Papangadda taguna Bapamate Yesu ¹ Natti Yesu bana ba ngarakuwe patekki-patekki neghe, Nia napaneghe barra murid-murid-Na, ² "Yemmi paddege bahwa duada loddo kianawe Paskah riaka, monno Ana Atapia ba yaza taguna basalibza," ³ Badommo, ghidda imam kapal monno tua-tua bangsa ne apakuadi pazamana ne Istana Imam Klada, a ngarana Kayafasa. ⁴ Monno, ghidda bersekongkolla taguna baghappaza Yesu waige boto daya monno pamateza-Nia. ⁵ Ba ka ghidda paneghe, " Ammana selama barame gai ka dai kana kerusuhanna ne barra ata mangeda." Yesu Aurapiza nagha Iyaata Maghinne ⁶ Nemeghinna, natti Yesu baneeni Betania, ne ummai Simon si kusta, ⁷ nata maghinne mai barra-Na monno iya gozi pualam kii paina minyak bouzirita a boto tetakka wellina, monno maghinne na naburriwe ponnukatowana Yesu netti Nia neena madii ngaa. ⁸ Na murid-murid etaza, ghidda bani monno paneghe, "Appane pemborosanna neghe? ⁹ Sebab, minyak bouzirrita ne ka battage taghuna welli a boto monno yazi barrada a dengo." ¹⁰ Takka, Yesu, paddege hal ne, paneghe barrada ghidda, "Appane yemmi bipasusahza na maghinne na? Sebab, nia narawige pata dua atas-Gu. ¹¹ Sebab, yemmi slalu ghiana ata-ata dengo pazamadangngamu, takka yemmi ba di slaluki baghaiga Zauwa. ¹² Na maghinne na bana murri minya bouzirrita ne tou-Gu, nia narawige taguna banasiapni odi-Gu,. ¹³ Zauwa kutekkiwe ghinnana barramu bahwa ge ninia kidoge Injila ne bapadukkige ne ngara ponnutanah, appane parawina na maghinne na ba tekki kaiza bania palolo ba nia." Papangadda taguna Mengkhianati Yesu ¹⁴ Badommo, iya wali kabullu duada murid, a ngarana Yudasa Iskariota, kako barra imam-imam kapala, ¹⁵ monno paneghe, "ayaemmi ba yaga zauwa appa niaka zauwa kuyaza Nia barramu?" Monno, ghidda engataidadi touda kabullu kapipbika perak taguna. ¹⁶ Monno, sejak ne, nia naghewa kesempatan dua taguna bayaza Yesu. Hidangan Paskah ¹⁷ Nemeghinna, ne loddo ulluna Kababa da Beragi, ghidda muridta mai barrai Yesu monno matua, "Ge niniagu Ghou beige zamme siapna pangaa Paskah tagu-Mu?" ¹⁸ Yesu nawalewe, "Tamalolo ne kota, barra naiyaata, monno tekkiwe barra-Na, 'Guru natekkiwe, 'Rapa-Gu natukku bawe. Zauwa ba kurayakange Paskah ne ummamu pazamadangngadi murid-murid-Gu.""" ¹⁹ Ghidda murid rawige ghinnana Yesu papanau bana barrada ghidda, monno siapge ne Paskah ne. ²⁰ Nemeghinna, ne bana zagaba gedde, Yesu madii ngaa dangngade kabullu duada murid. ²¹ Monno, neba neede ngaa, Nia napaneghe, "Zauwa kutekkiwe a ghinnatakkana barramu bahwa salah satu wali iya ba mengkhianatiga Zauwa." ²² Ghidda milla langngutakka monno masing-masing ata zaga paneghe barra-Na, "Pastinawe, inda zauwaki, Mori?" ²³ Monno, Nia nawalewe, "Nia, a lobburani limmana ne koba dana pazama-zamaga Zauwa, niadona khianatuga Zauwa. ²⁴ Ana Atapia nakako ghinnana a matulisa taguna Nia. Takka, nacelakah na ata, a olehna Ana Atapia akhianatiza! Ba na louka padua dommo taguna na ata niaka nia dana pernahki bapadadini." ²⁵ Badommo Yudasa, ne ba yaza Yesu, napaneghe barra-Na, "Pasti inda zauwaki Rabi?" Yesu napaneghe barrana, "Ghou mutekki banawe." Papalolo ba Tou monno Raa Krittu ²⁶ Neba neede ngaa, Yesu nadeke kababa,. nebana ba pamaringngizi, Yesu napibbi-pibbi monno nayawe barrada ghidda murid lappata paneghe, "Dekelolo monno ngaalolo, neghe niabawe tou-Gu." ²⁷ Badommo, Nia nadeke cawan, natekkiwe syukura, monno nayawe barrada ghidda, ghinnage-Nia, "Yemmi ngarakua, enulolo wali