KHOTBAHNA YESU TAGUNA AKHIR ZAMANNA Baitta Mori ba Nunggarage ¹ Yesu nalouza wali Baitta Mori bage kako ketika ghidda murid-Na mai taguna boghoge bangunan-bangunan Baitta Mori barra-Na. ² Monno, Nia namatua barrada ghidda, "Di etakiwe yemmi ngarakua hal neghe? Zauwa kutekkiwe ghinnatakkana barramu bahwa dai pongnguki iya watu ni nia ba pagaida ghai ne ponnu watu a eka, ne ba dappa nunggara." Wali[ona Banasusahwe ³ Monno, na Yesu bana madii ne ponnuna bukit Zaitun, murid-murid mai barra-Na waige kanua monno paneghe, "Tekkilolowe barrama zamme , pirrage hal-hal ne namarawiwe monno appako ne ba bania tada mai-Mu monno kadukka zaman ne?" ⁴ Yesu nawalezi ghidda. "Mattarage gai ka dai kana ata a pasesattami yemmi. ⁵ Sebab, mangeda ba a mai waige ngara-Gu monno paneghe,' Zawa dona Krittu,' monno ghidda ba pasesattazi mangeda ata. ⁶ Yemmi ba rengngewe patauna monno kabar-kabar tagu patauna. Mattarage gai yemmi ka dimadautakana orona hal-hal ne harusa marawi, takka ne inda kesudahan kiponawe. ⁷ Sebab, bangsa ba nakedde lawani bangsa, monno kerajaan ba lawani kerajaan, monno ne iya paddou ba ghaige kareba monno gempa bumi. ⁸ Ngarakua hal neghe niadowe awal walina penderitaanna karodduka padadina. ⁹ Badommo, ghidda ba yami yemmi barra penganiayaan, monno ba pamatemi, monno yemmi ba buttumi oleh ngarakua bangsa orona ngara-Gu. ¹⁰ Ne rapa ne, mangeda ba katunnura, monno paya wekkina, monno buttuni iya zama eka. ¹¹ Mangeda nabi palsu ba ouda monno pasesatzi mangeda ata. ¹² Sebab, palanggara semakin bana matabowe, manawwara mangeda ata ba niawe maringngina. ¹³ Ba ka, ata bertahan dukki akhir ba pasalamataza. ¹⁴ Monno, Injila Kerajaan ne ba apadukkige ne ngarakua ponnutanah bania kesaksian tagu ngarakua bangsa, monno ba dommo kesudahanna ba mai. Penderitaan Kalada monno Krittu-Krittu Palsu ¹⁵ " Niaka, ne yemmi mieta pembinasa keji, ghinnana patekkina Nabi Daniel, dede ne paddou bia, hendaklah ghidda tagubaca kaoahamwe, ¹⁶ baka ghidda ghaina ne Yudea harusa ba malle wekkina ne kaladdakadetana. ¹⁷ Garrane neena ne togo umma, ammalolona nia paburru taguna banadeke appa pongngukowe wali dana ummana. ¹⁸ Garrani ghaina ne omadana, ammana pabali taguna banadekewe jubahna. ¹⁹ Takka, cekalah ghidda tangngara patia monno ghidda a nenena pazuzu bayina ne loddo-loddo ne. ²⁰ Tabayalolo gai nepazagamu ammana ne musim magheggela atau ne loddo Poddu. ²¹ Orona badommo ba marawi masa penderitaan kalada, yongngu a da pernahpo marawi sejak ghettipona ponnutanah dukki nemeghinna, monno ba dana pernahke marawi dommowe.. ²² Monno, niaka loddo-loddo ne dappa katoddukowe, dai baki moripa nepasalamata. Takka, demi ghidda nepapede, loddo-loddo ne pakatodduwe. ²³ Badommo, niaka naata napaneghe barramu, 'Eta, Krittu ghai ni nia,' atau 'Nia ghai ne nee,' ammana pawaige barrana. ²⁴ Sebab, krittu-krittu palsu monno nabi-nabi palsu ba ouda monno ba rawina tada-tada a kaladana monno mukjizat-mukjizat lappata menyesatkan, niaka mungkin, baka ghidda papede. ²⁵ Mattarage, Zauwa kutekkiwe barramu ghettipona. ²⁶ Jadi, niaka ghidda paneghe barramu, 'Eta, Nia ghaini ne maradda kikappa dana,' ammana pakako ne nee, atau 'Eta, Nia ghaini ne korodana ne,' ammana pawaige. ²⁷ Sebab, zama yongngu kawiddaka a tanabbara wali timura monno mangewala dukki ne barata, ghinna kaido banamai Ana Atapia ba namarawiwe. ²⁸ Ne paddou a ghaina mate, na nanna keila nasara ba pakuana." Banamai Ana Atapia ²⁹ "Segera, nebaba ne masa penderitaanna ne, 'Mataloddo ba rawini banakapattana, monno ghulla ba dana yakiwe mangewalana, Madubbu-madubbu ba warraka wali langitadeta, monno kuasa-kuasa ne langitadeta ba kuddakage.' Yesaya 13:10; 34:4 ³⁰ Bage, tada Ana Atapia ba naouda ne langitadeta monno kabzizzu-kabizzu ne ponnutanah ba meratap. Ghidda ba eta Ana Atapia nee karoba-karoba ne langitadeta, waige kuasa monno kemuliaanna a kaladana. ³¹ Monno, Nia ba napatukadi malaikata-malaikata-Na waige lii kapika a papawadde, monno ghidda ba pakuadi umatta papade-Na walina apata penjuru ponnutanah, walina ujung langita a iya nee ujungna a eka. ³² Nemeghinna, pazarrana tudda wali ghazu ara na karaana ba lembutta monno roo-roona dadi, yemmi mipadde bage bahwa musim bangata tukke bawe. ³³ Ghinna kaina ne yemmi bieta ngarakua hal neghe, yemmi mipaddege bahwa Nia natukke bana, ne ambang binna. ³⁴ Ghinnatakkana, Zauwa kutekkiwe barramu bahwa generasi neghe, ba da berlaluki dukki ngarakuawe hal neghe marawiwe. ³⁵ Langita monno tanah ba natadobbulage, takka firman-firman-Gu ba da tadobbolakina." Rapa Mainawe Ana Atapia ³⁶ "Ba ka, taguna loddo monno rapana, dai pongngu iya a paddege, malaikata-malaikata ne surga kaina indaki, Sang Ana kaina indaki, takka Sang Aba kidona. ³⁷ Zama ghinnana marawi ne zamanna Nuh, ghinna kaina banamai Ana Atapia ba namarawiwe. ³⁸ Sebab, ghinnana ne loddo-loddo ba daipoge wee bonnu, ghidda ngaa monno enu, menikah monno panikahzi, dukki ne loddona Nuh natama nee tenadana. ³⁹ Monno, ghidda da pahamkiwe dukki wee bonnu namaiwe monno patadobbuladi ghidd ngarakua; ghinnaghai kaidona banamai Ana Atapia bana marawiwe. ⁴⁰ Badommo, ba ghai duada ata ne omadana; na iya ba dekeza monno na iya ba gaini. ⁴¹ Duada maghinne ba magholeta ne barra watu kilangnganna, na iya ba dekeza monno na iya ba gaini. ⁴² Orona ne, madaga-dagalolo orona yemmi di paddege ne loddo appawe Morimu ba namai. ⁴³ Takka, kipaddege neghe bahwa tuan umma napadde bage bapirra, ne rapa gedde, na kedu ba namai, nia ba namadaga monno ba da gaikige ummana baluddage. ⁴⁴ Oleh orona ne, yemmi kaina harusa siap sedia orona Ana Atapia banamai ne rapa ne yemmi da dugawe. Hamba a Padeku monno Hamba a Bokala ⁴⁵ "Bage, garrani hamba a padeku monno bijaksana, ne tuanna pakeketana ponnu ngarakua ummana taguna banayadi ghidda pangaa ne rapa a tepatta? ⁴⁶ Apamaringngiza hamba na, na ketika tuanna mai, tuanna nakoleni nia neena paghilli demikian rupa. ⁴⁷ Ghinnatakkana,Zauwa kutekkiwe barramu bahwa tuan ba nakeketa hambana nepatekki atas ngarakua milikana. ⁴⁸ Takka, niaka na hamba bokala napaneghewe ate danana, 'Tuan natundawe banamai,' ⁴⁹ bage nia nazaga bana paluzi hamba-hamba a eka, bage ngaa lappata enu pazama dangngadi a mabukka; ⁵⁰ tuan wali na hamba ba namai ne loddo ketika nia dana harapkiwe monno ne rapa nia dappa paddena, ⁵¹ monno ba nakerriza, monno nataini nia pazama-zamadi ata-ata munafikka. Ne paddou ne, ba ghai ngio monno pakatidi ngundu.