¹ Orona ghetti, neghe yamme dama tarra lolobaki, yamme mapota ne bama dangi iaata kanua ne Atena, ² Monno paghidi Timotius, oledadima yamme monno pelayanan Mori, monno ole paghilli ma yamme ne barra Injil karittu, barramu ne bazagu papangada monno bapalolo dangago napadungu ne ate waimu, ³ Gai kadaikana ia ata dapa kodokada ne karoduka-karoduka ne.Niawe, yemmi douna paddege be ghitto nia mema taguna ghetti ⁴ Ne niawe, ne yamme bana palolo dangagu, yamme paruttu batekigo ba neghitto ta alamiwe karoduka, monno ghetti niawe adadi takka ne ghina ne yemmi papademu. ⁵ Ba orona ghetti, ne zauwa dagu tarraba ne, zauwa Ku patukai kaku paddege ne ate waimu. zauwa kumadauta, nia-nia si penggoda na godagu monno ne dopama yamme na sia-siawe. ⁶ Niawe, nema ghina,Timotius na walina barrana yamme wali padoumu, monno na ngidiwe ne li'i adua tagu atewai monno manawara tagu yamme, ba yemmi bi badala takka ne kenangan ne adua ne yamme monno rinduwe ne bama katemumi yemmi, ghina kaiwe yamme ne bana rinduwe ne bata padukkina barramu. ⁷ Orona ghetti, oledadi-oledadi, ne ngarakua susah monno karodukana ne, yamme masenangnga oromu wali ate waimu. ⁸ Nema ghina, yamme moripa ne yemmi bidede takka ne barrana Mori. ⁹ Niadowe, ucapan syukur appawe ne pakole ma yamme payama barra Mori orona yemmi, ne niawe bapazelu ngarakua magheghera ate ne yamme parasama ne arona Mori orona Yemmi? ¹⁰ lodo gede yamme batabaya monno kaghodo kataba niawe bamapatoboka dangngagu, monno kolege bama paizage appawe a ne Kurang barra ate waimu. ¹¹ Ne maghina, gaiku Mori monno Ama douna monno Yesu, Mori ghitto, a panudugu larama yamme barramu. ¹² Gai na Maramba narawimi yemmi bidadi monno na luapunnuge manawara ne ghida ata barrada wedeka, monno ne ngarakua ata, ne ghina ne yamme parawima barramu. ¹³ Gaika Nia napakattogo ate waimu take bercacat ne barrana zingira ne arona Mori Monno Amada ghitto bana mai Marambada ghitto, Yesu, nazama dangadi ata-ata zingira-Na