¹ Setelah tama ne tena deta, Yesu napalage ne danau monno dukki ne kota-Nia douna. ² Monno, eta, ghidda ghidi barra-Na ia ata akalikku a beika ne padou dura. ketika eta ate waida ghidda, Yesu paneghe barra ata akalikku netti, "panghezige atemu, ana-Gu, dirrakamu babai pa'ampunizi." ³ Kemudian, pirra ahli Taurat paneghe ate danana, " ata nangha menghujat" ⁴ Namun, Yesu paddege pikiranda ghidda, pateki-Na, "Peina yemmi pangadage a bokala ne ate danamu? ⁵ Gi'age a louka mudah, tekiwe, Dirraka-dirrakamu diampuni,' atau tekiwe, ' Kede monno kako ghu'? ⁶ Takka nia, ga'i yemmi bisa paddege bahwa ne ponnu tana Anai atapia berkuasa tagu opi dirraka." niaka, Yesu paneghe barra ata akalikku netti, " Kedeghu, keketa padou duramu, monno balighu!" ⁷ Niaka, nia kede monno Bali. ⁸ Niaka, ketika ata luana eta hal neghe, ghidda menjadi takjub monno deika Mori a yawe kuasa zama netti barra atapia. Matius apakuana pajak deku Yesu ⁹ Ketika Yesu kako wali ne'e, Nia eta ia ata a kadangai Matius sedang madi'i ne padou pakuana pajak, Lalu, Yesu paneghe barrana, "Dekuga Zauwa." Monno, Matius dede monno deku Yesu. ¹⁰ Yesus madi'i nga'a umma ne'e, eta, ngangedana ah tagu pakuana pajak monno ata-ata ah zala ammidi, Baka madi'i nga'a mangnggu ole dangngngani Yesus monno murit-murit-Na. ¹¹ Monno, neba ghetti ata-ata Farisi ba etawe neghena, ghidda ah paneghe barrada murit-murit-Na, "Appana nagurumu nga'a mangngngu ole dangngadi ngarra ghidda ata ah pakuana pajak monno ata-ata ah zala?" ¹² Takka ghinnawe, nebana Yesus bana rrngngewe nettina, Nia na tekiwe, "Ghidda ah dua wekkidanana dabutuki ata ahtauna moro, takka ghidda ata ah karoduka. ¹³ Takka, kako monno denggi padde appawe kabbuna ngarrakua neghena , 'Yauwa kubeige neghe pamanawara dangnga, indaniakiwe maraka', Orona Yauwa ammiga inda tagukina baka dangngadi ah benar, takka ata-ata ah zala." Matua Tubanawe Berpuasa ¹⁴ Bakadommo, murid-murid Yohanes ammidi barrana Yesus monno ahmatua, "Appa ne yamme monno ata-ata Farisi narawige ne puasa, takka murid-murid-Mu dapuasaki?" ¹⁵ Monno, Yesus na paneghe barrada ghidda, "Bisakadowe ngarra pengnggiring pengantin kabani engana bane'edi barrada ghidda? Takka, enga dukkinawe rapanawe ne bana pengantin kabani nakka badekeza wali ghidda, monno ghidda baka kuasa." ¹⁶ Da'i pungnguki iya ata ah kadabbarawe kaba ah buddi pagho'i barra kalabbi ah mema, orona pakadabbara ghetti ah irrawe kalabbi ah mema monno matabo kaladage ah madaikarani. ¹⁷ Bakadommo, da'iki ata ah remana anggur ah baru ne barra kantong kalita ah mema. Neka nebaghinnakowe, kantong kalita ghetti enga madaikarada, monno anggurna enga malenganawe, monno kantong kalitana mubbuka. Takka ghinnawe, ghidda baddala anggur ah baru ne kantong kalita ah baru pula neka ghidda douda ah madaga. " Yesus napakedde monno napalangngana ¹⁸ Nebana Yesus bana tekkiwe ngarra ghidda barrada ghidda, etawe,iya ata ahkatowage umma padoutabaya ammini monno na ka ghodo-Ni, monno natekkiwe, "Ana