Tudda taguna Ata ne Paboghoda nee Rame Pernikahanna ¹ Yesu napaneghe dommo barrada ghidda barra tudda-tudda, ghinnage-Nia, ² "Kerajaanna Surga gai kapatuddage yongngu ata raja a rawina rame pernikahanna taguna ana kabani-kabanina. ³ Monno, nia napatukadi ata-atana gai kakadangngadi ata-ata nepa bogho bada nee rame ne, takka ghidda da nauki pamai. ⁴ Bage, raja napatuka dommodi ata-atana a eka, ghinnage, 'Tekkilolowe barra ata-ata nepabogho, Eta, zauwa kusiao bawe hidangangu. Lembu=lembu mane monno ranga-ranga borru ngarakuana nepa ropo ba, monno ngarakuana siap ba. Mailolo nee perjamuan kawin ne.' ⁵ Ba ka, ghidda taudage monno kako, na iya oma danana, na wadde nee usahana, ⁶ monno a ekana ghappa hamba-hamba raja na, sikkaza, monno pamatezi ghidda. ⁷ Baka, sangraja bani, monno napangindidi tentara-tentarana, kanapabinasazi tagupamate-tagupamate na, monno tunnu kotada ghidda. ⁸ Badommo, nia napaneghe barra ata-atana, 'Rame pernikahan na siap ba, takka ata-ata ghidda pabogho dalayakkaki. ⁹ Oleh oronawe ne, kakololo ne lara-lara kalada monno boghololode bapirra mangeda ata ne yemmi pajumpami ne rame pernikahan ne.' ¹⁰ Baka, hamba-hamba ne kako ne lara-lara monno pakuadi ngarakua ata ne ghidda patangada, a dua monno a bokala. Monno, paddou perkawinan ne a ponnuwe dangngage ghidda kulla. ¹¹ Ba ka, na raja natama taguna kana berketemu dangngadi ghidda kulluna, nia naeta naata ne nee, na da tau kalabbi taguna rame pernikahan. ¹² Nia napaneghe barrana, 'Oledadi, peighaimu ghou butama ne nia tanpa butau kalabbi taguna rame pernikahan?' Monno, ata na nakadanna. ¹³ Badommo raja na napaneghe barra hamba-hambana, 'Kettenadi limmana monno ghaina, monno kapettini nia nee kapatta dana a paling gounga. Ne nee, ba ghai ngio monno kizi ngundu.' ¹⁴ Sebab, mangeda pakadangngada, takka yodokidi papede." Usaha Kapala Yahudi taguna Bajebakka Yesu ¹⁵ Badommo, ata-ata Farisi kako monno palolo gai ghidda ka jerrataza Yesu waige patekki-Na. ¹⁶ Monno, ghidda patukadi murid-muridda ghidda barrai Yesu, pazama dangngadi ata-ata Herodianna. Ghidda paneghe, "Guru, zamme paddege bahwa Ghou jujura monno panungngage larana Mori barra kenenaranna. Ghou dama dauta barra garra punnu orona Ghou du etaki rupa. ¹⁷ Neba ghinnakowe, tekkilolowe papangadda-Mu barrama zamme. Appa pabennarawe taguna bayarana pajakka barra kaisara atau indaki?" ¹⁸ Ba ka, Yesu napaddeda bokalada ghidda monno paneghe, '' Appane yemmi nungngaga Zauwa, ta munafikka? ¹⁹ Boghoge barra-Gu riti taguna pajakka ne." Bage, ghidda yawe kapipbika dinara barra-Na. ²⁰ Monno, Nia napaneghe barrada ghidda, "Gambar monno tulisa garranadi ghidda?" ²¹ Gidda walewe, "Kaisara." Badommo, Yesu napaneghe barrada ghidda, " oleh orona ne, bayarage barrana kaisara hal-hal