Ata Farisi monno Ata Saduki Nungngaza Yesu ¹ Badommo, ata-ata Farisi monno Saduki amai taguna banungngaza Yesu. Ghidda dengngi gai Yesu kana paetage barrada ghidda neiya tada wali surga. ² Ba ka, walewe Yesu, "Rapa arobage gedde, yemmi mipaneghe, 'Cuaca mangewala orona langita nararage.' ³ Monno, ne loddo kappugedde, 'Loddo ne ba ghaini paringngi zoputa orona langita nararage monno kapatta.' Yemmi paddege peighaina banaekawe rupa langita, takka dappa mammpuki bapaekage tada-rada zamanna. ⁴ Suatu generasi bokala monno pezina ne tuntutawe iya tada, takka naiya pongngu tada dappa yakiza barrana, wattena tada Nabi Yunusa." Bage, Nia nagaidi ghidda monno nakako. Penjelasanna tagu Ragi Ata Farisi monno Saduki ⁵ Neba dukki murid-murid ne bali oba, ghidda bullage ngindi kababa. ⁶ Monno, Yesu napaneghe barrada ghidda, "Mattarage monno waspadami barra ragi ata-ata Farisi monno Saduki." ⁷ Monno, ghidda zagawe tekkiwe hal ne ne barrada ghidda douna monno paneghe, "Neghe orona ghitto badata ngindi kababa." ⁸ Ba ka, Yesu napaddege hal ne onno napaneghe, "Ta, ata kurangnga atewaina, appane yemmi bitekki douwe barra doumi taguna ba dai kababa? ⁹ Appane yemmi dimegerti dommokipo monno dilolo kaikizi ba limma kababa taguna limma rata ata, monno pirra kadoge kreina ne yemmi papakuami? ¹⁰ Atau, pittu kababa taguna pata rata ata, monno pirra ,mangeda ladoge kreina ne yemmi papakuami? ¹¹ Peighaina ne yemmi di megertige bahwa Zauwa da neekiga tekkiwe barramu taguna kababa? Ba ka, waspadalah barra ragi ata-ata Farisi monno ghidda Saduki." ¹² Badommo, ghidda paddege bahwa ghidda da tekkikiwe taguna waspada barra ragi kababa, takka barra papanungnga ata-ata Farisi monno ghidda Saduki. Yesu Niadona Mesiassa ¹³ Na Yesu bana riaka ne daerah Kaisarea Filipi, Nia namatua barra murid-murid-Na, "Menurut patekki ata, garrani Ana Atapia na?" ¹⁴ Ghidda walewe, "Pirra tekkiwe Yohanesa Pembabtisa, ne waddeka tekkiwe Elia, monno waddeka dommo tekkiwe Yeremia, atau salah satu wali ghidda nabi." ¹⁵ Bage, Yesu namatua barrada ghidda, "Ba ka, menurutmu, garraga Zauwa ne?" ¹⁶ Simon Petrusa nawalewe, "Ghou dona Mesiassa, Anai Mori a moripa!" ¹⁷ Yesu napaneghe barrana, "Pamaringngimi yemmi, Simon anai Yunusa, sebab inda kanaa monno raa a paetage ne barramu, melainkan Ama-Gu a neena surga. ¹⁸ Monno, zauwa kaina kutekkiwe barramu bahwa ghou dona Petrusa. Monno, ne ponnu watu ne, Zauwa ba kupakedde jemaatag-Gu monno gerbang-gerbang Hadesa ba da kuasakige. ¹⁹ Zauwa ba kuyagowe kuzi-kuzi Kerajaanna Surga. Monno, appakowe nepakettemi ne ponnutanah ba namakettewe ne surgadana. Monno, appa papazillimi ne ponnutanah ba pazilliwe ne surgadana." ²⁰ Bage, Yesu napalolo dawe murid-murid-Na gai ka dappa dukkikage lakka garrani bahwa Nia dona Mesiassa. Yesu Napadukkige taguna matena-Nia ²¹ Sejak saat ne, Yesu nazaga bana boghoge barra murid-murid-Na bahwa Nia harusa banakako ne Yerusalemma monno menderita mangeda hal wali ghidda tua-tua, imam-imam kapal, maupun ahli-ahli Taurata, bage pamate monno pakeddeza ne loddo katoudana. ²² Badommo, Petrusa natongnguza Yesu ne tidi, nategurra-Nia, monno napaneghe, "Mori, kitanya Mori napamarroge hal ne wali Ghou! Hal neghe ba dana pernahkiwe marawiwe barra-Mu." ²³ Ba ka, Yesu nakaballeka monno napaneghe barrai Petrusa , "Erukiana wali barra-Gu, ta kabailikka! Yemmi dona watu katunnura tagu-Gu sebab ghou du paengakige papangaddamu barra hal-hal walina Mori, melainkan hal-hal wali atapia." ²⁴ Badommo Yesu napaneghe barra murid-murid-Na, " Niaka ghaiko beina dekuga Zauwa, nia harusa banasangkalawe tou douna, kawaa salibna, monno dekuga Zauwa. ²⁵ Orona bagarrakuni pasalamataza dewana ba namuana dewana. Ba ka, garrakuni muana dewana orona Zauwa, nia ba nakolege. ²⁶ Appa utunawe niaka naata nakolege ngara ponnutanah, takka namuana dewana? Atau, appa ne bisa naiyaata payana bania delu dewana? 7 Sebab, Ana Atapia ba namai ne kemuliaanna Ama-Na pazama dangngadi ghidda malaikata-Na monno badommo ba nabalasa ngara ata menuruta parawina. 8 Zauwa tekkiwe a ghinnana barramu, ghaide pirra ata a dede ni nia ne ba da alamiwe mate dukki ghidda eta Ana Atapia mai nee Kerajaanna-Nia."