¹ Ketika Yesu burru wali bukit netti, pakuwana ata luwana deku-Nia. ² Monno, eta, ia ata a nganga kusta mai barra-Na, monno kaghodo ne aro-Na monno paneghe, " Tuan, kalau gho'u beina, gho'u bisa patahirga." ³ Monno, Yesu na lotara limma-Na serta bana jamah, pateki-Na, " Zauwa beina, tahirlah." Saat netti kaina, apatahirra kusta ata netti. ⁴ Monno, Yesu paneghe barrana, "mattarage, ammana yemmi pa tekiwe appa-appa barra ia ata, takka kakoghu, boghoge toumu barra imam, monno marakage-maraka bahan ne paparetana Musa sebagai kesaksian taguda ghidda." Ia ata pelayanan Perwira Romawi Nepapalangada ⁵ Ketika Yesu tama ne Kapernaum, ia ata Perwira mai barra-Na memohon barra-Na, ⁶ Monno paneghe "Maramba, ata papawedegu ne'eni a beika kalikku ne umma, na menderita wali ate." ⁷ Monno, Yesu paneghe barrana, " Zauwa a mai monno apalangai nia." ⁸ Takka nia, Perwira netti nawale monno paneghe, "Than, zauwa dakku layakkaki tagu gho'u tama ne kabuh atapgu, takka tekiko ia kata saja monno atapapawedegu na langana. ⁹ Niawe, zauwa kaina ne ata ne gha'ina ne kabu kekuasaan, monno tentara-tentara ne kabugu. Monno, zauwa paneghe barra a ia,' Kakoghu,' niana kako, monno barra a wede, ' Maighu,' monno nia na mai, monno barra atapapawedegu,' rawige neghe,' monno nia na rawige ne." ¹⁰ Ketika Yesu renghe hal ne, Nia kagum monno paneghe barra ata-ata a deku- Ni, "Zauwa ku tekiwe a sebenarnya barramu, Zauwa dakku tobbo kakipo ata wai akaladana ne ne tillu ata Israel. ¹¹ Zauwa ku tekiwe barramu bahwa luwana a mai wali Timur monno barat, monno madi'i nga'a dangai Abraham, Ishak, monno Yakup barra kerajaan Sorga, ¹² Takka ana-ana kerajaan netti a letoni ne kapatta dana a paling kapattana. ne'e gha'i ratapan monno kertak nguddu." ¹³ Monno, Yesu paneghe barra Perwira netti, " Kakoghu, ga'ikoge bana terjadi barramu zama ne yemmi pawaimi." Monno, ne saat netti kaina, atapapawedena na langana. Mama Mertuana Petrus monno ata luwana Apalangai ¹⁴ Ketika Yesu dukki umma Petrus, Nia eta mama mertuana Petrus sedang nabeika monno demam. ¹⁵ Niaka, Yesu najamah limmana mama netti monno demamna namuwage. niaka, nia kede monno layani Yesu. ¹⁶ Ketika menjelang gedege, ghidda ghidi barra-Na luwana ata a kerasukan roh bokala, monno Nia usirra roh-roh netti waina ia pateki, monno palanga ngarakua di ata a karoduka, ¹⁷ Ga'i bonnuge appa ne patekina Nabi Yesaya: "Nia a dekeda kelemahan-kelemahanda ghitto monno natodduda karoduka-karoduka da ghitto Yesaya 53:4 Menjadi deku Yesu ¹⁸ Ne maghinna, ketika Yesu eta ata luwana ne sekelilinh-Na, Nia naya pareta tagu bertolak ne seberang. ¹⁹ Kemudian, ia ata ahli Taurat mai monno paneghe barra-Na, " Guru, zauwa ku deku-Gu ge niakoge gho'u padou kakomu." ²⁰ Monno, Yesu paneghe barrana, "Para rubah gha'i liang monno keila-keila ne langita gha'i ubbu-ubbuda takka nia, Ana atapia da'iki padou tagu ta'ige katowana." ²¹ Ia wali para muridna paneghe barra-Na, "Maramba, izin belliga zauwa kaku kako pataneni anagu." ²² Takka nia, Yesu paneghe barrana, " Dekuga Zauwa, monno ga'i ata mate tank ata mate ghidda douna." Yesu Naparedah Badai ²³ Monno, ketika Yesu penne ne tens deta, murid-murid-Na deku Nia. ²⁴ Monno, etaza, na dadi badai kalada ne danau niaka tena netti atodiza bokara. takka nia, Yesu nadura. ²⁵ Monno, murid-muridna atukkei Yesu monno apakede-Nia paneghena, " Maramba, tuluma yamme! ghitto sedang binasa!" ²⁶ Monno, Nia paneghe barra ghidda, " Peina yemmi madauta, hai yemmi a Kurang ate wai?" Niaka, Nia dede monno menghardik paringi serta Danau netti, monno menjadi kadanna. ²⁷ Niaka, ata-ata netti terheran-heran monno paneghe, "Ata macam appa Nia ne, bahkan paringi Monno danau adekuni-Nia?" Doda ata Gadara kerasukan Roh Bokala ²⁸ Ketika Yesu dukki ne seberang danau, ne daerah ata Gadara, doda ata a kerasukan roh bokala adukki-Nia, ghidda louzo wali odi dana monno a ganas niaka da'iki ata a bisa lewata lara netti. ²⁹ Monno, etawe, ghidda kawaro, paneghena," Appa urusan yamme punnu gho'u, hai Anai Mori? Appa gho'u mai menyiksa yamme sebelum waktuna?" ³⁰ Monno, na agak morro wali ghidda gha'i sekawanan wawi aluwana ghega nga'a. ³¹ Kaballika-kaballika netti dengi barra-Na monno paneghe, "Jika gho'u beina usirma yamme, patukama yamme pindah ne barra kawanan wawi netti." ³² Monno, Yesu paneghe, " kako!" niaka, ghidda louzo Monno tama ne wawi-wai dana netti. niaka, ngarakua kawanan wawi netti taloka wali tebing danau monno mate ne we'e dana. ³³ ata-ata a mengembalakan kawanan wawi netti kedu, monno tama ke kota dana, monno teki ngarakuana, natama appa ne a dadi monno ata-ata ne parasukda kaballika netti. ³⁴ Monno, etawe, ngarakua kota louza untuk katemu dangai Yesu. ketika eta Yesu, ghidda dengi-Nia untuk gha'ige wilayada ghidda.