Garrani a Kaladana ne Dana Kerajaanna Surga? ¹ Ne rapa ne, murid-murid mai barrai Yesu monno matua, "Garrani a kaladana ne dana Kerajaanna Surga?" ² Bage, Yesu nakadangngani naata lakawa kii na ne tillu-tilluda ghidda, ³ monno paneghe, "Zauwa kutekkiwe ghinnatakkana barramu, wattena yemmi darra monno jadi ghinnana lakawa-lakawa, yemmi ba di tamaki ne dana Kerajaanna Surga. ⁴ Garrani paredeka wekkina ghinnana na lakawa na niadona a kalada ne dana Kerajaanna Surga. ⁵ Monno, garra deibe lakawa kii ghinnana a iya na barra ngara-Gu, nia nadeibaga Zauwa." Papalolo taguna Penyebab Zalah ⁶ "Ba ka, garrakuni a pasesatza salah satu wali lakawa-lakawa kii a waige barra-Gu ne, louka padua taguna niaka iya watu kilanganna ateruni barra bukkuna monno patadaneni nee bonnudana a palingnga madalena. ⁷ Nacekalawe ponnutanah orona penyesat-penyesat a ghaina ne danana! Sebab, penyesatan memang harusa banamarawiwe, takka nacelaka ata apa maige. ⁸ Niaka limma atau ghaimu rawigu muzalah, kerriza monno letoni na. Louka padua tagumu tama ne moripa waige limma a kadubu atau kalego walibarra ghaina duada limma monno duada ghai, takka letodi ne api dana kekalla. ⁹ Niaka matamu rawigu buzalah, wikkoza monnoletoni na. Louka padua yemmi tama ne dana moripa waina iya mata, walibarra ghaina duada mata takka a letodi ne dana neraka api." ¹⁰ Mattarage, ammana yemmi paremehkanni iya wali lakawa-lakawa kii na. Sebab, Zauwa kuyekkiwe barramu bahwa malaikata-malaikarada ghidda ne surga slalu pazarrage wajahna Ama-Gu a neena surga. ¹¹ [Sebab, Ana Atapia namai ba taguna bana pasalatazi ata a muana.] Tudda taguna Bebe a Muana ¹² Peinawe menurutmu? Niaka naata ghaina rata ekor bebe, takka a iya wali ghidda kakaeka, tidakka naata nagaini a iwwa kabulli iwwa ekora ne kaladdakana monno kako taguna ghewaza iya a kakaoeka ne? ¹³ Monno,niaka nia natatangazi, ghinnatakkana Zauwa kutekkiwe barramu, nia louka bersukacita atas iya a kakoeka na walibarra iwwa kabullu iwwa a da kakoeka. ¹⁴ Ghinnagahi kaina, inda pabei Amakimuwe a neena surga niaka naata wali lakawa-lakawa kii na binasa." Nasihataza Ata a Zalah ¹⁵ " Niaka oledadimu nazalah, kako monno boghoge zalahna, antara yemmi monno nia dou kidona. Niaka nia narengngeghu, yemmi mikolebani oledadimu. ¹⁶ Ba ka, niaka nia badana rengngekughu, lauko iya atau duada ata dommo pazamadangngagu gai waige ngada wali duada atau tiuda ata sakksi, ngara patekki kaenga engadi. ¹⁷ Niaka nia natolakkawe taguna bana rengngezi ghidda, tekkiwe hal neghe barra jemaata. Monno, niaka nia baka tolakawe taguna barengnge jemaata, gaikuni nia kayongngu bangsa-bangsa eka monno pakuana pajakka. ¹⁸ Zauwa kutekkiwe ghinnatakkana barramu bahwa appa pakettemu ne ponnutanah ba namakettewe nee surgadana. Monno, appa nepapazallamu ponnutanah ba pazallawe nee surgadana." ¹⁹ Sadakka kia, Zauwa kutekkiwe barramu bahwa niaka duada ata ne barramu sepakatta ne ponnutanah taguna sesuatu ne ghidda padengngida, hal ne banamarawiwe taguda ghiddaoleh Ama-Gu a neena surgadana. ²⁰ Sebab, ne paddou duda atau touda ata pakuana pazamadangngaga Ngara-Gu, Zauwa ghaiga ne tillu-tilluda ghidda. Tudda taguna Pengampunan ²¹ Badommo, Petrusa namai barrana Yesu monno matua, "Mori, bapirrawe seringnga seharusnawe zauwa ampunni oledadigu a zalah barragu? Dukki pittu ghudda?" ²² Yesu napaneghe barrana, "Zauwa daku tekkikiwe barramu dukki pittu gudda takka dukki pitti kabullu pittu ghudd. ²³ Orona niadowe, Kerajaanna Surga patuddage yongngu naata raja a adakange pamakira waina barra atana. ²⁴ Ne nia banazaga makira, ata a paghutta kaladana kabullu rata talenta ngindizi barrana. ²⁵ Orona ne nia dana tarraki banabayara, tuanna naparetawe gai nia kabattani, lappata manghinne monno ana-anana, ngarakua kaina ne nia ghaina, monno waige ne pabayara rawige. ²⁶ Baka, hamba na nakataba monno nakaghodoni tuanna, ghinnage, 'Bersabara barragu ba zauwa kubayara ngarakuadi barramu.' ²⁷ Badommo, tuan wali na hamba namawwara waliate, monno napakalogaza, monno naya ampunna atas ghidda ghuttana. ²⁸ Ba ka, na hamba na louza monno ketemuza dangngani hamba eka a paghutta ngau dinara barrana, nia naghappa monno napatekkela hambana na, monno napaneghe, 'Bayar balidi riti padengngi tuddumu barrau!' ²⁹ Baka, hamba paghutta na nakatikka monno dengngi barrana, ghinnage, 'Bersabarlah barragu monno zauwa ba bayaradi ngarakua barramu.' ³⁰ Ba ka, nia natolakka monno naceblosni olena na ne gollodana dukki nia na bisa lunasadi ngar ghuttana. ³¹ Na hamba-hamba a eka etawe marawi ne, ghidda a milla takka bage mai monno padukkige barra tuanna taguna ngara kuanawe a marawi ba. ³² Badommo, tuanna nakadangngani hamba a ullu na monno napanegha barrana, 'Yemmi hamba a bokala. Zauwa kuampun ngarakuadi ghuttamu orona yemmi bidengngi barragu. ³³ Inda yemmiki seharusnawe ghaina manawwara ate barra oleh hambamu, ghinnaghaina zauwa kaina kubogho bage manawwaragu barramu?' ³⁴ Monno, tuanna, waige bana mani, nayazi barra ghidda tagusiksa dukke nia banabayara bali ngakuadi ne padengngi tudduna barrana. ³⁵ Ama-Gu ne surga kaina ba narawige hal a zama barramu, niaka yemmi badiampunkuni oledadimu wali ate danamu."