Peristiwa Banakedde Yesu ¹ Nemeghinna, nebaba Poddu, saat menjelang fajara, ne loddo ulluna minggu ne, Maria Magdalena monno Maria a eka taguna ghidda baetaza odi. ² Monno, eta, keddeba epu tanah a kaladana orona malaikata Mori burru wali surga, mai monno dingngini na watu, badommo madii ne ponnuna. ³ Wajahna yongngu kabillaka monno kalabbina kakage yongngu saljuwe. ⁴ Orona rasa madauta barrana, ghidda dagawe ne makoddoka monno bania yongngu ata-ata mate. ⁵ Monno, malaikata patekki napaneghe barrada ghidda maghinne-maghinne, "Ammana pamadauta orona zauwa paddege ne yemmi bighewaza Yesu na pasalib bada. ⁶ Nia daikini ni nia orona Nia nakedde ba ghinnana patekki-Na. Mai, etawe paddouna Nia banabeika. ⁷ Ngattana kako monno tekkidawe murid-murid-Na bahwa Nia nakedde ba wali barra ata mate, monno eta, Nia naullumi nee Galilea. Ne nee, yemmi ba mietaza Nia. Mattarage, zauwa kutekki bawe barramu." ⁸ Monno, ghidda ngatta-ngattana gaini odi na waige madauta monno sukacita kalada; monn mallae taguna batekkidawe ghidda murid-murid-Na. ⁹ Monno, eta, Yesu natangazi ghidda mono napaneghe, 'Salam!" Bage, ghidda mai barrana Yesu, terrenani ghai-Na, monno kaghodoni-Nia. ¹⁰ Badommo, Yesu napaneghe barrada ghidda, " Ammana pamadauta; kako monno tekkidawe oledadi-oledadi-Gu gai kakako nee Galilea, monno ne nee,ghidda ba etga Zauwa." Ghidda Tagudaga Odi Abayardi taguna Bapaboto ¹¹ Tangngara kakoda ghidda, pirra tagumadaga kako nee kota monno padukkidawe imam-imam kapala taguna ngarakua hal a marawi ba. ¹² Monno, netti ghidda bapakua dabbadi ghidda tua-tua. Nebaba paperage, bage ghidda ya mangeda riti barrada ghidda penjaga ne, ¹³ monno paneghe, '"Tekkilolowe, 'Murid-murid Yesu mai ne bana geddege monno keduni-Nia saat zamma bamadura.' ¹⁴ Monno, niaka hal ne narengngewe na gubernur, zamme ba meyakinnya monno rawigu da cemassa." ¹⁵ Baka, ghidda deibazi ghidda riti monno rawige ghinnana ne papanungnga ba barrada ghidda; monno patekki ne engapoge tanabbara ne barra ata Yahudi dukki ne loddo. Amanat Agung Yesu ¹⁶ Badommo, kabullu duada murid kako nee Galilea, ne bukitta ne pabogho bana Yesu barrada ghidda. ¹⁷ Ne ghidda baetaza-Nia, ghidda kaghodoni-Nia. Ba ka, pirra ragu-ragu. ¹⁸ Bage, Yesu namai monno napaneghe barrada ghidda, "Ngarakua kuasa ya baga barra-Gu, ne surga maupun ne ponnutanah. ¹⁹ Orona ne, kakaololo monno panungngakaidi ngarakua bangsa, baptislolozi ghidda barra ngarana Ama. monno Ana, monno Roh Kudusa, ²⁰ panungngadi ghidda gai kapadeku ngarakuage ne Zauwa paparetagu barramu; monno etalolo. Zauwa slalu baku pazama dangngami, baka dukkiwe barra kadukka zamanna." [[ayt.co/Mat]]