Gadis a Kabika monno Bijaksana ¹ "Badommo, Kerajaanna Surga ba patudda dangngage kabullu gadisa a ngindi pelita-pelitana monno kako taguna ba tobboka mempelai kabani-kabani. ² Limma ne barrada ghidda niaduze kabika, monno limma a eka niaduze bijaksana. ³ Natti a kabika nangindizi pelita-pelitana, ghidda da ngindiki minyak pazamana. ⁴ Takka, a bijaksana nangindi minyak ne guci dana kikina pazama dangngadi pelitada ghidda. ⁵ Nemeghinna, natti mempelai kabani-kabani na natundawe banamainia, ghidda ngarakua kangadduka monno dura. ⁶ Takka, ne tillu gedde ghaige kabuara, 'Mempelai kabani-kabani mai! Louzalolo taguna maraggazi!" ⁷ Badommo, ngaraku ghidda gadisa kedde monno parammizi pelita-pelitada ghidda. ⁸ Monno, a kabika napaneghe barrada bijakasana, 'Yalolo barrama yodi minyakmu orona pelita-pelitama zamme tippa baddana.' ⁹ Ba ka, a bijaksana nawalewe, Indaki, ba dana tutukiwe taguma zamme monno yemmi. Louka padua, kakololo barrada battana minyak monno ghoilolo taguna tou doumu.' ¹⁰ Tangngara kakoda ghidda taguna bamaghoi, mempelai kaban-=kabani na mai, monno ghidda siappa, tama pazama-zama dangngani nia ne perjamuan kawin, monno binna todiwe. ¹¹ Nebaba ne, ammi kaina gadis-gadis a ekana monno paneghe, 'Tuan, tuan! Ghukkewe raguma zamme.' ¹² Ba ka, nia walewe, 'Ghinnatakkana, zauwa kutekkiwe barramu, zauwa daku paddekidu.' ¹³ Oleh orona ne, madaga-daga orona yemmi di paddekige loddo atau rapana," Tudda taguna Touda Pelayanna ¹⁴ "Sebab, Kerajaan Surga yongngu naata ba a kako nee luar negeri, a kadangngadi hamba-hambana monno yazi milikana barrada ghidda. ¹⁵ Barra na naata, nia naya limma talenta. Barra a ekana, duada talenta, monno barra a ekana dommo, iya talenta. Masing-masing sesuai pamampuna. Badommo, nia kako. ¹⁶ ata a deiba limma talenta ne langsung kako, monno pakakozi talenta ne, monno nia nahasilana limma talenta dommo. ¹⁷ Ginnaghai kain ata a deibe limma talenta, nia nahasilana duada talenta dommo,. ¹⁸ Ba ka, ata a deiba iya talenta na kako, nakoda madale ne tanah, monno naurridi ritina tuanna. ¹⁹ Madoi baba ne, tuan wali hamba-hamba na mai monno adakange perhitungan dangngadi ghidda. ²⁰ Ata a deiba ba limma talenta ne aro monno ngindi limma talenta dommo, ghinnage, 'Tuan, ghou muyaga limma talenta barragu. Etawe, zauwa kuhasilana limma talenta dommo.' ²¹ Tuanna napaneghe barrana, 'Dua takka, hamba a dua monno setia. Yemmi padeku dangngage hal-hal kiina, zauwa ba kukeketaghu ghou atas mangeda hal, tamalolo ne sukacitana tuanmu.' ²² Monno, ata deiba duada talenta kaina naaro monno napaneghe, 'Tuan, ghou yaze duada talenta barragu, Eta, zauwa kuhasila bana duada talenta dommo.' ²³ Tuanna nawalewe, 'Dua takka, hamba dua monno padeku. Yemmi padeku dangngage hal-hal- kiina, zauwa kukeketaghu ghou atas mangeda hal, tamaghu ne sukacitana tuanmu.' ²⁴ Badommo, ata a deiba iya talentakaina naaro monno napaneghe, 'Tuan, zauwa kupaddege bahwa ghou ata kejamma, menuai ne paddou ne ghou da menabura, monno pakuana ne paddou ne ghou dappa zabbarana