¹ Mono, kole ana bebe bugerage materei hapitu waiyi, dage kasuka ta surga tawu kage katutu talu kabulu menit ge mijage. ² Mono, nauwa ugetayi kapitu na malaikat kadede taaroi Allah, mono pitu talalu hayiyo tabarada yida. ³ Loho malaikat wadeka amidi mono dadede neda ta natara, naredni wuyo koba maneda maha rara, mono tabarada dayidi buta maraka tutu manuta kaharaja sambayang da ata tangna ta pawu natara amaha rara taara hadaudu ngodo inna. ⁴ Mono, hamu maraka inna, haraja waige sembayang da ata katengna, pane taaroi Allah wali talima malaikat rada. ⁵ Lodoge, malaikat nada nangnga we maraka mono hangi hini waige lati hangala wali tanatara tubage tapanu tana; yibawe rangewe punyi kaburka kahamarangawa kamila ka mono epu. ⁶ Kole batauda ge, pitu malaikat kanarrodi pitu ta lalu rada haiwya dage piku hauppuyi talalau da yidi ⁷ Malaikat kadihana naha upuyi talalu wa yidawe dadi wage urra es mono lati hanyonga ge rayo; mono hokuge tapanutana. yida mutu we ge pabaka taudawe panutana. Mono paba taddayi puyayu mono mutui tangadi ruta moro. ⁸ Malaikat haduda wai naha upui talalu, yidawe wuyo tujana lete kamudu orolati tubadi larita banu; Mono pabaka taudawe wali tabanu habalige rayo, ⁹ yidawe pabaka taudayi wali taranga kadana ta banu mono kadauge morha nadadi mati, mono pabaka taudayi wali kapala banu hamauhadi. ¹⁰ Malaikat katauna naupuyi talaluna, yidawe monuy; wali talangta wuyo maduyo madaka, rewo natujai oroba, mono maduyo nada na birakadi tauda pabaka wali telai weyo mono mataweyo. ¹¹ Ngara na maduyo nada Apsintus. Yidawe, tauda pabaka wali tawgadi taweyo nadadiyi Apsintus mono buta ata mate oro weyo inna bewe banadadi. ¹² Malaikat kapatana nahaupuyi talalu na, yidawe nama paluwe pabaka tauda mata lodo, pabaka tauda wula, mono pabaka tauda maduyo majalage ¹³ Laoge, wauwag etayi mono rangeyi wuyo kawuruna raja wali wuru na tatilu langta, nahanewe waige liyo kadahaki "mayilawe, mayilawe, mayilawe yida kadawu tapanutana oro punyi talalu katauna malaikat wadeka kakabu atege haupuyi talaluda."