Daniakipo Netti,ghitto kaina tamadita neghe karoduka dana ne ghitto pa'alamida orona ghitto paddege bahwa ne karoduka neghe kolena tekuna taka, ⁴ Netekuna kolena karakter a tahan uji, monno karakter a tahan uji akolena paremada, ⁵ Monno paremada danna pakacewakida, ne manawara na Mori a yaba da ne ate danada ghitto lewatta Ngau Ama Tua ne pa kanurru da barrada ghitto. ⁶ Ne mane'eda a beghola, karittu na mete tagu ata-ata a bokala neghe rapa a tepatta. ⁷ Niawe, jarang gha'i ata a beina mate tagu ata benarra, meskipun mungkin gha'i ata kaina a mate tagu ata dua. ⁸ Niawe, Mori napa oudage manawara-Na barrada ghitto, Ba neghe hit to ne'e poda dirraka dana, karittu mate tagu da ghitto. ⁹ Louka wali netti, ne bana paduawaida oro ra'a-Na, ghitto apatolekada wali banina Mori lewata Nia. ¹⁰ Niawe, neghe ghitto bata musu Mori, ghitto napaduada Mori lewata matena Ana-Na, louka-louka ne maghinna orona ghitto apaduada nebarra-Na. Neghe nyata ne maghinna a paduabada barrai Moro, Niaka ghitto kaina pasti natuluda lewata moripa-Na. ¹¹ Indah Niake netti, ghitto kaina ta takossuka ne barrana Mori lewata Marambada ghitto Yesu karittu, ne lewata-Nia ne maghinna deiba damai Mori. Mate lewata Adam, Moripa lewata Karittu ¹² Orona netti, zama ne dirraka na tama neghe ponnu tanah lewata ia ata monno maut tama lewata dirraka,ghinna kai maut namasabbara barra ngarakua ata Orona ngarakuwana rawige dirraka. ¹³ Niawe, dirraka gha'i bage ne ponnu tana danna tamapo Hukum Taurat Musa gha'i, takka dirraka danna kirake Mori ne ba da'ipoge Hukum Taurat. ¹⁴ Niawe nia, Maut naberkuasa zaman Adam dukki Musa, bahkan ata-ata da rawina dirraka zama azama ne parawina Adam, bayang-bayan wali Nia a nemmi amai. ¹⁵ Nia takkawe, payana wali Mori netti danna papanding dangakige dirraka. Niawe, niaka oro dirraka ia ata, Luwana ata mate, niaka naloukawe kanurru wali Mori monno payana lewata kanurru ia ata netti, Natti karittu Yesu. ¹⁶ Monno, kanurru da zamaki akibat wali Dirraka ia ata netti. niawe penghakiman neghe tagu palawi na ngidi hukuman, takka kanurru ponnu luwana palawi ngidi papauduada. ¹⁷ Niaka orona dirraka ia ata, maut naberkuasa tagu ia ata netti, louka dommo ata-ata a deiba azeipa kanurru monno karunia adua na paretada ne barra moripada lewata ia ata netti, niadona Karittu Yesu! ¹⁸ Niaka, azama neghe lewata ia palawi ngarakua deiba hukuman, neghe ghinna kaina oro parawi adua ia ata kaina ngarakua atapia deiba moripa monno papadua. ¹⁹ Orona danna deku takkakige ia ata, luwana ata a jadi dirraka. takka nia, orona bana deku takkage ia ata, luwana ata papaduada. ²⁰ Hukum Taurat atabo ga'i dirraka amatabo luwana. takka nia, ne padouna dirraka napenne, kanurru Mori na makin zeipa-zeipa, ²¹ Ga'i zama neghe dirraka naberkuasa ne barra maut, manawara kanurru kaina berkuasa lewata adua a pimpinda barra Moripa a Mori wali ne barra karittu Yesu Marambada Ghitto.