¹ nemaghina, oledadi-oledadi, taguna rapa monno jaman,Dappa perlu ba tulisa barramu. ² neghinawe yemmi mi padde-padde takka ge ba loddo na Maramba ba ammi na patuda na ata kedu ne gedde. ³ ne ghinna ata-ata ba padewe, "na dame monno amana", kebinasaan amme bage tagu da ghinna na riaka kapoudaka, na patudda na karoduka manghinne a paana, monno ghinna da bisa ki ba pasalamat wekkina. ⁴ Ne ghina, oledadi-oledadi yemmi dappa moripamu ne kapatta Dana gaikah ne lodo a mai barramu yangu ata kedu. ⁵ Yemmi ngarakua ana-ana mangewala monno monno ana-ana lodo. ghitto data walikina wali gede Monno ne kapatta ⁶ Ne niawe ghetti, data durakana ghitto tudda na ata wedeka, takka mai ghitto kaenga niage bata daga monno data wekina, ⁷ Ata adura, dura neghe gede Dana monno ata a mabok, kaina mabok ne gede dana. ⁸ Ne niawe, orona ghitto ba ana-ana lodo da, maida ghitto kata mawaleka, tauwe kalembe zirah atewai monno manawara, monno tauwe ketopong pamanne ne apaslamatada. ⁹ Mori dana taikida ghitto tagu bata deiba bani, takka tagu bata kolege ne toleka wali barrana Marambada ghitto, Yesu karittu, ¹⁰ A mate ba tagu da ghitto Gai ghitto, ne'eda amadaga Otto adura, Ka enganiage bata palolo danga-Ni. ¹¹ Orona ghetti, yadi paghezi ia monno ata wedeka monno engage pakede wekina, ne ghinna a ghaina barramu parawimu ne maghinna. Papanunga dukka bakina monno salam ¹² Oledadi-oledadi, yamme madengigu ki pangadi ghida a paghilli boto ditillumu, monno a pimpinmi, ne barrana Maramba, monno ategurmi. ¹³ Pangakai ghida a sungguh-sungguh ne manawara dana orona paghillida ghida. moripamu ne damedana ia ata monno a wedeka. ¹⁴ Yamme mazuzarami, oledadi-oledadi, tegurai ghida a moripa negube-gube dana, yadi paghezi ghida a li'i atena, tulludi ghida a beghola, monno path wekina ne barrada ngarakua ata. ¹⁵ Pazarrage gaika daikana ata a tau delu bokala monno bokala, takka enga niage baenga takkage birawige ne adua ne tillumi monno tagu ngarakua ata. ¹⁶ Madita paneghe pakita! ¹⁷ Engakoge tabaya! ¹⁸ Mengucap syukur ne ngarakua pabei. Ne niawe, Niawe pabeina Mori tagumu ne'e barrana Karittu Yesu. ¹⁹ Du paddaka Roh!* ²⁰ Du anggap radekage ne nubuat-nubuat!* ²¹ Ne niawe, nungai garakuazi! terrege appawe adua! ²² Morroge wali ngarakua tudda abokala! ²³ Tanengiko, Mori mangheghera ate nia douna apazingirami yemmi ngarakuana. gaina roh, dewa, monno toumi nakalangara ngarakua, dappa cacat dukki ba ammi Marambada ghitto, karittu Yesu. ²⁴ Nia a kadangami yemmi a setia, Nia pasti bana rawige. ²⁵ Oledadi-oledadi, tabaya kaikima taguna yamme! ²⁶ Yadi salam barra angarakua oledadi ne padeki azingira. ²⁷ Zauwa kudengigu wali ate teki waina ngarai Maramba, tagu bata zurata ne barra ngarakua oledadi ne barramu. ²⁸ Kanurru Marambada ghitto, karittu Yesu, napadekuwe.