Liha Tujai Abraham ¹ Bege, agak kawe naha toma da yitta takwe tutnai Abraham, Ama weda waikada yitta dokuge kanayo? ² Oroge ba nada Abraham baha tenani ledege harayina, nyiyo dage kappege tutge boggang, tabollo walle ta aroi Allah ma. ³ Oroge, aga we hatakge jurrata Bihha? " Abraham hatena tabarai Mori monnoi Mori na yapgauge naka taudana tabarana na ledege katena.'' ⁴ Tabarana ata ka rayi ulla, kahewa hayiyi tabarada yida wale wu dakmawe hayi kalu, tabolo dau mema dadi yida. ⁵ Mono, tabarada aika ulana, tayiduwe hatenai Allah kaha tenguyi ata bokala, hatenada yida ha yapu gauyi ba wuwe katena. ⁶ Loho dumo Daud na takkiwe hada kanyuruwe wu ata koli Allah na yapapunage tena ta barana wale toro dak mawe hada harayina nyi: ⁷ " maringkana ata hawali harayina, mono hatoni dokuna. ⁸ Maring kana ata rada jalana aiha yapunai Mori!" Lawiti 32 : 1-2 ⁹ Inna kanyuru duka dahege ta ata kabunyi ? Wale dau jalak dage ata aika kabunyi ? oro nami ma tak bewe batau dage " Hatena Abraham da yapu nage wu katenguna." ¹⁰ Nyidawe, aga lina dawe inna ba yapu ge tabarana? Ai be waleka nyi bana beyo kabunyi ? Bana kole be kabunyi, likege aina kabunyi ho. ¹¹ Abraham nahibawe tada kabunyi bawuwe tada tena hatena nyi aina kabunyi ho dajala lage nyi dadi ba ama nani tangana ata kaha tena ai kabunyi dajalage katene inna dumo da yapu jalage tabarada yida; ¹² Tauda jala nage dadi ama dani tubada ata kabunyi ai kaduka kabunyi he tabolo ka kao dumu ta lara hatena hali bena amada yita, Abraham, nyi aina kabunyi ho. ¹³ Jaji tabara Abraham mono tabara ana suhuna inna yida enga dau dage tangage panu tana wale na dadik mawe panuwe uku pareha Taurat, tabolo ledege tengu hatena. ¹⁴ Oro, nyi yida ka wali ta Ukku pareha Taurat dadiwe bada dadi kadauwuge, dajalage hatena na dadi li lokowe mono jaji Allah wale na dadik mawe; ¹⁵ Li ukku pareha Taurat naha dukege bani, tabolo nyi ai daka uku pareha Taurat, nyidawe neda dumo wale lakma halayi. ¹⁶ Innela aha jaji inna mana walie taha tena, dajala lage jaji inna dokuge manawara marada ate dajalage jaji inna kana dikiwetabara tangada ana suhu Abraham; wale yida kelma kawali ta ukku pareha Taurat, tabolo dumo kawali taha tena Abraham, ba yikna amada yita tangada, ¹⁷ (katauna kama tolha, " Nauwa ug hadadi begimi ama tangana kabihu ata") ta aronai Allah, inne nyi hatena na, haluguna Allah kayigimi morha tabara ata mate mono ka takkiwe inna ai kadahona kapiku dadi. ¹⁸ Lari ta tilu mamanne nyi naha tenawe, dajalage nyi kana dadiwe ama wali tangana kabuta kabihu ata dokuge waigehatak bena, " enga dadi tauda dage la ana suhumu." ¹⁹ Monno, waige ai dadiwe loja lar taha tena, loko nyi bana tadakwe tau dauna hodi mowe mate lado morhana batau kagage katutu ngahu dauna mono hoba lakawai Sara dumo na matebewe; ²⁰ nyiwale na gedokma tabaragejajinai Allah waige aiha tena. Gabage, hatenana paha kulhawe dajalage nyi kana yiwe manada tabara nai Allah, ²¹ mono pada mannege nai Allah nadauwuge rayige aga bewe ha jajiNa. ²² Oro batauda gela, hatenana " hayapuwe ba wuwe katena." ²³ Tabolo, hada inna wale nyikel mawe ba tolhawe tutu Abraham, ²⁴ tabolo tuba jala da yitta. Hada inne enga yapuge tabarada yida kahatena tabarana Nyi kaha kadeyi Yesus, morda yita, wali tajonga ata mate. ²⁵ Haluguna Yesus payibena kamate oro jalada yita, mono paha kadebe tutu kada tenguna yitta.