¹ Niaka, appawe ne ghitto patekida tagu Abraham, Ama waikada ghitto menurut kana'a? ² Orona kaina Abraham papaduada lewata parawida, nia gha'i alasan bana takossuka, takka da arokina Mori. ³ Niawe, appawe ne patekina Zurata bia? " Abraham na wai barra Maramba monno Maramba nakirazi hal netti barrana tagu Nadia." ⁴ Barra ata a paghilli, upa ne payadi barra ghidda indah ia hadiake, ghinna hak da ghidda. ⁵ Monno, barra a da panghilli, takka waidi barra Mori a padua ata Fasikka, ate waida ghidda akirada tagu ne a dua. ⁶ Bahkan Daud punnu na tekiwe neghe pamaringina ia ata niawe Mori nakirawe adua barrana tanpa naeta ne hal-hal ne nia parawina: ⁷ " Bahagia ata ne paopida palawi-palawina, monno ne patodida dirraka-dirraka. ⁸ Bahagia ata-ata ne dirrakana da kiraki na Maramba!" ⁹ Appa ne berkat ne hanya tagu da ata a bersunat? atau ne kaina tagu ata a da bersunat? Niawe yamme Ba tekiba Baniawe " Ate wai Abraham akira neghe adua." ¹⁰ Niaka, peina netti bakira barrana? sebelumna atau nemaghinna nia basunatta? daniakipo ne nia basunatta, hinnawe ghetti nia basunatta. ¹¹ Abraham na deiba tanda sunat sebagai meterai adua ate wai neghe nia da sunatpo ga'i nia nakolege jadi Ama tagu ngarakua ata a waige da bersunat niaka media netti kaina akirawe barrada ghidda; ¹² Sekaligus jadi Bapa ata-ata bersunat a da bersunat takka kaina a kako waina lara ate wai a pernah lewata oro Amada ghitto, Abraham, sebelum nia basunatta. Abraham Deiba Janji Mori lewata atewaina ¹³ Janji Barra Abraham monno barra keturunanna bahwa ghidda a terrege ngarakua ponnu tana da ponnuki lewata Hukum Taurat, takka lewata adua atewai. ¹⁴ Niawe, nia ghidda a walina Hukum Taurat kolege jadi ahli waris, niaka ate waida jadi sia-sia monno janji Mori pabatalwe; ¹⁵ Niawe Hukum Taurat pamaima bani, takka nia da'iki Hukum Taurat, Niaka netti kaina daiki palawi. ¹⁶ Ne niawe peina janji netti wali ate wai, ga'i janji netti napatuba kanurru Niawe janji netti kaina dukki barra ngarakua keturunan Abraham; da niake ne wali Hukum Taurat, takka kaina a walina ate wai Abraham, ne nia Amada ghitto ngaradabbada, ¹⁷ ( zama ne patulissa, " zauwa ku rawige ama tagu luwana bangsa") ne arona Mori, ne nia pawaida, Matti Mori ne payada moripa barra ata mate monno a tekiwe nesusuatu a da Gha'ina namenjadi gha'ige. ¹⁸ Ne paremana ne Togo paremana nia wai, niaka nia bole jadi Amada wali luwana bangsa sesuai neghe patekina, "niazi ajadighinnai keturunanmu." ¹⁹ Monno, da jadi begholah ne atewai, meskinpun nia napaddege tou douna hampir mate orona umurna kira-kira ngau douna monno rahimme Sara kaina na mate a; ²⁰ Nia dapa bingungke barra Janji Mori orona dappawaida. kaballekana, atewaina apaghezina niaka nia naya kemuliaan barra Mori, ²¹ Monno na waitaka punnuge bana Mori namampu barawige appawe nepa janji-Na. ²² Orona netti, atewaina" akirana tagu adua." ²³ Niawe, hal neghe da niake Ba tulissawe tagu Abraham saja, ²⁴ tak tagu kaida ghitto. Hal neghe akirawe barrada ghidda a waige barrana Nia a pakede Yesu, Marambada ghitto, wali tillu ata mate. ²⁵ Natti, Yesu payada tagu mate orona dirrakada ghitto, monno ne papakededa tagu papaduada ghitto.