barrana. ²⁸ Sebab, neghe niabawe raa-Gu, raa perjanjian, ne palegada tagu ata mangeda taghuna baopizi zalah-zalah. ²⁹ Zauwa kutekkiwe barramu bahwa Zauwa ba daku enubage hasila ghazu anggura na, wali nemeghinna dukkiwe loddo ne, nee Zauwa baku enu anggura baru pazamami yemmi ne kerajaanna Ama-Gu." ³⁰ Nebaba padodoni iya dodo, ghidda kako nee bukit Zaitun. Petru ba namenyanglani Yesu ³¹ Badomo, Yesu napaneghe barrada murid-murid-Na, "Yemmi ngarakua ba katunnura orona Zauwa gedde neghe. Orona ghaige matulisa, 'Zauwa ba kupaluzi gembala, monno bebe-bebe wali kawanan ne ba pegha-pegha'. Zakharia 13:7 ³² Ba ka, nebaku ba pakedde, Zauwa ba ullumi yemmi ne Galiea." ³³ Petrusa napaneghe, "Lakkakupu ngarakua katunnura oro-Mu, zauwa ba daku pernahki katunnura." ³⁴ Ghinnage Yesu barrana, "Zauwa kutekkiwe ghinnatakkana barramu bahwa ne gedde ne, ba da kukupo manu, ghou mumenyangkalaga Zauwa patouda ghuddana." ³⁵ Petrusa napaneghe barra-Na, "Lakkakupu zauwa kumate pazamadangnga-Gu, zauwa ba daku menyangkalaki-Gu!" Ngarakua murid a eka kaina tekkiwe hal a zama. Yesu Natabaya ne Getsemani ³⁶ Badommo Yesu nariaka pazamadangngadi murid-murid-Na ne paddou a ngarana Getsemani monno Nia napaneghe barrada murid-murid-Na, "Madii ni nia, tangngara Zauwa ne nee taguna tabaya." ³⁷ Monno, Nia nangindiza Petrusa monno duada anai Zebedeusa pazamadangngai-Nia, monno Nia nazaga banaberduka monno bersusah ate. ³⁸ Badommo, Nia napaneghe barrada ghidda, "Ate-Gu namilli waliatewe, baka yongngu mau mate rasanawe. Dangngi ni nia monno engaengami madaga-daga pazamadangnga-Ga." ³⁹ Monno, Nia namarro yodi, bage nakaghodo dangngage wajah-Na todowe tanah monno tabaya, ghinnage-Nia, "Ama-Gu, bana mungkinkowe, gaikoge cawan ne berlaluwe wali-Gu. Ba ka,ammana ghinnana ne Zauwa pabeigu, melainkan ghinnana pabei-Mu." ⁴⁰ Badommo, Nia namai barrada murd-murid-Na monno nakoledi ghidda neede dura. Bage, Nia napaneghe barrana Petrusa, " Niaka, yemmi disanggupki madaga-daga pazamadangngaga Zauwa selama iya jam? ⁴¹ Madaga-daga onno tabayalolo gai ka di warraka kana ne ba nungngami. Roh memang napadeku takka kanaa dakkewe." ⁴² Yesu nakako dommo taguna paduda ghuddana monno tabaya, ghinnage-Nia. "Ama-Gu. niaka neghe dana berlaluke wattena Zauwa enuge, pabeidu-Muwe ba a marawi." ⁴³ Sadakka dommo, Nia namai monno dukkidi ghidda badura orona matada ghidda boto tetakka. ⁴⁴ Baka, Nia nagaidi ghidda, monno Nia nakako dommo, bage natabaya taguna patouda ghuddana, tekkiwe syukura patekki-patekki a zama. ⁴⁵ Badommo Yesu nabali barrada murid-murid-Na monno paneghe, "Duralolo nemaghinna monno beristirahatalolo. Eta, rapana makin tukkuwe monno Ana Atapia yaza ne limma ata-ata zalah. ⁴⁶ Keddelolo, maida kata kako. Eta, ata yaga Zauwa natukke ba." Ghappabaza Yesu ⁴⁷ Tangngara neepona Yesu paneghe, Yudasa, iya wali kabullu duada murid namai. Pazama-zama dangngani nia, pakua kaladana mangeda ata waina teko monno pentungnga, wali imam-imam kapala monno tua-tua bangsa na. ⁴⁸ Nemeghinna, nia yaza Yesu nayadi ghidda tada, ghinnage, "Garraina padekkigu, niabana Nia, ghappaza Nia," ⁴⁹ Yudas na tukku ne barrana Yesu monno napaneghe, "Salam, Rabi!" Monno, Yudasa nadekkiza-Nia. ⁵⁰ Yesu napaneghe barrana, "Ole, rawilologe maksudnawe bumai." Badommo ata mangeda na tukke, taini limma barrana Yesu, monno ghappaza-Nia. ⁵¹ Monno, eta, iya wali ggidda ngarana Yesu nalotazi limmana, natongnguwe