Yesu Mengecam Kapala Agama ¹ Badommo, Yesu napaneghe barrada ata mangeda monno murid-murid-Na, ² Ghidda ahli Taurata monno ata-ata Farisi madii ne ponnu kursina Musa. ³ Oleh orona ne, ngarakua hal, mangeda ne ghidda patekkida barramu, rawige monno mattaralologe. Ba ka, ammana naparawige ngindi-ngindina orona ghidda baptekkiwe, takka da rawikige. ⁴ Ghidda kettege beban-beban a boto ne ponnu lakoda ata eka. Ba ka, ghidda dou da nauki papa dikkini waidi limmada ghidda. ⁵ Ghidda rawi ngarakuage ngindida ghidda gai kaetazi ata. Ghidda pamalouge kalerre-kalerre tabayada monno pakaladage rumbai-rumbai uppu jubahda ghidda. ⁶ Ghidda beige paddou papaaka perjamuan dana, paddou madii aro ummatabaya-ummatabata dana, ⁷ salam papaaka ne paddou-paddou umumma, monno tekkizi Rabi ghidda ata-ata. ⁸ Ba ka, yemmi ammana patekkimi rabi orona niakido iya Gurumu, monno yemmi ngarakua paoledadina. ⁹ Ammana patekki lakka garrani bania amamu ne ponnutanah orona iya kidona Amamu, niniadona Nia a neena surga. ¹⁰ Amma dommo kaina yemmi batekkimi kapala orona iya kidona Kapalami, niadona Krittu. ¹¹ Takka, a kalana ne barrami yemmi, hendak nia bania pelayanmu. ¹² Garrakuni a pamadetage touna ba paradekaza monno garrakuni parekawe touna ba pamadetani. ¹³ Cekalah yemmi, ahli-ahli Taurata monno ata-ata Farisi, ata-ata munafikka! Yemmi todi binna Kerajaan Surga ne aro ata orona yemmi douna di tamakige monno kaina da pillikizi ghidda a neena tama taguna batamage. ¹⁴ Cekalah yemmi, ta ahli-ahli Taurata mono ata-ata Farisi, ata-ata munafikka! Yemmi melahap ummada ghidda janda monno taguna pura-purami yemmi bipadua tabay-tabaya a malou. Orona ne, yemmi ba mideiba hukuman a louka paboto. ¹⁵ Celakalah yemmi, ta ahli-ahli Taurata mono ata-ata Farisi, ata-ata munafikka! Yemmi menjelajahi bonnu monno tanahmarah taguna bingindiza naata tama nee agama danamu. Mono, ne nia ba bania salah satuna, yemmi mijadini ana neraka, dua kali lipatta walibarra yemmi douna. ¹⁶ Celakalah yemmi, ta kapala kaburra, a paneghe, 'Garrani a aura demi Baitta Mori, hal ne daiki artinawe. Ba ka, garrakuni a aura demi amma Baitta Mori, nia namakette oro aurana ne.' ¹⁷ Yemmi, a kabika monno a kaburra! Gi niniage a kaladana, amma atau Baitta Mori a kuduskadi ghidda amma? ¹⁸ Mono, 'Garrani a aura demi altara, aura ne daiki artina. Ba ka, garrani aura demi persembahanna ne ponnu altara ne, nia namakette oleh aurana ne.' ¹⁹ Ta yemmi ata-ata kaburra! Ge niniage akaladana, persembahanna atau altara ane pakuduskanda persembahanna ne? ²⁰ Orona ne, garrani a aura demi altara, aura demi altara monno ngarakua a ghaina ne ponnuna. ²¹ Monno, garrakuni aura demi Baitta Mori, aura demu Baitta Mori monno demi Nia a kadanna ne danana. ²² Monno, garrakuni aura demi surga, aura demi takhta Mori, monno demi Nia madii ponnuna. ²³ Celakalah yemmi, ta ahli-ahli Taurata mono ata-ata Farisi, ata-ata minafikka! Yemmi yawe persepuluhannamu wali selasih, adas magollo, monno jintan, takka tauda bage hal-hal a louka paboto wali Hukum Taurata, niado keadilanna, pama nawwara, monno atewai. Hal-hal niaba a seharusnawe ba yemmi rawige tanpa bataudage hal-hal a eka. ²⁴ Yemmi kapala-kapal kaburra, a saringngana kaninnika monno kabollo seekor unta! ²⁵ Celakalah yemmi, ahli-ahli Taurata monno ata-ata Farisi, ata-ata munafikka! Sebab, yemmi mipazingira taguna gounga koba onno angngamu, takka taguna dana nabonnuge rampasan monno keserakahan. ²⁶ Yemmi, ata-ata Farisi a kaburra! Pazingira ullu belliwe taguna dana koba monno angnga, baka taguna goungana kaina bisa bania zingira. ²⁷ Celakalah yemmi, ahli-ahli Taurata monno ata-ata Farisi, ata-ata munafikka! Sebab, yemmi zama ghinnana odi ne patauda cet kaka, ne taguna danana napaeta manadage, takka taguna danana na bonnu waige ruwwi-ruwwi ata mate monno kenajisanna. ²⁸ Ghinna kaina yemmi, ne taguna gounga yemmi tampakka dua tagu atapia. Ba ka, ne taguna dana yemmi bonnona kemunafikanna monno bokala. ²⁹ Celakalah yemmi, ahli-ahli Taurata monno ata-ata Farisi, ata-ata munafikka! Sebab, yemmi pakedde odi-odida ghidda nabi monno pamanadadi nisan-nisan ata-ata saleh, ³⁰ monno paneghe, 'Niaka zamme bama moripa ne masa innikaweda waikama zamma, zamme ba dama dekeki tagu waidi ghidda dana raada ghidda nabi.' ³¹ Waige ghinnana, yemmi bersaksi tagu tou doumu bahwa yemmi dona ana-anada ghidda a pamate ghidda nabi. ³² Niaka, tutubawe ukuranna ghidda innakaweda waikamu. ³³ Yemmi, nippe-nippe, keturunan nippe-nippe beludakka, peighaina yemmi ba pazilliwe tou wali hukumanna neraka? ³⁴ Orona ne, etawe, Zauwa kupatukadi nabi-nabi, ata-ata bijaksana, monno ahli-ahli Taurata barramu. pirra wali ghidda ba yemmi pamatezi monno salibzi, pirra ba yemmi paluzi ne ummatabaya-ummatabayamu, monno yemmi aniayaya wali kota ne kota, ³⁵ gai ngarakua raa ata-ata dua a legawe ne ponnutanaha ba mai barramu, mulai wali raai habela, ata a dua na, dukki barra raana Zakharia,anai Berekhya, ne yemmi papamatemi ne barra Baitta Mori monno altara. ³⁶ Ghinnatakkana, zauwa kutekkiwe barramu bahwa ngakua hal-hal neghe ba mai ponnu generasi neghe." Hukumanna tagu Yerusalemma ³⁷ "Oh Yerusalemma, Yerusalemma, a pamatezi ghidda nabi monnokabu waidi watu ghidda ne papatuka barrana. Beta seringnawe Zauwa beige pakuadi ana-anamu pazamana, yongngo induk manuza pakuadi ana-anana ne kabu kapana, takka yemmi di nauki. ³⁸ Etawe, ummamu gaige tagumu monno naka ringngiwe. ³⁹ Sebab, Zauwa kutekkiwe barramu bahwa mulai nemeghinna, yemmi di eta baga Zauwa dommo dukkiwe yemmi bipaneghe, 'Apamaringngiza Nia mai barra ngarai Mori."'