Papanungnga taguna Pegha ¹ Na Yesu bana bazi ghidda patekki-patekki ne, Nia nakako wali Galilea monno nariaka wilayah Yudea, Ne bali loko Yordanna. ² Monno, pakuana kaladana ata mangeda dekuni-Nia, monno Nia napalangngazi ghidda ne nee. ³ Pirra ata Farisi mai barrana Yesu taguna banungnga Nia monno matua, 'Appa apabennarawe taguda kabani-kabani taguna bapeghazi manghinnena waige mangeda alasanna?" ⁴ Bage, Yesu nawalewe monno napaneghe, "Ne yemmi dibacakiwe bahwa Nia, a padadidi ghidda ghetti pona, narawidi ghidda kabani-kabani monno manghinne, ⁵ monno Nia naberfirman, 'Orona ne, kabani-kabani harusa bagaidi amana monno innana, monno napaiyani manghinnena, monno ghidda duada ba iyadi touda'? ⁶ Niaka, ghidda da duada dommobaki, melainkan iya tou. Orona ne, appa nepapaiyana Mori, atapia ammana bapeghazi." ⁷ Ghidda paneghe barrana Yesu, "Bage, appana Musa banaparetazi taguna bayawe zurata pegha monno peghani manghinne?" ⁸ Yesu napaneghe barrada ghidda, "Orona katto atemu, Musa napakalomi yemmi bipeghazi manghinnemi. Ba ka, ne awlnawe inda ghinnakiwe. ⁹ Monno, Zauwa kutekkiwe barramu bahwa garrakuni a peghani manginnena, wattena oro zina, bage menikah dangngani manghinne eka, nia berzina." ¹⁰ Murid-murid paneghe barra-Na, " Niaka ghinnako hal nawe plae monno manghinnena, louka padua da menikah." ¹¹ Takka, Yesu napaneghe barrada ghidda, " Ngarakua ata da deibakiwe ne patekki ne, wattena ghidda pakaruniada. ¹² Sebab, ghai ata da menikah orona memang dadi ghinnana wali bebena innana, monno ghai manghinne da nikah orona bapaghotoza oleh ata eka, monno ghaikaina ata ghoto a paghoto douwe tou douna demi Kerajaanna Surga. Garrakuni deibawe hal neghe, gaikuni nia kana deibawe." Yesu monno Lakawa-Lakawa Kii ¹³ Badommo, pirra lakawa kii ngindizi barra-Na gai Nia kana taidi limma-Na ponnuda lakawa-lakawa na monno tabayadi ghidda. Ba ka, murid-murid abakaza ata-atat na. ¹⁴ Takka, Yesu napaneghe, "Gaikudi ghidda lakawa-lakawa kii. Ammana pazaddazi ghidda bamai barra-Gu sebab Kerajaanna Surga niadowe taguna ata-ata a ghinnana ghidda lakawa-lakawa kii." ¹⁵ Nebana ba Yesu pataidi limma-Na ponnuda ghidda lakawa-lakawa, Nia nakako wali nanna. Peighaina Bakolege Moripa Kekalla? ¹⁶ Badommo, namai naiyaata barrana Yesu monno namatua, "Guru, hal dua appa ne zauwa parawigu gai kaku kolege moripa a kekalla?" ¹⁷ Monno, Yesu napaneghe barrana ata na, "Appa ne yemmi bimatua barra-Gu taguna baappawe a dua? Iya Kiduni a dua. Takka, niaka yemmi nau tamage nemoripa, dekudi ghidda pareta-pareta." ¹⁸ Ata na namatua barrana Yesu, "Pareta ge niage?" ' Walewe Yesu, " Ammana papamate, ammana berzina, ammana pakedu, ammana payawe sakksi palsu, ¹⁹ paakadi amamu monno innamu, monno manawwarani oleh atapiamu ghinnana tou doumu.' ²⁰ Ata bou na napaneghe barra-Na, "Ngarakua hal ne zauwa deku bage, appa dommopowe a kurangnga?" ²¹ Yesu napaneghe barrana, " Nia yemmi beige sempurna, kako monno batta ngarakuadi ne yemmi ghaina. Bage,yazi barra ata dengo, monno yemmi mimilikana harta ne surga, monno mai dekuga Zauwa." ²² Takka, na ata bou bana rengngewe ne, nia kako milla sebab nia sangat bonguna. ²³ Bage, Yesu napaneghe barra murid-murid-Na, "Zauwa kutekkiwe ghinnatakkana barramu, sulita taguna ata bonguna batamage Kerajaanna Surga. ²⁴ Sadakkakia dommo, Zauwa kutekkiwe barramu bahwa louka padua taguna iya unta banalawiwe madale karuwwe walibarra ata bonguna tama ne dana Kerajaanna Mori." ²⁵ Ne ghidda murid barengngwe patekki ne, ghidda mangadda- mangaddala waliate, monno paneghe, "Neba ghinnakowe, garrani a bisa pasalamatada?" ²⁶ Sambil banapazarradi ghidda, Yesu napaneghe, "Pazamadi atapia, hal ne namustahilwe, takka pazamani Mori, ngarakua hal namungkinwe." ²⁷ Badommo, Petrusa napaneghe barra-Na, "Etawe, zamme magai ngarakua bage monno dekugu Ghou. Niaka, appa ne zamme padeibama?" ²⁸ Monno, Yesu napaneghe barrada ghidda, "Zauwa kutekkiwe ghinnatakkana barramu bahwa yemmi, a dekuga Zauwa ne ponnutanah a baru, na Ana Atapia madii ne takhta kalada-Na, yemmi kaina ba madii ne ponnu kabullu duada takhta taguna bahakimizi kabullu duada kabizzu Israella. ²⁹ Monno, Ngra ata gaige umma, loedadi kabani-kabani, oledadi manghinne, ama, inna, lakaw-lakawa, atau omana orona ngara-Gu ba deiba ngau ghudda padappetana monno ba mewarisi moripa a kekalla. ³⁰ Ba ka, mangeda ata a ullu ba a murri, monno a murri ba ghidda ullu."