Yesu Araggaza Yongngu Naata Raja ¹ Ne ghidda batukke dangnga bage ne Yerusalemma monno riaka ne Betfage, ne bukit Zaitun, Yesu napatukadi duada murid-Na; ² Ghinnage-Nia barrada ghidda, "Kakololo nee desa a gahina ne arami, monno yemmi langsung bitangaza naiya keledai amakette monno naiya keledai pazamadangngana. Pazillizi kalerreda ghidda monno ngindizi duadana barra-Gu. ³ Niaka baghaiko ata tekkiwe sesuatau barramu, yemmi harusa bipaneghe, 'Mori naperluza,' monno Nia ba na pangindini." ⁴ Hal ne namarawiwe gai kana biawe appa ne patekkida ghidda nabi: ⁵ "Tekkilolowe barra manghinne Sionna, 'Etawe, Rajamu mai barramu, maradda ate, monno kaleteza naiya keledai bou, ana wali keledai beban. Zakharia 9:9 ⁶ Murid-murid kako monno rawige ghinnana papareta ba na Yesu barrada ghidda. ⁷ Ghidda ngidiza keledai lappata ana keledai na, monno taidi jubah-jubahda ghidda ne ponnu keledai-keledai na, monno Yesu madi ne ponnuna. ⁸ Sebagiana kaladana wali ata mangeda na palakkara jubah-jubaghda ghidda ne laradana, monno waddeka pogo karaa-karaa ghazu, bage palakkarazi ne laradana. ⁹ Mangeda ata kako ne aro-Na monno ghidda dekuni-Nia berseru, "Hosana tagua Anai Daudta! ' Apamaringngiza Nia a mai wainawe ngarai Mori.' Hosana paddou a madetana!" Mazmur 118:25-26 ¹⁰ Na Yesu bana tamage ne Yerusalemma, ngarkua kota nagemparawe. Ghidda matua, "Garrai Nia na?" ¹¹ Monno, ata mangeda na walewe, "Nia dona Nabi Yesu, wali Nazareta ne Galilea." Yesu Menyucikan Baitta Mori ¹² Bage, Yesu natamage Baitta Mori monno naghalozi ata-ata a neena mabattamaghoi ne Baitta Mori, bage nakaballekazi meja-meja patukawai riti mono bangku-bangkuda ghidda a battana keila-keila merpati. ¹³ Nia napaneghe barrada ghidda, "Namatulisa bawe, 'Umma-Gu ba tekkiwe umma tabaya,' takka yemmi mirawige paddou pakuada perampokka."' ¹⁴ Monno, ata kaburra lappata kalikku mai barra-Na ne Baitta Mori, bage Nia napalangngazi ghidda. ¹⁵ Takka, na imam ghidda imam kapala monno ahli-ahli Tauratamelihat mukjizat-mukjizat ne parawi bana Yesu monno eta ana-ana a berseru ne Baitta Mori, "Hosana taguna Anai Daudta," ghidda a bani. ¹⁶ Bage, ghidda matua barrana Yesu, "Appane Ghou murengngewe ne patekkida lakawa-lakawa na?" Monno, Yesu nawalezi ghidda, "Oo. Di pernahkipo yemmi bibacawe, 'Wali ngada lakawararra-lakararra monno lakawa-lakawa ne papazuzuda, Ghou musiap bana pujian taguna tou dou-Mu.'?" ¹⁷ Badommo, Yesu nagaidi gidda monno louza wali kota ne nee Betania monno taddo ne nee. Yesu Nabghoge Kuasa Iman ¹⁸ Nemeghinna, ne loddo kapugedde, Na Yesu nabali nee kota, Nia na kareba. ¹⁹ Monno, bana etana ghazu ara ne uppu lara, Nia namaini monno dana kolekini appa-appa, wattena roo-roo kidona. Monno, Nia napaeghe barrana na ghazu na, "Ba dana pernah pongnguki baghai dommo ghuana wali barramu dukki moriwali-moriwalina!" Saat mema kaina, ghazu ara na namarokkota. ²⁰ Na murid-murid baeta hal neghe, ghidda muridta mangadda-ngaddala monno matua, "Peighaina ghazu ara namarokkota mema pongngu kaina?" ²¹ Monno, Yesu nawalezi ghidda, "Ghinnatakkana zauwa kupanegehe barramu, niaka yemmi baghai dona atewai monno da bimbangnga, yemmi indaniakiwe ne ba birawige barra ghazu ara na, baka niaka yemmi bipaneghe barrana ne kaladdakana,' Makeketa monno tercampaklah ne bonnu dana,' hal ne ba namarawiwe. ²² Monno, ngarakuanawe ne yemmi padengngi tabaya dana, wailologe, yemmi ba mideibawe." Kapala Yahudi Naraguge Kuasana Yesu ²³ Na Yesu banatamage ne Baitta Mori, ghidda imam kapal monno ghidda tua-tua Yahudi mai barra-Na sementara Nia neena panungngana monno matua, "Waige kuasa apppawe Ghou rawige hal-hal neghe? Monno, garrani ya-Gu kuasa neghe?" ²⁴ Yesu nawalezi ghidda, "Zauwa