winni. ²⁵ Orona ne, zauwa madauta, mono kako monno urridi talentamu ne tanah dana, Eta, ghou milikana baappa ne baniawe milikamu.' ²⁶ Takka, tuanna nawalewe monno napaneghe barrana, 'Yemmi hamba a bokala monno gubbe! Yemmi paddege bahwa menuai ne paddou ne zauwa dappa menabura monno pakuana ne paddou ne zauwa zabbarana winni. ²⁷ Orona ne, seharusnawe yemmi baddalazi ritigu ne bank monno netti zauwa baku bali, zauwa ba kudeibazi milikagu abali monno bungana. ²⁸ Dekelolo iya na walina monno yazi barrana nia, a ghaina kabullu talenta na. ²⁹ Sebab, ngara ata a ghaina ba ya dommoni, monno nia ba nabunguna. Ba ka, wali ata a da ghaina, baka appa ne nia ghaini ba deke. ³⁰ Kapettini hamba dai gunana na nee kapatta dana a paling pekat. Ne padou ne ba ghai ngio monno pakatidi ngundu."' Penghakiman oleh Ana Atapia ³¹ "Natti Ana Atapia mai ne kemuliaanna dana-Na, monno ghidda malaikata pazamadangngani-Nia, bage Nia ba namadii ne takhta kemuliaan-Na. ³² Ngarakua bangsa ba pakuadi ne aro-Na, monno Nia ba natighazi ghidda iya wali a eka, yongngu gembala a tighazi bebe wali ghibbi-ghibbi. ³³ Monno, Nia ba nataidi bebe-bebe ne bali kawana-Na, mono ghibbi-ghibbi ne bali ghello. ³⁴ Badommo Raja ba napaneghe barrada ghidda a neena bali kawana-Na, 'Mailolo, yemmi ne pamaringngina ole Ama-Gu. warisige Kerajaan ne pasiapna tagumu wali ullupona ponnutanah. ³⁵ Orona ne Zauwa kareba, yemmi yaga Zauwa ngaa. Zauwa marou yemmi yaga Zauwa enu. Zauwa ata eka, monno yemmi boghoga Zauwa tama. ³⁶ Zauwa kukagola monn yemmi opatauga Zauwa kalabbi. Zauwa kukarodduka monno yemmi paddega Zauwa. Zauwa patamaga golludana monno yemmi mai Barr-Gu.' ³⁷ Bage, ata-ata dua na ba nawale-Nia, 'Mori, pirra zamme etau Ghou kareba mono yagu-Ghou ngaa, atau marou monno yagi-Ghou enu? ³⁸ Pirra zamme etau Ghou naata eka monno boghogu Ghou tama, atau kagola monno pataugu Ghou kalabbi? ³⁹ Pirrage zamme etau Ghou karodduka atau nee golludana monno zamme mai barra-Mu?' ⁴⁰ Raja na ba nawalewe, 'Zauwa kutekkiwe a ghinnana barramu, peighainawe yemmi birawige barra iya wali oledadi-oledadi-Gu a paling kiina na, yemmi rawige tagu-Gu.' ⁴¹ Badommo, Nia ba napaneghe kaina barrada ghidda a neena bali ghello-Na, 'Kakomi wali aru-Gu, yemmi a terkutukka, nee apa dana pasiap bada taguna kabailikka monno malaikata-malaikatana. ⁴² Sebab, Zauwa kukareba monno yemmi diyaki-Ga ngaa. Zauwa marou monno yemmi diyaki-Ga enu. ⁴³ Zauwa ata eka monno yemmi diboghoki-Ga tama; kagola monno yemmi di patauki-Ga Zauwa kalabbi; karodduka monno ne golludana, monno yemmi di paddekiga Zauwa.' ⁴⁴ Badommo, ghidda kaina ba walewe, 'Mori, pirrage zamme etau Ghou kareba atau marou, atau naata eka, atau karodduka, atau kagola, atau ne golludana, monno dappa yaki-Gu?' ⁴⁵ Badommo, Nia ba nawalezi ghidda, "Zauwa kutekkiwe ghinnana barramu, peighaina yemmi di rawikina aro iya wali ghidda a paling kiina ne, yemmi dirawikige barra-Gu.' ⁴⁶ Monno, ghidda neghe ba kako ne dana penghukuman kekalla, takka ata-ata dua ne dana moripa kekalla."