¹ Monno, Yesu nakadangadi kabulli doda Murid-N monno nayadi ghidda kuasa tuba roh-roh najis tuba roh-roh netti monno tuba palangai Ngarakua macam karodduka maupun Ngarakua macam kesakitan. ² Ne ghidda ngara-ngara kabulli doda rasul netti: na aullu, Simon na patekida Petrus, monno Andreas oledadina, monno Yakobus Anai Zebedeus, monno Yohanes oledadina, ³ Filipus, monno Bartolomeus, Tomas, monno Matius a pakuana pajak, Yakobus Anai Alfeus, monno Tadeus, ⁴ Simon ata Zelot, monno Yudas Iskariot a hianati Yesu. ⁵ Yesu patukadi kabullu doda rasul netti monno paretai ghidda, " Ammana kako lara bangsa-bangsa wedeka atau tama ke kota dana ata Samaria, ⁶ Niaka kako barra bebe-bebe a tersesat wali tillu umat Israel. ⁷ Monno, selama yemmi kako, paretawe monno paneghe, 'kerajaan sorgadana sudah tukkeba.' ⁸ Palangadi a karoduka, pamoripai a mate, tahirkanlah a kusta, monno usirrai roh-roh bokala. yemmi deiba ne cuma-cuma, yakaiwe neghe cuma-cuma. ⁹ Ammana yemmi ghidi amma rara, atau amma kaka, atau tembaga katte kobbumu, ¹⁰ Atau tas tuba nebukako, atau doda helai kalambe, atau sandal, atau tokko niawe ia ata paghilli pantas bi nga'a. ¹¹ Monno, ne kota atau desa ge niage ne yemmi tama, selidikawe garrai a kayak ne'e monno dangi ne'e dukki yemmi kako. ¹² Ketika yemmi tama ne umma netti, yani salam. ¹³ Monno, niaka umma netti layak, ga'ige magheghera ate burro togomu, takka jika indaki, ga'ige magheghera ate Bali barramu. ¹⁴ Monno, garrai a da deibami yemmi atau da biena renghe patekimu, ketika yemmi louza wali umma atau kota netti, uwwa pa'u tanah gha'imu. ¹⁵ Zauwa kutekiwe ne sebenarnya barramu bahwa ne lodo penghakiman, tanah Sodom monno Gomora a louka bisa tanggungge wali barra kota netti." Kesulitan-kesulitan ne pa hadapida para Murid ¹⁶ " Eta, Zauwa kupatukami yemmi zama bebe ne tillu-tillu serigala. orona netti, jadilah cerdik tudda nippe monno tulus tudda keila-keila Merpati. ¹⁷ Takka nia, daga-daga wekina barra ata-ata orona ghidda a yagu barra Sanhedrin monno a cambukgu ne sinagoge-sinagoge ghidda. ¹⁸ Monno, yemmi a ghidimi ne aro para penguasa monno para tokko tagu Zauwa, sebagai kesaksian tagu ghidda monno tuba bangsa-bangsa wedeka. ¹⁹ Niaka, ketika ghidda a yami yemmi, ammana papangadage tuba Peina atau appa ne yemmi patekimi orona saat netti kaina a yago barramu appa ne yemmi patekimi. ²⁰ Niawe, indah yemmike a paneghe, takka natti niadona Roh Amamu a paneghe barra yemmi. ²¹ Oledadi a jadi oledadi barra mate dana, monno Amana barra Anana. Monno, ana-ana a Lawadi para ata kaweda monno pamatei ghidda. ²² Yemmi a buttumi ate oleh ngarakuana orona ngara-Gu, takka ata a bertahan dukki padou dukkana a paselamatadi. ²³ Ketika ghidda menganiaya yemmi ne ia kota, kedu kota wedeka. Zauwa tekiwe ne sebenarnya barramu bahwa yemmi di baba kipo bilewattai kota-kota Israel dukki Ana Atapia mai. ²⁴ Murid dappa loukake guru_na, nia kaina ata papawede dappa loukake tuanna. ²⁵ Tutuba niaka murid menjadi zama guruna, monno atapapawededa menjadi zama tuanna. niaka ghidda a teki than umma netti Beelzebul, louka buruk dommo barra anggota oledadina." Madautai Mori da Barrakina Atapia ²⁶ " Orona netti, ammana yemmi madauta barra ghidda niawe da'iki a ama todi ne dappa bugheda, ata ama urri ne dappa paddeda. ²⁷ Appa ne Zauwa patekida barramu ne kapatta dana, tekiwe netti ne mangewala dana. Monno, appa ne yemmi parengemi pabisikada ne katillu danamu, tekiwe ne Togo umma. ²⁸ Amma pamadauta barra ghidda a pamate tou, takka da bisaki pamate dewa, niaka louka madauta barra Nia a bisa pamate dewa maupun tou ne api neraka dana. ²⁹ Bukankah doda keila pipit abattadi tagu ia suit? Monno, da'iki ia wali ghidda a warraka ne tanah deta ne dappa beika Amamu. ³⁰ Bahkan, loge katowamu ngarakua nakirai. ³¹ Orona netti, ammana pamadauta, yemmi louka bernilai wali barra luana keila pipit." Akuiza Yesu Ne aro ata wedeka ³² "Niaka, setiap ata a mangakuga Zauwa Ne aro da ata pia, Zauwa kaina ku aku'iza ne arona Ama-Gu a ne'ena sorga dana. ³³ Takka nia, garrai a menyangkal Zauwa Ne arona atapi'a, Zauwa kaina ku sangkal nia na arona Ama-Gu a gha'ina sorga dana." Tujuan bana mai Yesu ³⁴ "Ammana pangadage bahwa zauwa mai tagu ghidi perdamaian ne ponnu tana. Zauwa mai indah tagu ghidiki perdamaian, melainkan katopo. ³⁵ Niawe, Zauwa mai tagu papisai kabani-kabani wali amana, ana maghinne wali barra mamana, menantu maghinne wali mama mertuana, ³⁶ Monno musuh ia ata kaina wali anggota oledadina. ³⁷ Garrai a louka manawarai amana atau mamana wali barra Zauwa, danna layakki tagu-Gu. Monno, garrai a louka manawarai ana kabani-kabani atau anana maghinne wali barra Zauwa, danna layakki tagu-Gu. ³⁸ Monno, garrai a da deito salibna monno dekuga Zauwa, danna layakki tagu-Gu. ³⁹ Garrai a pattuza dewana na muwana dewana, monno garrai a muwana dewana tagu Zauwa na koleni." Upa wali Mori ⁴⁰ " Garrai adeibami yemmi, deibaga Zauwa. monno, garrai a deibaga Zauwa, nadeiba Nia a patukaga Zauwa. ⁴¹ Garrai a deiba nabi dalam ngara nabi na deiba upah nabi. Monno, garrai a deiba ata benarra dalam ngara ata benar na deiba upa ata benar. ⁴² Monno, garrai a ya we'e barra salah ia wali ata-ata a ki'ina ne meskipun hanya secangkir we'e magheggela dalam Nama ia murid, Zauwa tekiwe sebenarnya barramu, nia danna muwakige upana."