Tudda taguda Ghidda Paghillina Oma Anggura ¹ "Sebab, Kerajaanna Surga niadona pemilika oma ne kapugedde kii pongngu kako taguna ghewa paghilli-paghilli taguna oma anggura. ² Ne nia bana sepakat dangngadi ghidda pahilli ne taguna sedinar neloddo, nia napatukadi ghidda nee oma anggurana. ³ Monno, kira-kira ne jam katouda nia kako monno eta a ekana neede dede menganggura ne paddou umumma. ⁴ Bage, nia napaneghe barrada ghidda, 'Yemmi, kako kaime nee oma naggura monno appawe pantasa ba zauwa yawe barramu.' Monno, ghidda kaina kako. ⁵ Sadakkakia dommo, sekitar jam kaenne monno jam kaiwwana nia nakako monno rawige hal a zama. ⁶ Monno, kira-kira ne jam kabullu iya, nia nakako monno tobbokazi a ekana neede dede monno nia napaneghe barrada ghidda, 'Appane yemmi bidede ni nia menganggura loddo mangengeda?' ⁷ Ghidda paneghe barrana, 'Orona badaipo a yama paghilli zamme.' Pemilika oma na napaneghe barrada ghidda, 'Yemmi, kakao kaimi ne oama angguragu.' ⁸ Na loddo bana zagawe bana geddege, pemilika oma na napaneghe barra mandorana, 'Kagangngadi ghidda paghilli monno bayardi barrada ghidda upahna, amulai waige wali a kamurri dukki a ullu.' ⁹ Ne ghidda payada paghilli ne jam kabullu iya, mai, masing-masing ata deiba iya dinara. ¹⁰ Ne ghidda payada paghilli ullu pongngu, mai, ghidda kirawe ba deiba louka pamangedana. Takka, ghidda masing-masing kaina deiba iya dinara. ¹¹ Ne badeinazi, ghidda protesawe barra pemilika oma. ¹² Gjidda paneghe, 'Ata-ata a tama murri niakido paghilli selama iya jam, monno ghou rawidi ghidda zama dangngama zamme, a ba tanggungnga bebanna monno bangata waggara neiya loddo.' ¹³ Ba ka, pemilika oma na nawalewe monno napaneghe barra iya walina ghidda, 'Oledadi, zauwa daku zalahki barramu,. Inda yemmike sepakata dangngaga taguna iya dinara? ¹⁴ Dekizi tagumu monno kakaghu, takka zauwa kubeige ya barra ata a kamurri na, zama ghinnana barramu. ¹⁵ Appa ne zauwa dappa pabennnarakiga taguna rawige appa kowe ne pabeigu barra milika dougu? Atau,appa ghidda matamu bokala orona zauwa dua?' ¹⁶ Niaka, a kamurri ba nia a ullu, monno a ullu bania a kamurri." Yesu Napaneghe Dommo taguna Mate-Na ¹⁷ Na Yesu ba nakako nee Yerusalemma, Nia nangindizi kabullu duada murid-Na waige mabegha. Nee laradana, Nia napaneghe barrada ghidda, ¹⁸ "Etawe, ghitto ghettida aro Yerusalemma monno Ana Atapia ba yaza barra imam-imam kapal monno ahli-ahli Taurata. Ghidda ba hukumni-Nia waige pamateza. ¹⁹ Bage, ghidda ba yaza Nia barra bangsa-bangsa eka taguna batedekaza, bapadapini, monno salibza-Nia. Monno, ne loddo katoudana, Nia ba pakeddeza." Padengngina Inna wali Ana-Ana Zebedeusa ²⁰ Badommo, inna wali ana-ana Zebedeusa pazamadi ana-anana mai barrai Yesu monno kaghodo taguna badengngi sesuatu barrai Yesu. ²¹ Monno, Yesu napaneghe barrana, "Appane pabeimi?" Painna na nawalewe, "Paretazi gai ghidda duada anagu kamadii ne Kerajaan-Mu, iya bali kawana-Mu monno iya ne bali ghello-Mu." ²² Ba ka, Yesu nawalewe, "Yemmi dipaddekige appa ne yemmi padengngini. Appa ne yemmi sangguppa enuge wali cawanna harusa Kuenuge?" Ghidda paneghe barrai Yesu, 'Oo, zamme sangguppa." ²³ Yesu napaneghe barrada ghidda, "Yemmi memang enuge wali cawan-Gu, takka taguna madii kawana-Gu atau ghello-Gu, inda hak kiguwe Zauwa bakuyawe, melainkan tagu ghidda a siap ba oleh Ama-Gu." ²⁴ Na kabullu murid ne wadde rengngewe, ghidda bani barrada dua oledadi na. ²⁵ Takka, Yesu nakadangngadi ghidda monno napaneghe, "Yemmi paddege bahwa ghidda penguasa bangsa-bangsa eka pareta atas yemmi, mono ata-ata kalada ghidda pakakowe wewenangnga atas ghidda. ²⁶ Seharusnawe inda ghinnakiwe ne barrani yemmi, takka garrani beige kaladana ne barrami yemmi, nia harusa banajadi pelayanmu. ²⁷ Monno, garrakuni a beige bania a ullu, ne barrami yemmi, nia harusa ba hambamuni, ²⁸ zama ghinnana Ana Atapia a mai inda tagukinawe balayaniza, takka taguna balayanidi monno yaza dewa-Na bania tebusan tagu mangeda ata." Duada Ata Kaburra Palangngazi ²⁹ Monno, ne ghidda ba gaige Yerikho, ata mangeda pakuana a dekuni-Nia. ³⁰ Monno, duada ata kaburra neena madii ne uppu lara, ne barengngewe bahwa Yesu nalewata, ghidda berseru, "Mori, Ana Daudta, manawwarama zamme!" ³¹ Ata mangeda bakazi ghidda gai ghidda kakadanna. Ba ka, gidda semakin pawaddege bakawaro, "Mori, Ana Daudta, manawwarama zamme!" ³² Bage, Yesu nangau mon kaina ghidda deiba no nakadangngadi ggidda. Nia napaneghe, "Appa ne yemmi pabeimi Zauwa kurawige tagumu?' ³³ Ghidda paneghe barra-Na, "Mori, zamme beige matama zamme kaghukkezi." ³⁴ Yesu nakaghoddeka orona bana manawwara walietedi barrada ghidda, monno jamahdadi matada ghidda, monno nemeghinna mema kaina ghidda deiba bali mangewala mata, monno dekuni Yesu.