Hukummai Mori monno Tradisi Atapia ¹ Badommo, pirra ata Farisi monno ahli-ahli Taurata walina Yerusalemma mai barrai Yesu monno paneghe, ² "Appa ghidda murid-murid-Mu langgarawe tradisi innikaweda waika? Sebab, ghidda dawanukidi limma ne bangaa kababa!" ³ Monno, Yesu nawalewe onno napaneghe barrada ghidda, "Monno, appa kaiwe ne yemmi bilanggarawe paretana Mori demi tradisimu? ⁴ Orona Mori naberfimanna, "Paakadi inni monno amamu,' monno, 'Bagarrakuni kutukka amana atau innana, harusa bahukummani mate.' ⁵ Takka, yemmi mipaneghe, "Bagarrakune paneghe barrana ama atau innana, 'Appa pongngukuwe ne paya tagumu baba papamarakage barrana Mori,"' ⁶ nia dana perluki bana paakani amana atau innana. Neba ghinnakowe, yemmi mizaddaza firman Mori demi tradisimu. ⁷ Yemmi, ata-ata munafikka, memang duawe nubuatanna Yesaya tagu yemmi: ⁸ Bangsa negha paakaga Zauwa waige ngadada ghidda, takka ateda ghidda marraowe wali barra-Gu. ⁹ Monno, sia-sia ghidda bakaghodo-Ga waige papanungnga pareta-pareta atapia."' ¹⁰ Monno, Yesu nakadangngadi ata mangeda monno napaneghe, "Rengngewe monno pangaddage! ¹¹ Inda appakiwe ne a tama ne ngada dana a menejiskan ata, takka appawe louza wali ngada danana, neghe niabawe a menajiskan ata." ¹² Badommo, murid-murid Yesu mai monno matua barrana, "Paddedoge Ghou bahwa ata-ata Farisi kazuu parengngewe patekki ne?" ¹³ Takka, Yesu nawalewe monno napaneghe, "Ngra patodaka ne dappa todaka oleh Ama-Gu a neena surga bana kouka dukki nekalarrita-kalarritana. ¹⁴ Gaikudi ghidda. Ghidda dona penuntun-penuntun kaburra walina ata-ata kaburra. Monno, niaka ata kaburru menuntun ata kaburra, keduanya ba warraka nee madale dana." ¹⁵ Petrusa napaneghe barra-Na, " Jelaskange tudda ne barrama zamme." ¹⁶ Yesu napaneghe, "Appa ne yemmi engapumigi dapaham dommo kaiwe? ¹⁷ Appa ne yemmi di mengertikige bahwa ngara kuanawe a tama ne ngada dana ba burru ne tiadana monno aletoge nee jamban dana? ¹⁸ Ba ka, appawe louza wali ngada dana dadiwe wali atedana, onno niadowe menajiskan ata. ¹⁹ Orona wali atedana dadiwe pangadda-pangadda bokala, pamate, perzinaanna, zalah-zalah seksual, kedu, kesaksian tekkidua, monno finah. ²⁰ Hal-hal niadowe menajiskan ata, takka ngaa tanpa bawanudi limma da menajiskan ata." Yeu Natuluni Manghinne Kanaanna ²¹ Badommo, Yesu kako wali nee monno eruna nee daerah Tirusa monno Sidona. ²³ Monno, naata manghinne Kanaanna a walina wali daerah ne mai monno berseru, "Manawwaraga Zauwa, Mori, Anai Daudta! Ana maghinnegu atamani roh jahata sangat parah." ²² Ba ka, Yesu dana walekiza maghinne na, lakka iya patekki. Monno, patekkida ghidda, "Patukani nia kana kako orona pakita=kitage kawaro ne lirada ghitto." ²⁴ Bage, Nia nawalewe monno napaneghe, "Zauwa niaki dowe bapatukaga bebe-bebe a muana wali umatta Israella." ²⁵ Badommo, maghinne na namai monno kaghodo ne arona Yesu, ghinnage, "Mori, tuluga zauwa!" ²⁶ Takka, Yesu nawalewe onno napaneghe, "Dana duakiwe deke kababa taguda lakawa-lakawa monno letodi barra bagga-bagga." ²⁷ Maghinne na nawalewe, "Bennara, Mori, takka bagga-bagga ne ngaage kabirraka-kabirraka a warraka wali meja tuanna." ²⁸ Badommo, Yesu napaneghe barrana, "Ta maghinne, atewaimu kaladage! Namarawiwe barramu ghinnana pabeimu." Neme ghinna mema kaina, ana maghinnena palangngaza. Yesu Napalangngazi Ata Mangeda ²⁹ Yesu nakako wali nee, nudu uppu oba Galilea. Monno, bana ba papenne ne togo kaladdakana, Nia namadii ne nee. ³⁰ Badommo, pakuana mangeda ata mai barra-Na, ngindi ata-ata kalikku, cacat, kaburra, kabangnga, monno ata mangeda waddekana. Bage, ghidda pabeikazi ata-ata ne barra ghaina Yesu monno Nia napalangngazi ghidda, ³¹ lappata ata mangeda ne mangadda-ngaddala ne ghidda baeta kabangnga paneghe, a cacat duabali, a kalikku akako, monno a kaburra aeta. Monno, ghidda muliakanni Mori Israella. Yesu Nayadi Ngaa Barrada Louka walina Pata Rta Ata ³² Bage, Yesu nakadangngadi murid-murid-Na monno napaneghe, "Zauwa kumanawwara waliatedi barrada ata-ata ne orona ghidda ba pazamadangngaba-Ga selama touda loddona monno daghaikina pangaa. Monno, Zauwa daku beiki ghidda ba bali kareba gai ghidda ka da golekana ne laradana." ³³ Badommo, ghidda muridta paneghe barra-Na, "Ge wali nianawe ghitto ba batakolena kababa a mangeda ne paddou karingngi ne pabekutazi ata a lua takkana ne." ³⁴ Yesu namatua barrada ghidda, "Pirra mangeda kababa a ghaina barrami?" Ghidda walewe, "Pittu, monno pirra igha kii." ³⁵ Bage, Yesu naparetazi ata mangeda ne madii ne tanahadeta. ³⁶ Badommo, Nia nadekeze pittu kababa lappata ghidda igha-igha. Monno, sambil banatabaya, Nia napibbi-pibbizi, monno nayadadi barra murid-murid-Na, monno murid-murid-Na yazi barrada ata mangeda na. ³⁷ Ghidda ngarakua ngaa monno pabekutazi. Bage, ghidda dekezi kabipbika-kapipbika a rei, a pittu kadoge bonnuna. ³⁸ Ghidda ngaa a pata rata ata kabani-kabani, da tamaki manghinne monno lakawa-lakawa. ³⁹ Nebana ba patuka ghidda ata mangeda babali, Yesu natamani na tena monno kako ne daerah Magadanna.