tekona, monno serangngaza imam kalada na, monno kerrinani katilluna. ⁵² Badommo, Yesu napaneghe barrana, "'Pabalige tekomu paddounawe, orona ngarakua waina teko ba binasa oro teko. ⁵³ Atau, yemmi pangaddage zauwa daku tarraki dengngi barra Ama-Gu, monno Nia, nemeghinna kaina, bana ya louka kabullu duada pasukan malaikata tagu-Gu? ⁵⁴ Takka, peighainawe badommo harusa marawiwe ghinnana? ⁵⁵ Ne rapa ne, Yesu napaneghe barrada ata mangeda ne, "Appane yongngu lawana perampkka yemmi louza waina teko monno pentungnga taguna ghappaga Zauwa? Ngara loddo, Zauwa madii panungngana ne Baitta Mori monno yemmi di ghappakiga Zauwa. ⁵⁶ Ba ka, ngarakua ne namarawiwe gai zurata-zuratada ghidda nabi kanabiawe." Badommo, ngarakua murid a gaini-Nia monno malle wekkina. Ghidda Kapala Yahudi Menghakimi Yesu ⁵⁷ Ghidda ghappaza Yesu ngindiza-Nia barrai Kayafasa, sang Imam Kalada, paddouda ghidda ahli-ahli Taurata ghidda tua-tua pakua dabbana. ⁵⁸ Bage, Petrusa nadekuni Yesu wali marrona dukki ne aro ummana imam kalada. Monno, Petrusa natama, madii dangngadi ghidda pengawala taguna bana eta banapabage. ⁵⁹ Nemeghinna, ghidda imam kapala monno ngarakua Sanhedrin ghewa kesaksian palsu arona Yesu gai kahukum mate Nia. ⁶⁰ Ba ka, ghidda da kolekini batobbokaza lakkaupu mangeda saksi boto a mai. Badommo, ghaide duada ata ouda, ⁶¹ monno paneghe, "Ata nagha napaneghe, 'Zauwa kutarra baku nunggarage Baitta Mori monno pakedde baliwe ne touda loddona,"' ⁶² Badommo, Imam Kalada dede monno paneghe barrai Yesu, "Appane Ghou daiki pa walewai? Appa na ata-ata na pasaksikanna barra-Mu?" ⁶³ Takka, Yesu engana kadanna. Monno, Imam Kalada na napaneghe barrai Yesu, "Zauwa kuaura-Gu demi Mori a moripa gai Ghou kutekkiwe barrama zamme, apakah ne Ghou Mesiasa, Anai Mori?" ⁶⁴ Yesu napaneghe barra-Na, "Yemmi mitekki dou baBawe. Ba ka, Zauwa kutekkiwe barramu bahwa mulai wali nemeghinna yammi ba eta Ana Atapia madii ne bali kawana A Mahakuasa, monno mai ne ponnu karoba-karoba ne langitadeta." ⁶⁵ Badommo, Imam Kalada irrawe kalabbina monno paneghe, "Nia na hujat ba! Appa dommo paperluda ghidda saksi? Eta, nemeghina rengnge bawe hujattana-Nia. ⁶⁶ Peighaina papangaddami?" Ghidda kapala Yahudi na walewe, 'Nia pantasa bahukumni mate." ⁶⁷ Badommo, ghidda paniina mata-Na monno tukkuza-Nia. Monmo,a eka pakaparrakani-Nia. ⁶⁸ Ghidda paneghe, "Bernuatalolo barrama zamme, ta Mesiasa; garrani a palughu Ghou?" Petrusa dana akukiza Yesu ⁶⁹ Nemeghinna, Petrusa madii ne gounga halaman monno naata pelayan maghinne mai barrana mono paneghe, "Ghou kaina pazama dangngani Yesu, ata Galilea na,." ⁷⁰ Takka, Petrusa menyangkalani ne aroda ghidda ngarakua, ghinnage, "Zauwa daku paddekige appa ne yammi patekkimi." ⁷¹ Na Petrusa bana louzage ne binna gerbang, pelayan maghinne a ekana eta nia monno paneghe barrada ata-ata a ghaina ne nee, "Atana napazama-zama dangngani Yesu wali Nazareta ne." ⁷² Monno, sadakka dommo Petrusa menyangkala waige aura, "Zauwa daku paddekini Ata na." ⁷³ Dana madoi dommokiwe, ata-ata a dede na nanna tukkeni Petrusa monno paneghe, "Pasti yemmi kaina niadona salah satu wali ghidda orona logatamu parawimo jelassa." ⁷⁴ Badommo, Petrusa mulaia bana mengutukka monno aura, ghinnage, "Zauwa daku paddekini na Ata na." ⁷⁵ Monno, inda piddakuna, manu maghailo nakuku, yemmi ba menyangkalaga Zauwa patouda ghuddana." Badommo, Petrusa louza monnongio waige bana milla waliate.