¹ Nyi batauda dalge, agawe rehida ata Yahudi? Nyi ba tauda dage agadawe rehige kabunyi? ² Buta takayi tangage, at dahoge ta barada yidda hatena tabarada lii Nai Allah ³ Begge, bapirra ata aikaha tena, nyi radde yidda aikahha tena nama padekawe manawaranai Allah? ⁴ Walle tauda mage! Allah nyida katena lokko tauda dummuge tangngana ata kawohhoka. Katauda kamma tolha: "Yauyo dabe tadage naha takkim-Mu, monno yau enga dauge bam tailow nyika ba dadi pada tiba-Wu. ⁵ Tabollo, nyi aina tena wade yitta aroge ba'da nade jalage katena linai Allah, aga dahing howe yitta hatakda? Nadadi kakwe yitta bada takwe oroge Allah waige aika tijana bana tiba ndada yitta? (Luggu dage mi ge tabarami kataudana dihha wu kadadi ata) ⁶ wale tauda tak kakmage! Nyi batauda dage aga linakage Allah bana tibawe pannu tana? ⁷ Tabollo nyiduwe, ledege kawohokagu, katena Lii nai Allah karehige manada-Ni, ahha dummokka matibawa ba wu atawa kajala? ⁸ Monno, (katujana halinglara kapirra ata tabarama nami) ahha emhanewe, "Mai, kadda rayige inne kajapata tannam kadahha kanna huddawe walta japata." Yidda kahanewege kataudana narakkage ba hokudi! ⁹ Ba agadalwe? Ahha yitta darehi dahha daho walta ata wadeka? Walle taudakmage! Oroge, ma takki bewe ka ulluge radde ata Yahudi loppo ata aika Yahudi, ba dadi takabbu jala. ¹⁰ Katauna dage kama tolha, "Walle ladakma wu ata karayina katena, wu ata waikana walle'ma. ¹¹ Walle ladahingmana wu ata kamannu hangada'na. Walle ladahingmana wu ata ka'ma yega-Ni Allah. ¹² Tangna ata da'ta lira be walta bara-Na, Nyiwe bana da'diwe aila gau'da. Walle la'da hingmana wu ata karayina kadahha, wu ata la'da hingman." Mazmur 14:1-3 ¹³ "Bukda yidda meranadi watu hodi kama ngangaa, Lamma'da yidda kama raino, kaddi nippe ta kabbu lamma'da." Mazmur 5:10; 140:3 ¹⁴ "Baa da yidda bannidi haura monno kapa'di." Mazmur 10:7 ¹⁵ "Leduda yidda na gehayi banahokudi ra'yo. ¹⁶ Kama yilla monno ka mauha dadi ta larada yidda. ¹⁷ Monno, yidda walle da tada'mawe morha ka moli." Yesaya 59:7-8 ¹⁸ "Madautani Allah la'mage tabara matada yidda. "Mazmur 36:2 ¹⁹ Batauge yitta datawe oroge aga dummowe hatakkige ukku pareha Taurat, tutda yidda kadana ta kabu uk pareha Taurat tannam kana matammui baa, monno pan tanah kadage ta kabu tibanai Allah. ²⁰ Walle la'ma ata hatenai tabarai Allah waige karayige uk pareha Taurat oroge ledege uk pareha Taurat namaiwe hatadawai jala. ²¹ Tabollo batauge, langka aida'dummoge uk pareha Taurat, katenai Allah engadauge baha dedalawe, monno hadikkiwai waige uk pareha Taurat monno para nabi. ²² Loppo, katenai Allah ledege hatena tabarai Kristus Yesus hatuttudi tangngada ata kaha tena, oroge aida kahekana; ²³ oroge tangngana ata narayi bena kajala monno nabungnga bewe manadanai Allah, ²⁴ monno katenai oro manawara-Na aika manu gabana ledege matolka tai Yesus Kristus; ²⁵ beha dedala benai Allah waige kama bugera kawaige lara kamoli larta raya-Na ledege hatena. Inne katujadana madelawe hatija-Na, oroge nata til maloya-Na, Allah naha haiyidi doku jala kadadi ullu. ²⁶ Inne katauda dummona hakabbu ate tutge baha tingngoge hatija-Na batauge inne tannammu Nyio kanadadiwe tena monno hatenadi ata kaha tena tabarai Yesus. ²⁷ Nyiduwe, tagidage habogang dangada yitta? Baita bege! aga hokwe hawaiyi? Waige hok harayida yitta? Walle'ma, tabollo lii hatena. ²⁸ Nyi batauge, nyiwe inne hatenada, oro kada'di ata hatenabei tabarai Allah ledege hatena, walle wali ma'di harayi waige uk pareha Taurat. ²⁹ Nyi, walekawe Allah dukka dahege ba Allah dani Bangsa Yahudi? Walle Nyidummona Allah aika Bangsa Yahudina, ³⁰ Orogei Allah wuheyi monno Nyiyo enga naha tenadi ata kabunnyi oro hatena, monno aika bunnyi ledege hatena . ³¹ Bege, ahha dalka nami wale maha da'di dalkadi Ukku pareha Taurat ledege hatena ? Tabalge, nami marehi hadidarawe Ukku Pareha Taurat