¹ Oledadi-oledadi, yemmi douna paddege nebama kunjungami yemmi barramu da sia-siake. ² Gaikona yamme makaroduka ghetipoda, ne ghina yemmi papademu, a'aniaya monno ahina ne Filipi, yamme materege brani ne'e barrana Mori tagu ghidi Injil* Mori barramu ne tillu aluana palawa. ³ Niawe, nasihatma yamme dawalikina kesesatan, kedanamurnike, atau walina palsudana, ⁴ Takka neghina yamme nasetujuba Mori ba paterreda Injil, neghe ghina yamme bamapaneghe, datagu pasenangke atapia, ne ghina we kapakaladana atena Mori anunga ate waida ghitto. ⁵ Yamme dams pernahki maiwaina neghe pateki-pateki amarayu, neghe papade bamu, monno neghe dalih tagu keserakahan-- Mori nia saksima yamme. ⁶ Yamme kaina dama ghegaki deika wali atapia, neghe wali yemmi ataupun wali ata wedeka, niapo tagu rasul-rasul karittu, yamme makolege bana teki lara wali barramu. ⁷ Ne ghinawe, yamme paduawe ate amaghu ne tillumi yemmi, tudda na ia paina adaga monno arawata ana-ana douna. ⁸ Ghina we,ne manawara ate akaladana barramu, yamme beina yawe barramu daniakipo Injil* Mori, ne niawe neghe moripa kaina yamme douna orona yemmi ne yamme mamanawara takami. ⁹ Neghinawe, yemmi lolowe, oledadi-oledadi, pakakowe monno paghilli boto yamme, ne ghina yamme mapaghilli lodo monno gede neghe yamme ka dapadeito logo barramu mane'ema aghidiwe Injil* Mori barramu. ¹⁰ Ne yemmi a saksi-saksi, monno Mori kaina, na zingira, adua, monno damma celanya yamme moripa ditillumi yemmi a waige. ¹¹ ghina ghaiwe yemmi bi paddege, yamme mapanungagu, mahiburragu, patuka mi yemmi masing-masing ghina ghai naia paama barrana ana-ana douna, ¹² Gai yemmi moripa kizama ne pabeina Mori, a kadangagu ne barra kerajaan monno kemuliaan-Nya douna ¹³ Yamme kaina enga niage bama bersyukur barrana Mori tagu na neghe, ba niawe yemmi mideiba li'ina Mori, ne parengemu wali yamme, yemmi mideibawe da niakipo tagu paneghe ata, ba niawe neghe aghina bana, ghetti patekina Mori, a ne'ena paghilli ne tillu yemmi, ata-ata awaige, ¹⁴ Oledadi-oledadi, yemmi bi jadi ata-ata a yadi tudda jemaat-jemaat Mori barrana Yesu karittu a ghaina ne'e Yudea orona yemmi kaina bi ngalami karoduka a zama, a ghaina wali ata-ata sebangsamu douna, ghina ghaina ne ghida parasada wali ata-ata Yahudi ¹⁵ Na a pamate maramba Yesu karittu monno kaina para Nabi,* serta usirma yamme. ghida dapa senangke Mori mono amusuh agarakua ata. ¹⁶ Ghida atippama yamme tagu bamapaneghe barra ata-ata da Yahudi gai ghida kolege batuludi. ghina ghida a ponno bokalada ghida, takka bani a burru togoda ghida dabonnu takkage. Pangadana Paulus Bana Padukki Bali Jemaat Tesalonika ¹⁷ Oledadi-oledadi, ne ghina sementara waktu yamme atighama wali yemmi--tagu tou, daniakipo tagu roh-- yamme ma rindupunnu monno being paaro mukana barramu. ¹⁸ Ne ghina we, yamme beina mai barramu, ne zauwa Paulus, mababa pirra kalina, takka kaballika nahalangama yamme. ¹⁹ Ne ghina, garrai paharap, maghera ate,ne mahkota pabanggama yamme ne arona maramba Yesu ne maina-Nia? da yemmiki? ²⁰ Yemmi dona kemulian monno magheghera ate ma yamme.