Pasal 1
1
Wali Paulus, Silwanus, monno Timotius barrada jemaat ne Tesalonika, a ghaina barrana Allah Ama monno barrana Maramba Yesu karittu. kanurru monno magheghera ate adekumi yemmi.
2
Yamme enganiage bersyukur barrana Mori tagu yemmi ngarakua, monno teki yemmi ne tabaya-tabayama yamme,
3
Enganiage balolomi nepapaghili atewai, manawara takka, monno ketekunan paremamu ne barrana Morida ghitto, Yesu karittu, ne arona Allah monno Ama da ghitto.
4
Oledadi-oledadi pa manawarana Mori, reghewe ba Nia na lede bami Yemmi.
5
Neghe ghina, Injil* yamme dama maiki barramu neghe paneghe-paneghe kidona, takka neghe kuasa dana, barra Ngau amatua*, monno ne atewai takkama; neghe yemmi papade bami ata-ata papatudda garrai yamme ne ne barrami yemmi, tagu dome yemmi.
6
Yemmi ne'ebami ajadi ata-ata a dekuma yamme monno Mori orona yemmi medeibawe firman ne luana karoduka monno magheghera walina Ngau amatua,
7
Ne ghina yemmi bidekuge gaiki jadi tudda wali ngarakua ata a waige ne Macedonia monno Akhaya.
8
Neghe niawe, walina firman Mori bergema Inda niakaikipo ne Macedonia monno Akhaya, baniakaiwe ngarakua padou, ate waimu barrada Mori namazabbarabawe niaka yamme dappa teki-teki bawe neghe.
9
Niawe, ghida douna atekiwe tagu yamme, peighaina yemmi bideibama yamme, monno peighaina yemmi bibali barrana Mori wali marapu-marapu* tagu bilayani Mori a moripa monno adua,
10
Monno bi remani rapamaina Ana-Na wali surgadana, ne papakedena wali tillu ata mete, nagha Yesu atuluda ghitto wali banina nemmi amai.