kaina kutua iya hal barramu, ne niaka yemmi padde pawalewe, Zauwa kaina ba kutekkiguwe waige kuasa appa Zauwa rawige ngarakua hal neghe. ²⁵ Ge wali nianawe baptisanna Yohanesa? Walina surga atau walina atapia?" Monno, ghidda ghuddi zaga bapaneghege ne barra ghidda douna, ghinnage, " Niaka ghitto tapaneghe, 'Neba ginnakowe, appane yemmi diwaige barrana na Yohanesa?' ²⁶ Ba ka, niaka ghitto tawalewe, 'Walina wali atapia.' Ghitto tamadautage barra ata mangeda orona ghidda ngarakua anggapwe bahwa Yohanesa niadona nabi." ²⁷ Baka ghidda waleza Yesu, "Zamme damma paddekige." Monno, Yesu napaneghe, "Neba ghinnakowe, Zauwa kaina ba daku tekkikiguwe waige kuasa appa Zauwa rawige hal-hal neghe." Tudda taguna Duada Ata Lakawa ²⁸ "Takka, appa pendapattamu? Ghaina naata a ghaina duada ana kabani-kabani, monno nia namai barrana a ullu monno paneghe, ' kako monno paghilli ne loddo nee oma anggura.' ²⁹ Monno, nia nawalewe, 'Oo, Ama,' takka ba ne nia dana kakoki. ³⁰ Badommo ama na kako barra a kedua monno tekkiwe hal a zama. Lakawa na nawalewe, 'Dana nau,' takka nia namenyesalla monno kako. ³¹ Garradi wali duada lakawa na a dekuni amana?" Ghidda paneghe, "A kamurri." Yesu napaneghe barrada ghidda, "Ginnatakkana, zauwa kutekkiwe barramu bahwa ghidda pakuana pajakka monno pelacur pelacur ba tama ne dana Kerajaanna Mori ullumi yemmi. ³² Sebab, Yohanesa namai barramu waige lara dua mono yemmi diwaikininia, takka, ghidda pakuana pajakka mono pelacur-pelacur waininia. Monno, yemmi, neba eta hal neghe baka da menyesal nebabana lappata yemmi kiwaininia." Tudda taguna monno Kazewa Oma Anggura ³³ "Rengngewe tudda a eka. Ghaina pemilika oma atodaka neiya oma anggura, monno napasangngani gollu ne gholetana, monno koda paddou bakapazzu anggura, mono padede menara. Badommo, nia nakazewawe oma anggurana barrada pirra petani, monno nia kako ne louzage negeri. ³⁴ Na musim ghua bana riakawe, nia napatukadi ata-atana barra petani-petani ne taguna badeiba ghuana. ³⁵ Monno, ghidda petani ghappazi ghidda pelayanna na monmo paluza na iyaata, monno pamateza iya, monno waddekana kabenazi watu. ³⁶ Sadakka dommo, pemilika omana napatukadi ata-atana a eka, a louka paluana daripada ghettipona. Monno, ghidda petani ne rawige hal a zama barrada ghidda. ³⁷ Akhirnawe, pemilika oma na napatukani anana barrada ghidda, ghinnage, 'Ghidda ba paakagani anagu.' ³⁸ Ba ka, na ghidda petani ba etaza anana, ghidda paneghe douna ne barra douda ghidda, 'Nia dona ahli warisa, maida kata pamateza nia monno dekenadi warisanna.' ³⁹ Bage, ghidda ghappaza lakawa pemilik oma na, akapettini ne bali oma anggura, mono pamateza. ⁴⁰ Orona ne, na pemilika oma anggura na mai, appa ne nia ba parawina barra petani-petani na?" ⁴¹ Ghidda paneghe barra-Na, "Nia ba napabinazi ata-ata bokala na waige bokala waliate, monno ba kazewawe omam anggurana barra petani-petani a eka, ne ba yawe barrana ghua-ghua ne musimnawe." ⁴² Yesu napaneghe barrada ghidda, "Appane yemmi di pernahki bacawe ne Zurata Bia dana: 'Watu na patullarada ghidda tukang-tukang bangunan ba nia ba watu penjuru. Hal ne namarawiwe wali pihakna Mori, monno hal ne na ajaibwe ne aroda ghitto'? Mazmur 118:22-23 ⁴³ Orona ne, Zauwa kutekkiwe barramu, Kerajaanna Mori ba dekewe barra ata-ata a hasilana ghua walina. ⁴⁴ Monno, garrane warraka wali watu neghe ba upaza kapipbika-kapipbika; monno garrkuni patippada watu na ba namubbuka.' ⁴⁵ Na imam-imam kapala monno ata-ata Farisi rengngewe tudda-tudda-Na, ghidda mengertige bahwa Yesu neena paneghe taguda ghidda. ⁴⁶ Ba ka, ne ghidda baneede berusaha ba ghappaza Yesu, ghidda madauta barra ata mangeda orona ata mangeda na anggapwe bahwa Yesu niadona nabi.