Yesu neeni Arona Gubernur Pilatusa ¹ Nemeghinna, ne kapugedde mai, ngarakua imam kapala monno ghidda tua-tua bangsa na deke papuatada pazamana tagu Yesu ba hukumni mate Nia. ² Monno, ghidda ketteni Yesu, bage ngindiza monno yaza-Nia barrana Gubernur Pilatusa. Yudasa Napamate Wekkidouna ³ Na Yudasa,a yaza Yesu, naeta bahwa Yesu apawarrakaza hukumanna, nia paddage menyesalla monno napabalidi touda kabullu keping perakka barrana imam-imama kapala monno ghidda tua-tua, ⁴ ghinnage, "Zauwa kuzalah ba orona bayaza raa a da zalah." Ba ka, ghidda paneghe, "Appa urusan dangnganama zamme? Ne urusanmo!" ⁵ Monno, Yudasa nakabenazi keping-keping perakka na nee Baitta Mori monno nagaibadi. Bage, nia nakako monno nateru wekkina. ⁶ Ba ka, imam-imam kapal dekezi keping-keping perakka ne monno paneghe, "Dana bennarrakiwe taguna babaddalazi perbendaharaan dana orona ne niadowe welli raa." ⁷ Baka, ghidda deke badda papuata monno waina ne riti, ghidda ghou tanah tukang ghirro bania paddou patane taguna ata-ata eka. ⁸ Niabawe sebabna, tanah ne tekkiwe 'Tanah Raa' dukki ne loddo. ⁹ Neba ghinnakowe, nabiabawe appa ne patekkina Nabi Yeremia: "Badommo, ghidda deke touda kabullu keping perakka. Niabawe welli tagu tou-Na ne pataksir bada ata-ata Israella. ¹⁰ Ghidda waidi touda kabullu keping perakka taguna ba ghoi tanah tukang ghirro, ghinnana Mori paparetana barragu." Yesu monno Gubernur Pilatusa ¹¹ Nemeghinna, Yesu nadede arona Gubernur monno Gubernur namatua barra-Na, "Appane Ghou Raja ata Yahudi?" Nawalewe Yesu, "Oo, ghinnana patekkimi yemmi." ¹² Ba ka, netti Nia batuduza imam-imam kapala monno ghidda tua-tua, Nia dana wale appa pungnguki. ¹³ Badommo, Pilatusa napaneghe barra-Na, "Appane Ghou durengngeki betapa mangedana ghidda batudughu Ghou?" ¹⁴ Takka, Yesu dana walekiza Pilatusa, baka taguna iya patuduh pongngu lappata Gubebernur nati namangaddala waliate. Pilatusa Gagala Banapakalogaza Yesu ¹⁵ Nemenghinna, ne ngara loddo rame, Gubernur biasa napakalogaza taguna ata mangeda, naata tahanan ne pabei ghidda. ¹⁶ Ne rapa ne, ghidda ghaini naata tahanan a terkenalla, napatekkida Barabasa. ¹⁷ Niaka, natti ata mangeda bapakuana, Pilatusa namatua barrada ghidda, "Garrai napabeimi yemmi baku pakalogaza, Barabasa atau Yesu, nea patekkida Krittu?" ¹⁸ Sebab, Pilatusa paddege bahwa orona kagoula, ghidda yabaza Yesu barrana. ¹⁹ Natti Pilatusa neena madii ni kursi pengadilanna, maghinnena napangindina pesanna barrana, " Amma pongnguna parawige lakka appakowe barrana Ata dua na. Sebab, zauwa kumenderita bana mangeda hal ne loddo kananippi dana orona Nia." ²⁰ Ba ka, imam-imam kapala mono ghidda tua-tua meyakinkan ata mangeda taguna badengngiza Barabasa ,onno pamateza Yesu. ²¹ Gubernur namatua barrada ghidda, "Ge nia wali duada ata na ne yemmi pabeimi taguna zauwa pakalogaza tagumu? Monno, ghidda paneghe, "Barabasa!" ²² Pilatusa napaneghe barrada