¹ Niaka appawe neghe ghitto patekida? appa ghitto ta rawi padu adirraka ga'i kanurru nasemakin zeipa? ² Tentu indaki! peikona neghe ghitto a mate ba tagu dirraka ta moripa ne barrana? ³ Atau ne yemmi du paddekige ba Ghitto ngarakua neghe pabaptisda ne barra Yesu karittu a baptisa bada neghe mate dana-Na? ⁴ Orona netti, ghitto a kuburbada zama-zama Nia ba ne'e rapa ghitto parighoda ne barra mate-Na; ga'i zama na Yesu ne papakededa wali tillu ata mate lewata kemuliaan Ama, ghitto kaina bole kako barra pabaruda Moripa. ⁵ Niawe, nia ghitto a pa'izabada zama dangai Nia ne barra a zama mate-Na, ghitto pasti kaina a pa'iyada barra zama nekede-Na. ⁶ Ghitto paddege bane atapi'a mado'ida ghitto baba banadeito nerbarra karittu monno you dirrakada ghitto da pamuwake niaka ghitto dappa pahamba wekibakina barra dirraka. ⁷ Niawe, ngarakua ata a mate ba, nia baba bapasille wali dirraka. ⁸ Nemaghinna, niaka ghitto ta mate dangai karittu, ghitto waige ba Ghitto kaina ta moripa dangai Nia. ⁹ Ghitto paddege nagha karittu ne papakededa bada wali tillu ata mate danna mate dommo bani; maut danna berkuasa dommo bake taguna Nia. ¹⁰ Niawe, neghe mate-Na, Nia mate barra dirraka ia Kali tagu Mori walina, takka ne lara Moripa-Na netti, Nia moripa tagu Mori. ¹¹ Nia kaina toumu, yemmi harus Sadat bahwa toumu bu mateba barra dirraka, monno moripa tagu Mori ne barra karittu Yesu. ¹² Orona netti, du ga'ikage dirraka bana kuasai toumu ne fana niaka yemmi deku takkage barra pabeina. ¹³ Monno, ammana yawe anggota-anggota toumu barra dirraka Tagu alat bokala. takka nia, yawe toumu barra Mori sebagai a moripa wali tillu a mate, monno angota-angota toumu sebagai alat adua Mori. ¹⁴ Niawe, dirraka danna berkuasake ponnumu orona yemmi da moripa dommoki ne kabu Hukum Taurat takka ne kabu kanurru. Ata Papawede Adua ¹⁵ Niaka, appa neghe ghitto parawida? appa ghitto tarawige dirraka Orona ghitto dappa moripaki ne kabu Hukum Taurat, takka ne kabu kanurru? Tentu indaki! ¹⁶ Yemmi paddege ba me yemmi biyawe toumu sebagai atapapawededa a dekuge barra sesuatu atau ia ata, yemmi jadi atapapawededa tagu pihak neghe yemmi dekuge netti; dua barra dirraka a pinpingu aro maut, atau barra ketaatan ne a pinpingu aro adua. ¹⁷ Nia takka, syukur barrai Mori neghe yemmi neghe waina adalah atapapawededa dirraka, nemaghinna bu dekubage Bonnu ate barra pokok-pokok pengaran neghe patekida barramu, ¹⁸ Monno orona yemmi a pasillibami wali dirraka, yemmi menjadi atapapawededa adua. ¹⁹ Zauwa paneghe waina istilah neghe atapi'a orona kelemahan kana'a. niawe, zama netti waina yemmi biyawe anggota-anggota mu sebagai atapapawede najissamu monno bokalamu a berakibat barra bokala a louka morro, nemaghinna yawe anggota-anggota mu jadi atapapawede adua neghe berujung barra zingira dana. ²⁰ Niawe, bane yemmi jadi atapapawede engapoge jadi atapapawede dirraka, yemmi bebas wali adua. ²¹ Niawe, pautumu appa neghe yemmi pakolemu wali hal-hal neghe ne parawimu makke netti? Niawe, kadukka wali ngarakua hal netti adalah maut. ²² Niawe nemaghinna, ba pasilli bagu wali dirraka Monno na atapawede bami Mori, yemmi kikolege ghuwa tagu zingira monno kadukkana niado Moripa a Mori wali. ²³ Niawe upa dirraka niado maut, takka kanurru Mori niadona Moripa a Mori wali barra Yesu Karittu, Marambada ghitto.