¹ Paulus, atana Yesus Kristus, hamaika dakdi rasul hatutna hingana lii ege atei Allah; ² bee hajajinai Allah ulhoge lededi nabi-nabi-Na lari tajuta BIhha ³ tut Ana-Na, dokuge kanayo kadadi walita dalarai Daud, ⁴ monno pahadela ba Ana Allai-Yi kakuaha ledege kadde-Na walita tajonga ata mate dukuni Waddi Katengna, nyikna Yesus Kristus Morda yitta. ⁵ Leden Nyio, nami mahibbawe maringgi monno nauwa rasul tutge ngidiwe li bawa hatena ta jongada tangngada bangsa aika Yahudina tutge ngara-Na, ⁶ tauda jalage miyo tutge bana daugimmi Kristus Yesus. ⁷ Tabaram miyo tangngami kadana ta Roma, hama narawanai Allah, monno hamaika tutge dadi ata ka tengna: Maringngi monno moli mot makkora waltai Allah, Amada yitta, monno kawali ta Morida Yesus Kristus! ⁸ Uluge, wai lugwa tabarana Allagu ledeni Kristus Yesus tabaram miyo tangnga kahhami oro hatenami miyo tahagalla pan tanah. ⁹ Oroge, Allah, ha orhagu waini waddigu lari ta lii Ege Ate Ana-Na, da'di saksigu oroge nauwa aika man dukkana apemi miyo tangnga kahhami; ¹⁰ inne lar ta doagu, nauwa ugkaraiyiwe tannam na batauge, oro hakab atei Allah, tomage nauwa kolege hingge bagu lo dikki gimmi. ¹¹ Nauwa ugka makhingge hatabo dangngagu tannam nauwa kolege nyiwe dihha wuu kanyurru hatena tutge hakulhagim miyo, ¹² nyiwe tannam yitta kadda kolege bana diddara kahhawe ledege hatena dihha-dihha, wal hatenamu loppo hatenagu. ¹³ Olebai-olebai, nauwa kamakge kam tadawe oroge nauwa badahapirra wuddage bagu hangadage tutge lo dikgimmi, tabollo dahoge kama hapa kahha batauge, tannam nauwa dummo koppi we ngihge walta tajongam miyo katauda dummunage kawali tajongada bangsa-bangsa aika Yahudi wadeka. ¹⁴ Nauwag wuttage tabarada atai Yunani monno tabarada ata barbar, walta ata katada lohho ata kabangnga. ¹⁵ Oro nyiduwela, nauwag kamaktakage halarawe Lii Ege Ate tabaram miyo naka dana ta Roma. ¹⁶ Nauwa walleg makkegmawa tutge Lii Ege Ate, oroge Lii Ege Ate ba nyiduwe kawahanai Allah tutge tolka manemara tangngana ata kaha tena; ulge tut ata Yahudi, lohho dummo tut ata Yunani. ¹⁷ Oroge inne lari, tena-Nai Allah na dedowe walge hatena lohho hatena, katujana kadana kama tolha: " Ata tena enga morhada waige hatena." ¹⁸ Oroge, bannai Allah na dedowe walita sorga tabarada tangngana ata kajapata monno jala kadadi ata na nakkoge tena waige japata da yidda. ¹⁹ Oroge, agawe hakole nahatada tuttui Allah kole hirawe tabarada yidda oroi Allah bakda hatingngo Nage tabarada yidda. ²⁰ Bollo, wungnga rayige pan tanah, kanogoi Allah aiha koleda etawe, nyiduwe kawaha-Na aika man dukkana monno kanogu ha Alla danga-Na, badda eta hirawe tuttu yappawe ledege hada harayi-Na lodoge yidda illa dakolege hajalawe. ²¹ Tabollo, langka datadayi Allah, yidda waledama nutakmaiyi Nyio bai Allahyi loppo wai walle lidadakma tabara-Na; tabalige, hangada da yidda nadadi aika mannu gauna monno ateda yidda nakabangnga dakwal we kapagtage. ²² Yidda dahangada wikkidauda tada, tabollo dadadi kabangnga, ²³ monno hajeluge kamanadai Allah aika man jalana waina hada mawo kadadi ata aika tagorana, kawurna, ranga kapata gayina leduna, lohho ranga kahha lawe. ²⁴ Oro nyiwe, Allah mana harakadi yidda hamak ateda yidda naka baidage kama nyarha lodoge yidda dama nyarha wikdau ge tauda tajonga kalingora dauda. ²⁵ Oroge, yidda daha jeluge katenai Allah waige kawohhoka, monno kawoju kataba harayi-Na, wale Nyidakma dakkama Rayi naha daikada kahha dukka tanah. Amin! ²⁶ Oro nyiwe, Allah naha rakadi yidda tabara kanogo manyarha aika kailana, oroge lawai-lawaiyi yidda dahajeluge haolena waige naka tuba lohho haolena aika tuba. ²⁷ Tauda dummuge kabani, yidda tannage haolena naka tuba oledi lawai, tabollo nama gekkawe ateda kama nyarha dihha-dihha, kabani monno kabani darayige harayi hamakke dangnga; monno na tauda dihha-dihha, yidda dahibbawe hok oro jalada yidda. ²⁸ Monno, oroge wale dama ngakugmani Allah waige hatada da yidda, nyiwei Allah mana harakadi yidda tapahangada aika tiddana lodoge yidda darayige na hada aiha rayida yidda. ²⁹ Yidda nabannudi tangngage hada aika tena, kajabata, kadara, monno hamuhna; naban ge ka wii ate, ha mate ata, hatauna, kapalleka, monno but ate, yidda kahha langlira, ³⁰ hakulra, kamuhhuni Allah, lang bana, wu tugo, ma dakka ba, katabbo kabokala, wale lii bawa wakma tabara ata tu na, ³¹ kabangnga, wale manudugma, lakma paha ngadana, monno kupla. ³² Monno, lokko da tadakwe ha rainai Allah naha newe rade karayige hada katujana yinno rakka dage mate, yidda walle nyikelmawe bada engage rayige, tabollo dummo da dullawe ata naka rayige hada kataudana.