Yesu Tampakka Pazamani Musa monno Elia ¹ Enne loddo dommona, Yesu nalaikoza Petrusa, Yakobusa, lappata Yohanesa oledadi Yakobusa, monno ngindizi ghidda penne ne kaladdakana a madeta secara kanua. ² Bage, Yesu naekawe rupana ne aroda ghidda. Wajah-Na nabesinarwe yongngu mataloddo mono kalabbi-Na jadi kakana kagheghaka. ³ Monno, eta, tampakkawe barrada ghidda Musa monno Elia, nenede paneghe dangngani Yesu. ⁴ Petrusa napaneghe barrana Yesu, "Mori, niadona dua taguda ghitto taguna baghaidi ni nia, zauwa ba padede touda kemah ni nia, iyya tagu-Mu, iyya taguna Musa, monno iyya taguna aealia." ⁵ Na Petrusa engapona [aneghe, neiya karoba a mangewala kurrudi ghidda, monno eta, ghaige lii wali karoba dana ne a paneghe, "Naghaniabana Ana-Gu ne Pamanawwara, barra-Na Zauwa berkenanna. Rengngeza Nia." ⁶ Na murid-murid rengngewe ne, ghidda kataba waige matada dukki tanahdeta monno madauta langngutakka. ⁷ Takka, Yesu namai banatodozi ghidda, ghinnage-Nia, "Keddelolo monno ammana pamadauta." ⁸ Ne ghidda bakeketa matada ghuidda, ghidda da etaki lakka garrani, wattena Yesu douna. ⁹ Ne ghidda ba burru wali kaladdakadetana, Yesu naparetazi ghidda, ghinnage-Nia. " Ammana patekkiwe ne penglihatan ne lakka garra barra pongngukonawe dukke Ana Atapia bapakeddeza wali barra ata mate." ¹⁰ Monno, murid-murid matua barra-Na, "Bage, appa ghidda ahli-ahli Taurata paneghe bahwa Elia harusa bana louka pamai ullu?" ¹¹ Yesu nawalewe, "Elia memang na louka mai ullu monno ba pulihkange ngara kuanawe. ¹² Takka, Zauwa kutekkiwe barramu bahwa Elia na mai ba, takka ghidda da paddekini monno rawinia menuruta pabeida ghidda. Ghinnaghai kaina Ana Atapia ba namenderita ne limmadetada ghidda." ¹³ Badommo, ghidda murid a mengertige bahwa Nia paneghe barrada ghidda taguna Yohanesa Pembaptisa. Naiya Lakawa Pakalogaza wali Roh jahatta ¹⁴ Na Yesu monno murid-murid babali barra ata mangeda, naata kabani-kabani namai barrana Yesu waige katikka ne aro-Na sambil banapaneghe, ¹⁵ "Mori, manawwaragani anagu sebab nia karodduka kaparraka monno namenderita langngutakka. Nia nasering banagolena api dana monno nee wee dana. ¹⁶ Zauwa kungindibaza barra murid-murid-Mu, takka ghidda dana madukkikiwe bapalangngaza nia." ¹⁷ Yesu nawalewe, "Ta, yemmi generasi a da waige monno tillira! Pirra dommoko madoina Zauwa harusa bakudangngi pazamadangngami? Pirra dommpo madoina Zauwa harusa bersabara barrami yemmi? Ngindiza nalakawa barra-Gu." ¹⁸ Baka na Yesu nakazakani roh jahatta na lappata louza wali ana kabai-kabani na, monno lakawa na nalangnga memana nemeghinna kaina. ¹⁹ Badommo ghidda murid mai barrai Yesu, ne ghidda bakanua dangngani-Nia monno matua, "Appa ne zamme kadama paddeko paghaloza roh jahatta na?" ²⁰ Ghinnge-Nia barrada ghidda, "Orona atewaimu nakiina. Zauwa kutekkiwe ghinnatakkana barramu, niaka yemmi ghaini atewaimi kaladana biji sesawi kidoza, baka yemmi padde papaneghe barrana ne kaladdakana ne, 'Dikki wali paddou neghe ne nee!' monno kaladdakana ne ba nadikkiwe. Daiki a mustahilla tagumu. ²¹ [Ba ka, roh jahatta ghinnana na harusa ba ghaloza waige tabaya monno puasa."] Yesu Napaneghe tagu Matena-Nia ²² Na Yesu monno murid-murid-Na neede pakuana ne wilayah Galilea, Nia napaneghe barra ghidda, "Ana Atapia ba yaza ne barra limma atapia, ²³ monno ghidda ba a pamateza-Nia, monno Nia ba pakeddeza ne loddo katoudana." Monno, ghidda murid-Na a milli waliate. Papanungnga taguna Bayarna Pajakka ²⁴ Ne ghidda ba riaka ne Kapernaumma, ghidda pakuana pajakka duada dirhamma mai barrana Petrusa monno matua, "Appa na gurumu dana bayarki pajakka duada dirham?" ²⁵ Petrusa nawalewe, "Oo." Ne nia bana tama ne umma dana, Yesu nalouka papaneghe ullu barrana, "Peighaina papangaddamu, Simon? Walina garrabarra raja-raja ponnutanah ne batagizi bea monno pajakka? wali ana-anana atau ata eka?" ²⁶ Na Petrusa banawalewe, "Wali ata eka," Yesu napaneghe barrana, "Nebaghinna ko, ana-anana kaloga. ²⁷ Ba ka, gai ghitto kadata singgungkazi ghidda, kakololo oba dana monno kabenana kail. Dekeza igha a ouda ullu monno ne yemmi ghukkenawe ngadana, yemmi ba mitobboka kapipbika statera. Dekezi ghidda riti monno yazi barrada ghidda, tagu-Gu monno tagumu."