milikana Mori." ²² Ne banarengngewe, ghidda mangadda-ngaddala, monno gaini-Nia mono kako. Usaha Ata Saduki taguna Bajebbakka Yesu ²³ Ne loddo zama, ata-ata Saduki, a paneghe bahwa daikige bakedde, mai barrai Yesu monno matua barra-Na. ²⁴ Ghidda paneghe, "Guru, Musa napaneghe bahwa niaka naata kabani-kabani mate monno da ghaiki ana, oledadi kabani-kabanina harusa mengawini maghinnena monno pakitage keturunanna tagu oledadina a mate na. ²⁵ Nemeghinna, ghaide pittu paoledadina ne barrama zamme. A ullu namenikah, monno mate tanpa baghai ana, monno gaini manghinnena tagu oledadina. ²⁶ Ghinnaghai kain na kedua, a ketiga, dukki a ketujuh. ²⁷ Akhir wali ngarkuana, maghinne kaina na mate. ²⁸ Ne loddo papakedde, maghinne na garra mangihinnenani wali pittu paoledadina ne? Sebab, ghidda ngarakua mengawini bai." ²⁹ Ba ka, Yesu nawalewe monno napaneghe barrada ghidda, ''Yemmi tersesatta, da mengertikige Zurata Bia ataupun kuasana Mori. ³⁰ Sebab, ne loddo pajeddewai, ghidda da kawinki ataupu bapakawindi, takka yongngu malaikata-malaikata ne surga. ³¹ Takka, taguna bakedde ata-ata mate, dibacalipowe appa ne patekkibarrami oleh Mori, ³² Zauwadona Mori Abraham, Mori Ishak, monno Mori Yakubpa'? Nia inda Mori ata a mate, melainkan Mori ata a moripa." ³³ Na ata mangeda rengngewe hal ne, ghidda mangadda-ngaddala barra nepapanungnga-Na. Hukumma Geniage a Paling Benningana? ³⁴ Takka, na ata-ata Farisi rengngewe bahwa Yesu na rawi badi ata-ata Saduki kadanna, pakuabada ghidda. ³⁵ Badommo, iya wali ghidda, naata ahli Hukumma Taurata, matua barrana Yesu taguna bananungngaza-Nia, ³⁶ "Guru, pareta geniage a paling benningngana barra Hukumma Taurata?" ³⁷ Monno, Yesu napaneghe barrana, "Yemmi harusa bimanawwarani Mori Allahmu waige segenap atemu, monno waige segenap jiwamu, monno waige segenap papangaddamu. ³⁸ Neghe niaba pareta a palingkaladana monno a ullu. ³⁹ A kedua niado ghinna ne, 'Yemmi harusa manawwarani oleh atapiamu ghinnana tou doumu.' ⁴⁰ Barra duada pareta neghe, tergantung ngarakua Hukumma Taurata monno zuratada ghidda nabi." Patua taguna Mesiasa ⁴¹ Nemeghinna, tangngara ata-ata Farisi pakua dabbana, Yesu napatua barrada ghidda, ⁴² "Peinawe papangaddamu taguna Krittu? Garra Anai Nia?" Ghidda tekkiwe barra-Na, "Anai Daudta." ⁴³ Nia napaneghe barrada ghidda, "Neba ghinnakowe, peighaina Daudta, Roh dana, kadangngani-Nia 'Tuan',ghinnage, ⁴⁴ Mori naberfirman barra Tuangu, "Madiilolo ne bali kawana-Gu, dukke Zauwa baku taidi kamuka-kamuka-Mu ne kabu ghai-Mu'? Mazmur 110:1 ⁴⁵ Niaka Daudta kadangngani Mori bania 'Tuan', peighaina namungkinwe Nia dona anai Daudta?" ⁴⁶ Dai pongngo iya ata a pdde walewe iya pongngu patekki barra-Na. Monno, sejak loddo ne, daiki iya ata a kaddena matua patua-patua dommo barra-Na.