¹ Niaka niawe, appawe loukana ata Yahudi? Atau, appawe pautuna sunatta? ² Luwage, neghe ngarakua hal; a ullu, barrada ghiddado payada mandat ne li'i Mori. ³ Niaka, ne pirra ata da waige, appawe ne dapa waida ghidda batalge ne setiana Mori? ⁴ zama sekali indaki! Mori niadona adua lakka ghidda ata a boto. zama ne tertulis: "Gho'u buterbukti dua barra pateki-Mu monno gho'u bu Talu ba ghidda atapia ba hakimi-Mu." ⁵ Nia takka, niaka ne dadua ghitto justru boghoge ne duai Mori, appawe ne ghitto patekida? Bole ghitto batatekiwe ba Mori danna adilki na hukumda ghitto? [ Zauwa tekiwe neghe tagu ia ata atapia] ⁶ Zama sekali indaki! Niaka nia, peikona Mori bana hakimi ponnu tana? ⁷ Nia takka, niaka lewata botogu, duana Mori engage ba deika-Na, peina zauwa a hakimi apatudda ata bokala? ⁸ Monno, (zama ne pateki du'ada ata barra yamme) peina da paneghe, "Mai, ghitto rawi ge ne bokala ga'i ne dua na paetage wali dirraka netti." ghidda a paneghe azama netti pantas ba hukumdi! Ngarakua ata Naponnu Dosa ⁹ Lalu appa? appa ghitto lebih dua wali barra ata wede? zama sekali indaki! niawe,Yamme ma teki memaba bahwa baik ata-ata Yahudi maupun ata da Yahudi,ne'edi kabu dirraka. ¹⁰ zama ne patulissa, " da'iki ia ata a rawige dua, ia ata da'iki. ¹¹ Da'iki ia ata a padde ata. Da'iki ia ata a ghega Mori. ¹² Ngarakua ata na baliba barra-Na, ghidda a zama-zama danna bergunaba. da'iki ia ata a rawige dua, da'iki ia ata." ¹³ " Tabokerda ghidda zama odi ama bughe, lammada ghidda amerayu-rayu, racun nippe gha'i ne kabu lammada ghidda." ¹⁴ " Ngadada ghidda bonnuge pagheli monno kepahitan." ¹⁵ " Gha'ida ghidda ngattana bapa ra'a ata. ¹⁶ Susah monno rusaka gha'i ne larada ghidda. ¹⁷ Monno, ghidda dapaddeki peina moripa ne damai dana." ¹⁸ "Madautai Mori da'iki ne aro barrada ghidda." ¹⁹ Nema ghinna ghitto tapandege appawe ne pateki ole Hukum Taurat, akirawe tagu da ghidda a ne'ena di kabu Hukum Taurat niaka namatodi ngarakua ngada, monno ponnu tana ne'ege barra pengahkimanna Mori. ²⁰ Da'iki ata pia ne papa duada ne aro Mori ne ba rawige Hukum Taurat orona ne melalui Hukum Taurat netti ammige bakenalla Dirraka. Mori Napaduai Atapia Lewata Iman Barrana Yesu karittu ²¹ Nia takka ghinna ne, tanpa Hukum Taurat, duana Mori apaoudage, monno asaksige lewat Zurata bia Taurat monno para Nabi. ²² Bahkan duana Mori lewata ate wai barra Yesu karittu akira tagu ngarakua a waige, orona da'iki a beda; ²³ Niawe ngarakua ata a dirraka Monno na muage kemuliaanai Mori, ²⁴ Monno apaduazi orona kanurru-Na secara cuma-cuma lewata penebusan ne barrana Yesu karittu; ²⁵ Ne pa boghona Mori secara ama bughe tagu lara apadamai barra ra'a-Na lewat ate wai. Hal neghe boghoge adil-Na, orona ne sabar-Na, Mori na ga'idi dirraka-dirraka neti waina a dadi. ²⁶ Hal neghe kaina pabeina tagu Hanna boghoge adil-Na ne masa nenghe ga'ika Nia terbukti dua monno napaduai ata a beriman barrana Yesu. ²⁷ Niaka, ge niage ne takossukada ghitto? a letobage ! oro Hukum parawida ghitto? indaki, takka oro hukum ate wai. ²⁸ Orona netti, ne nia ne ghitto pawaida, ne atapia apaduai ne arona Mori lewatta atewai, inda waliki parawi-parawi ne Hukum Taurat. ²⁹ Atau, appa na Mori nia Mori tagu bangsa Yahudi kido? bukankah Nia kaina natti Morida tagu bangsa da Yahudi? Ya! Tagu bangsa Yahudi kaina, ³⁰ Orona Mori netti ia monno Nia napaduai ata-ata a bersunat oro ata waida, monno a da bersunat lewat ate waida. ³¹ Niaka, appa yamme mapamuage Hukum Taurat lewatta ate wai? ia-ia indaki! kaballekana, yamme justru mateguhkan Hukum Taurat.