Materei Takumata Ngahu Pata Bulu Pata Rata Ata Israel ¹ Kole innage, nauwag etayi pata malaikat dede tapata kabihu tana, tamrada patuyi kapatana rereha ponu tana dajalage ila dayo kaharereha na tatana yara, tabanu, waleka, tapuyayu. ² Bege nauwag etayi malaikat wadeka hudayi walitaha dawu hudana mata lado, waige bana ngidi mate rei walitai Allah kamorha. Nyiyo waka wula waige liyo kama wangta tabarada kapatana malaikat hanyibe kawaha tutu hawajarage tana mono banu innana. ³ "Illana hawetarage tana, bannu, wale ka punyayu wami hima beda hingkahona yiwi tandka materei takubumata atawai Allah da yitta" ⁴ Nauwag rangeyi butada yida hatawu materei ngahu pata bulu pata rata ata, yida dawali diha kabihu awana Israel. ⁵ Wali taka bihu Yehuda kabulu duda rata wali taka bihu Ruben kabulu duda rata wali taka bihu Gad kabulu duda rata ⁶ Wali taka bihu Asyer kabulu duda rata wali taka bihu Naftali kabulu duda rata wali taka bihu Manasye kabulu duda rata ⁷ Wali taka bihu Simeon kabulu duda rata wali taka bihu Lewi kabulu duda rata wali taka bihu Isakhar kabulu duda rata ⁸ Wali taka bihu Zebulon kabulu duda rata wali taka bihu Yusuf kabulu duda rata wali taka bihu Benyamin hautabe tadana. Bannu Kadadi Ata ⁹ Bakole taudage, nauwag etayi, tautakage kamu kalna buta kadani , ata aiha yaphingna butawa, wali tangadi hadau mono kabihu mono ata mono hanewe dadebe taaro hadawu ngodo mono taaro ana bebe, waina kalabe kaka mono karaga karre talimada yida; ¹⁰ Mono yida dawula waigelida kaballo "hailo tubana Allah nami kangodota panu hadawu ngodo, mono tubana ana bebe." ¹¹ Mono, tangada malaikat katama ra dede kilo rage hadat ngodo inna mono bai ata da kilo ra jalage mono kapatana ranga rada, yida kawojo taaro dawu ngodo inna mono databa tai Allah, ¹² lida bada hanewe "Amin" mahadi mono manada mono angta mono hanewe lina wiyo mono haaka na mono kawahanai, mono madona tuba Allaha yitta kaha ana muri. Amin!" ¹³ Bege, wuyo wali bai ata rada daha newe mono danukka tabaragu, "inya duyi yida kawaina kalabe kaka inne mono lida waldayida maiyi?" ¹⁴ yidawe, nauwag hanewe tabarana, "Amagu, yauwa mutadawe," loho, nyi nahanewe tabaragu "yida dakwage ata kahubena wali tamayilla kamada mono kabaha beyi kalabe yida mono kahakaka di lari tarana ana bebe. ¹⁵ Oro bataudage inna, yida dadade taaro ngodoi Allah mono kaha madiyi nyiyo lado mono gaddi ta umana; mono nyi kangodo ta panu dawu ngodo inna enga engana tajonga dalarada yida. ¹⁶ yida wale engak mada kalaba waleka mariyo wali; waleka dumo mata lado wale hapak hamayi; yida wageka dumo nganga ha malajna kahe kana. ¹⁷ Orao, ana bebe tatillu hadawu ngodo inna enga dadi kajawayi yida mono enga patutudi yida tamata weyo morha; mono Allah enga hopiyi tangadi weyo mata wali tamata yida,"