1
Kadukkana, oledadi-oledadi yamme madengi monno papalolo dangago barra Maramba Yesu ba neghe niawe ne pababada yemmi deiba wali yamme tagu peina yemmi moripa takka monno pasenanga Mori, rawige ghetti domo.
2
Niawe, yemmi bi paddege pareta-pareta appawe ne yamme pangidima barramu lede ghaina kuasa Maramba Yesu
3
Ne niawe, ne nia pabeina Mori: zingiramu,* ne ba yemmi pa marroge toumu wali percabulan;
4
Ba ne yemmi masing-masing paddege bi pattu wekina tagu toumu douna ne barra zingira monno nepangaka dana,
5
Da niake ne'egu gairah abonunah nafsu ne azama ata-ata adapaddei Mori,
6
Gaika kadaikana ia ata a langgarrawe monno amapodeta oledadina barra tagu ne. Ne niawe, Maramba niadona abalasa wali ngarakua ne, ne ghina ne yamme patekina netipona monno yamme papalomi takka-takkami barramu.
7
Mori akanangada ghitto dania kipo ne datazingira, ne ghina we gai kata zingira.
8
Neka ne ghina we ghetti,garrakugu atolaka ne pateki ne, datolake ata pia, takka ba niawemu tolaka Mori, a yagu Ngau amatua-Na* nebarramu.
9
Ne ghina we, tagu manawara oledadi, yemmi diwaiki ata a tulisa barramu orona yemmi douna na panungami Mori gai kipamanawara wekina.
10
Ghina we, yemmi bi rawige barra ngarakua oledadi ne ghaina ne Makedonia. takka niapo, oledadi-oledadi, yamme madengigu monno ponnugu gai yemmi birawige alouka dommo,
11
Monno usahapun ne moripa ne'e tenang dana, urussa urusan-urusanmu doumu, monno panghili ne limma doumu, ne azama ne papareta bama yamme barramu,
12
Gaika yemmi kikolege bipakako moripa monno pantas nearo ata-ata gounga monno gai kadaikana a ghaina.
Ne ba'ammi Maramba
13
Oledadi-oledadi, yamme dama nauki yemmi be dipaddege tagu ata-ata a mate ba gai yemmi daikana karegu ate netudda ata-ata a dai nungubaki pamanne ghaida.
14
Ne ghinawe, ne ghitto tawaige ba Yesu na mate monno nakede bali, ghitto kaina tawaige ba Mori na pakuadi ghida a mate ne barrana Yesu dipalolo dangae Nia.
15
Yamme matekiwe tagu ne barrana neghe li'ina Maramba, ne ghitto amoripapo, a ghaina ne ba'ammi na Maramba, dapa ullubaki ghida a mate ba.
16
Maramba douna Nia na burru wali surga dana neghe kawaro, li'i wali penghulu malaikat, monno neghe li'i trompet Mori, monno ata-ata a mate ne barrana karittu na kedde ullu.
17
Niawe, ghitto a engapona moripa , a engapona adangi, ta makeketa daba-daba barra karoba-karoba neghe ghida gaika katemu Maramba ne paringi deta, monno neghe ghitto ne'ebada apalolo dangai Maramba.
18
Orona ghetti, hiburai ia ata monno a wedeka ne pateki-pateki ne.