ghidda, "Neba ghinnakowe, appa ne parawi dangngaguni Yesu, ne patekkida Krittu?" Ghidda ngarakua paneghe, "Salibza Nia!" ²³ Monno, Pilatusa matua, "Appawe? Nia narawi bana bokala appa?" Ba ka, ghidda louka kia pakabuara dommo, "Salibza Nia!" ²⁴ Na Pilatusa bana eta bahwa nia dana ba pongngu kipo, malah kerusuhanna mulai marawiwe, nia nadeke wee monno nawaudi limmana ne aroda ata mangeda na monno napaneghe, "Zawa daku zalahki atas raa Ata na. Ne urusan doumuwe!" ²⁵ Monno, ngarakua ata na walewe, "Raa-Na ghaige atas zamme monno ana-anama zamme!" ²⁶ Badommo, Pilatusa napakalogaza Barabasa taguda ghidda monno padapi bani Yesu, Pilatusa nayaza Nia taguna ba salibza. Tentara Pilatusa Tede-tedekaza Yesu ²⁷ Badommo, ghidda tentara gubernur ngindiza Yesu ne markasa paddoudangngina gubernur monno pakuadi ngarakua pasukan Romawi gholetani Nia. ²⁸ Ghidda kainadi kalabbina Yesu monno pataunawe jubah ungu barra-Na. ²⁹ Monno, ne baba paghanani naiya mahkota patara pazama-zama, ghidda patautani ne kartowadetana Yesu, sebatang ghullu ne limma kawana-Na, monno kaghodo ne aro-Na, monno tedekaza Nia, ghiddage patekida ghidda, Salam, Raja ata Yahudi!" ³⁰ Ghidda paniiza-Nia, dekena naghullu na, bage palunani ne katowadeta-Na. ³¹ Nebaba patedekaza Nia, ghidda pazilliwe jubah ungu ne wali Yesu, monno patau balinawe kalabbi dou-Na, monno ngindiza-Nia kako taguna basalibza-Nia. Yesu Asalibbaza ³² Netti ghidda tentara na louza, ghidda kakoni naata kabani-kabani wali Kirena a ngarana Simonna. Ghidda paksaza Simonna taguna kawaaza salibpai Yesu. ³³ Monno, netti ghidda bariaka ne iya paddou a ngarana Golgota, ne artinawe "Paddou Tengkorakka", ³⁴ ghidda yani-Nia anggura taguna baenuge ne papakaula waige empedu, monno nebana ba dalliwe, Nia dana nauki paenuge. ³⁵ Netti ghidda salibza Yesu, ghidda paddo-paddo kalabbi-Na ne barrada ghidda waige letona undi. ³⁶ Badommo,ghidda madii monno dagaza-Nia ne nekke. ³⁷ Monno, ne ponnu katowa-Na, ghidda taige patuduh barra-Na, "NAGHANIABANA YESU, RAJA ATA YAHUDI." ³⁸ Ne saata ne, ghaide duada ata bokala pasalibda pazama dangngani Yesu. Iya ne bali kawana monno iya ne bali ghello. ³⁹ Monno, ata-ata lewata ahujataza Nia samilla bakiddi-kiddikage katowada, ⁴⁰ monno paneghe, "Ghou ba nunggarage Baitta Mori monno pakedde baliwe ne touda loddona, pasalamata douge tou dou-Mu! Niaka Ghou Anai Mori, burrughu wali salib na!" ⁴¹ Ghinnaghai kaina imam-imam kapala, pazamana ahli-ahli Taurata, monno ghidda tua-tua tedeka Yesu, patekkida ghidda, ⁴² "Nia napasalamatazi ata wadde, Takka Nia dana bisaki pasalamata douwe tou dou-Na. Niaka Nia dona Raja Israella, gaikuni Nia kana burru wali sali na nemeghinna monno ghitto ba waige barra-Na. ⁴³ Nia nawaini Mori, baka gaikuni Mori kana pasalamataza-Nia nemeghinna, niaka Mori nabeini-Nia. Orona Nia douna natekkiwe, 'Zauwa dona Anai Mori."' ⁴⁴ Ghidda penjahatta pasalibda pazama