Yallai Allah Nyika Tibawe ¹ Oroge ge, mige wallem hillu gabak mage, taa kadadi ata, ia dummui katibai ata heka, oroge mi bam dadi tibai yi, mi dummo hoku dauge taumu; oronage, lohho dim kaha apege naha mera jalawe harayimmu. ² Datawe matibanai Allah bana hayannage waige katijina ta jonga tangngana ata karayige hada na tujana inne. ³ Tanyiduwe, na dadikawe bam hangadage bam hilpami walta hatibanai Allah, ta kadadi ata, nut miyo kahha tibai olenai nakarayige hada katujana, tabollo dummo karayige hada katujana? ⁴ Nyina yanna dakge miyo bamu hangadage bamu habai halage na Najabolage manawarana-Na, maloyana-Na, monno maradda atena-Na mawallem tada hingmawe dahha ate Allah naha kab ate-Na tut irrigim hawal-Na? ⁵ Tanyiduwe, oroge kanogo katak watu mu monno ate mu aika auwu jarra miyo ijjala daumige aika dahha tabarage tuba taumu tutge laddo rahi ban koleba tibawe katena waltai Allah baha dedalage. ⁶ Nyio na tauge gabbage tangngada ata dokuge waige harayida yidda dihha-dihha: ⁷ nyiduwe morha aikaman dukkana tabarada yidda naka waige mikku na barayige kadahha mayegage kamanada monno ha aka, ⁸ tabollo hoku monno bani tabarada karotiwe dau-dauwuna monno aika hadoku katena, tabollo dokuge aika tena. ⁹ Enga da dahoge kamma yilla monno kapitona tangngada dewa ata karayige kajapata, ulge tabarada ata Yahudi monno dummo ata Yunani. ¹⁰ Nyiwe, kamma nadana, ha aka, monno kamma ringna enga da ge ta tangngana ata karayina kadahha, uldahoge tabara ata Yahudi monno murge tabarada ata Yunani. ¹¹ Oroge, Allah wallena pedekmana ata. ¹² Tutda ata karayige kajala aika tadayi Hukum Taurat, yidda engada liloko aida tadayi Hukum Taurat. Nyiduwe, nado ata karayina jala takabu Hukum Taurat enga nyiwe ba tibayi waige Hukum Taurat. ¹³ Oroge, walle karange dakmayi Hukum Taurat nadahatena ta aronai Allah, tabolo ata karayige nyio hadelaka katena. ¹⁴ Oroge, rade ata aika Yahudina aika mangngu Hukum Taurat naha kakoyi waige hada memage agawe ha ruhna lii Hukum Taurat, ma yidda, aika mannu Hukum Taurat, nyidawe Hukum Taurat tut dauwuk'da yidda. ¹⁵ Hada inne naha tingoge ina harayi uku pareha Taurat nyiwe kama tolha lari ta ateda yida ngihi ateda yida dayiwe padelak, mono paha ngadada yida, enge hawauwu wikda waleka dahatulu wikda yida, ¹⁶ Neda taladoge Allah bana tibawe pahangada kadadi ata kabunyi ledeeni Yesus Kristus dokuge ine li ege ate-Gu. ¹⁷ Tanyiduwe, bamu takki wikdau dummu ba ata Yahudiwu monno kamapaka ta li uk hareha Taurat, lohho bam egela tai Allah, ¹⁸ tadawe habaina, dadokuge agawe kadahha, be hanuwa tutge Ukhareha Taurat, ¹⁹ monno waimanne wikkimu ba yauyo kahha madiyi rade yidda kamoro, magakaha tabarada yidda ka engahona ta pagtana, ²⁰ kahha akkayi ata kabangnga, gur tabarada ata aika ha ateho, monno oroge badadage hakakoda tada hatena monno katena tai Hukum Taurat, ²¹ ma'na miyo kahha akka ata wadeka, ahha dalka miyo wallem ha akka wikdaumami? Miyo na kahha akkai yidda tutge nyammana hakedu, walemmu kedu daukagna? ²² Miyo kaheruge ata ha loo wikna, walemu marayi wikdaukaduwu? Miyo kaballidi tutda hala tauwu, walle midauk dalkagna karamanage ummana hala tauwu? ²³ Miyo ka ege ate tutge hareha Taurat tabollo midalmo kahamakkei Allah ledege bamu layiwe hok-Na! ²⁴ Oroge, badage kama tolha: " Ngarai Allah da paddawe ta jonga ta dihha bihhi-dihha bihhi orom miyo." ²⁵ Kabu'nyi nyiduwe da hige bam doku kagge uk hareha Taurat, tabollo ba wukau ata kamma layi ta uk pareha taurat, langkam kabunyikauge walem kabunyikmauwu. ²⁶ Bataudage, rak aika kabunyi bada kakowe ta uk harehai Taurat, walle yidda dalkagnala hayapu rade ata aika bunyi? ²⁷ Monno, ata aika bunyi aikamma yanna, bana hakako dalkawe hareha Taurat, enga nyiwe bana hok gimmi, ata kataudajalana kamang Hukum Taurat monno kabunyi, tabollo nyi kalayiwe uk hareha? ²⁸ Oro nage, hatakki Yahudi kalangna wale ha etakelukamayi ta balhakduna, mono kabunyi katau takkana wale kabunyi tutu taukelmana. ²⁹ Wu ata Yahudi langna yikna ata ta atena katautakkana, monno kabunyi katau takkana yikwe kabunyi harayi ta ate, hakakona wadi, wale oro ukku kama tolha. Madaika tabara dadi ata katauda danna inne walle kawali kawali kadadi ata dakmawe, tabollo kawali tai Allah dau dawe.