maghinnegu buddi mate lungngana. Takka ghinnawe, ammigu monno baddalaza limma-Mu ne ponnu na, neka ne nia enga moripana." ¹⁹ Baka, Yesus nakedde monno nadekuni ata nakka, ghinna kaiyi murid-murid-Na. ²⁰ Monno, etawe, iya maghinne ah rasaba karodduka pendarahan ne ah kabulli doda douna nabarrani Yesus wali lira monno nanorroge lawi juba-Na, ²¹ Orona manghinne nakka paneghe barra tou toudouna, "Neka ne yauwa todiwe jubah-Na saja, yauwa enga langngagu." ²² Takka ghinnawe, Yesus kaballeka monno pazarrani maghinne nakka, baka napaneghe, "Pamaddurawe atemu, oh ana-Gu, ate waimu napa langngabagu." Ghetti mema pungngu, langngabana maghinne Matti. ²³ Nebana Yesus dukki ummana ah katowage umma padou tabaya nakka monno naetadi ngarra ata boto kapika monno paboduna ata ah padadiwe kebisingan, ²⁴ Nia napaneghe barrada ata-ata ghetti, "kakololo, orona ana maghinne nakka danna mateki, takka tangarra durana." Monno, ghidda ah maditani Yesus. ²⁵ Takka, neba ghetti ata mangeda ghaida ah tabbazi louza, Yesus natama baka narroni linnama lakawa nakka, nommo lakawa maghinne nakka nakedde. ²⁶ Nepatekki neghe namazabbarawe netti ngarra kua padou. Yesus Napalangbgadi douda ata kaburra ²⁷ Nebana Yesus bans kako wali ne'ena, douda ata kaburra dekuni Nia baka kawaro-kawaro, "Manawwarama yamme, Ana-Na Daud." ²⁸ Baba ne Nia bana tamage umma ne'e, dohda ata kaburra ghettina ghettidi barrana-Na monno matua Barrada ghidda, "Appaka ne yemmi waige bane yauwa bisa parawige neghena?" Ghidda paneghe barra-Na, "Ya, Tuhan!" ²⁹ Bakadommo, Yesus nanorrodadi matada ghidda, ghinna-Ge, "Dadiwe barrami dekuna ate waimi ." ³⁰ Monno, maghukkebazi matada ghidda. Yesus napakattoge napaloloda ghidda, "Paghatage, madi'i pungngu kana iya ata ah paddege neghena." ³¹ Takka ghinnawe, ghidda louza monno ah padukkige patkki tubana Yesus ne ngarra kua padou ne'ena. Yesus Napalangana Ata Kabangnga. ³² Baba douda ata ghetti louza, etawe, ata-ata ah ghiddiza iya ata ah kabangnga an papangadeda ngau ah bokala barrana Yesus. ³³ Ba baba ngau bokala ghetti bah tabbaza, ata kabangnga nakka napaneghe. Ata mangeda ghaida dadi terheran-heran monno ah tekkiwe, "Neghe ah ghinnana danna paeta pungngu kipoge ne Israel." ³⁴ Takka ghinnawe, ata-ata Farisi ah paneghe, "Nia natabba ngau-ngau ah bokala waina ah torroge ngau-ngau ah bokala." Mangedana ah makeni yodikidi ah paghilli ³⁵ Monno, Yesus na kako gholetadi ngarra kua kota monno desa enga dommona panungngana ne sinagoge-sinagogeda ghidda, monno pa dukkige Injil kerajaan, lappata palangngana ngarra karodduka monno ahkarodduka. ³⁶ Nebana Yesus bana etazi ata mangeda ghetti, Nia na dadi manawwaradi ghidda orona ghidda dopana monno ah terlantar tudda bebe-bebe da'iki ah kadizi. ³⁷ Baka dommo nia natekkiwe barrada murid-murid -Na, ah ghinna takkana, ahmakeni mangeda, takka papaghilli-papa ghillina yodikidi." ³⁸ Orona ghetti, dengngiwe barrana Mori ah gha'ina pakeni, taguna bapaghindidi papaghilli-papaghilli barra pakeni-Na."