dangngani Nia kaina tedekaza-Nia. Matena Yesu ⁴⁵ Nemeghinna, wali jam kaennena, kapatta ngarakuage tanah ne, dukki jam kaiwwana. ⁴⁶ Kira-kira, ne jam kaiwwana, Yesu naberseru waige lii pawadde, patkeki-Na, "Eli, Eli lama sabakhtani?" ne artinawe, "Mori-Gu, Mori-Gu, appane Ghou bugaiga Zauwa?" ⁴⁷ Monno, pirra walina ghidda dede ne nee, netti ghidda rengngewe ne, ghidda paneghe, "Ata na neena kadangngani Elia." ⁴⁸ Tiba-tiba, iya wali ghidda malle, monno deke bunga karang, pebbeka waini anggura maghillura, monno ketteni ne barra iya ghullu, monno yanani barrai Yesukana enu. ⁴⁹ Ba ka, a loukana paneghe, "Mai kata eta, apakah Elia ba namai taguna banapasalamataza-Nia." ⁵⁰ Monno, Yesu berseru sadakka dommo waige lii pawadde monno yaza Roh-Na. ⁵¹ Monno, eta,tirai nee Baitta Mori mairra menjadi duada bagian, wali togona dukki ne kabu, monno tanah namakoddokawe, monno watu-watu mabakka. ⁵² Odi-odi maghukke, monno mangeda tou ata-ata suci a mate ba papakeddeda. ⁵³ Monno, nebaba louza wali odi-odina, nebanaba pakedde Yesu, ghidda tama ne kota suci monno paetage tou barra ata mangeda. ⁵⁴ Nemeghinna. kapala pasukanna, monno gidda pazama dangngani dagaza Yesu, ne ghidda baeta epu monno ngarakua hal a marawi ne, a madauta langngutakka monno paneghe, "Biawe, Nia dona Anai Mori!" ⁵⁵ Ne nee, ghaide mangeda maghinne a ete wali marro, a dekuni Yesu wali Galilea taghuna balayaniza Nia. ⁵⁶ Ne barra da ghidda ghaini Maria Magdalena, Maria innana Yakobusa monno Yusupa, lappata inna wali ana-ana Zebedeusa. Yesu Ataneni ⁵⁷ Na loddo mulai gedde, ammibani naata bunguna wali Arimatea ngarana Yusuppa, na nia kaidona murid bana Yesu. ⁵⁸ Nia nakako barrai Pilatusa monno dengngiwe touna Yesu. Bage, Pilatusa naparetazi gai touna Yesu kayawe barrai Yusupa. ⁵⁹ Monno, Yusupa nadekewe touna Yesu, monno nakaborowe waige kaba linen a ziringira, ⁶⁰ monno napabeikaza ne odi dana a baru, milika douna, ne nia pakoda bana ne bukit watu. Bage, Yusup naleilarani naiya watu kalada ne binna odi na monno nakako. ⁶¹ Monno, ne nee, ghaini Maria Magdalena monno Maria a eka neede madii ne aro odi na. Odina Yesu Adagaza ⁶² Ne loddo duttukana, niniado loddo persiapan taguna Poddu, imam-imam kapala monno ata-ata Farisi apakuadi ne arona Pilatusa. ⁶³ Ghidda paneghe, "Tuan, zamme lolowe bahwa na taguboto na engapona moripa, Nia pernah banapaneghe, 'Nebaba touda loddona, Zauwa ba kedde dommo.' ⁶⁴ Orona ne, paretazi gai odi na ka dagaza dukki loddo katoudana, kalau-kalau murid-murid-Na mungkin mai monno keduni-Nia, monno paneghe barrada ata mangeda, 'Nia nakedde ba wali barra ata mate.' Monno, paboto kadukkana neba louka paburukka walibarra a ullu." ⁶⁵ Pilatusa napaneghe barrada ghidda, "Yemmi ghaina tagumadaga. Kako, dagalolo peighaina ne yemmi papaddemi." ⁶⁶ Bage, ghidda kako monno kadiza odi na pazama dangngadi regu tagumadaga, lappata segela watu patodiwai odi.