Talalu Kalimana Halege Hamayigi Ate Kadihana (Kawungana) ¹ Lodoge, malaikat kalimana na upuyi talalu na, mono nauwag eteyi wuyo maduyo mono wali talangta tapanutana, mono tabara na dayini kuhi kabonga lirra mate. ² Nyina bugera kabonga lira mate, yidawe panewe hamu walita kabonga inna tujaiwe hamu wali tatulra kamadakka, mono mata lado mono kabu langta nadadi kapagta ge oro hamu wali takabonga inna. ³ Lodoge, wal lari inne ta hamu nadhudi kabala ta pannu tana, monno yiddi yidi kuaha katauna kuaha paltka tapanu tana. ⁴ Monno, tabarada yidda daha ngiddi di li tanna kailla da dahna ruta ta tana tangngad katummu, lohho pu yayu pu yayu tabollo radde yidda aiha tauna tadai Allah. ta kobu matada yidda. ⁵ Yidawage pahaimadi tutu mahateyi yida, ta bolo datalage kahama yillai yida lima wulage mojage; mono bahama yillayi inna nahatuja dawe mayilla halatka nyiyo bawa tutka ata. ⁶ Tamahigo inna, kadadi ata enga mayeganage mate tabolo yida waleda tabo mawe. yida dabai gemate, tabolo mate na pahil we wali tayida. ⁷ Hadada kada kabala rada datuja dayi jara painyaka oro ge hatawu; mono tapanu katakda yida panu wuyo kaha tujada kata upa amaha rara, watada yida natujai mata kadadi ata. ⁸ Ronda yida tujai wuyolawaiyo mono gududa yida natujai ngudu singa, ⁹ mono kurda yida natujai kalabe bahi, mono punyi kapada yida natujai punyi kreta-kreta waidi jara buta hanualiyi tahadawu hatawu. ¹⁰ Mono kikda yida watujai halatka mono dage banige, mono lari takikuda yidage dage kawaha tutu hapakhai ata ka lima wulana. ¹¹ Raja kaha rehai yida yikna malaikat lirra mate, lari taha newe Ibrani ngarana yikda "Abadon" tabolo hane we Yunani ngarada yikda "Apolion." ¹² Mayilla kawungana haipa bewe, tabolo dahodi duda oja wadeka mini enga amhona. ¹³ Lodoge, malaikat hanni wayi na upuyi talaluna, mono nauwag range we liyo wali pata kadu tanatara amaharara kadana taaro matai Allah, ¹⁴ nahane we tabara malaikat ha anni waiyo kanarrona talalu nada, "pahalai kapatana malaikat hajatti nedatalai weyo Efrat kama daka nada." ¹⁵ Yidawe, kapatana malaikat rada, paha inyabe tutu jamo lodoge, wula mono dawu inna dapahalai kaba hamateyi tauda pabaka kadadi ata. ¹⁶ Butada tentara kamangu jarana yida duda ngahu jutayu butada; wauwag rangeyi butada yida. ¹⁷ Mono, tauda dage nauwag bagu etayi lari paeta gu jarada mono yida kangodo tapanuna; mono kaleteyi waina kalabe bahi kamalli waleka, moroko kapagtana kunta natujai belerang; mono ¹⁸ Waidi katauna ge pabataudayi kadadi ata hamayeti; waidi latti, hamu mono belerang kahuna wali bada yida. ¹⁹ Oro, kulhada jara rada dadage tabada mono kikudayida. Oro, kikuda yida tajai nipe mono mangu katakda, waige innalah yida dahama yilla. ²⁰ Tayiduwe, kadadi ata kahoila, iahamate oro mayilla inna, brenga da aida jarra wali harayi limada yida, loho ilda kangakkahingana wadi japata mono hala hatau-halahatau wali taamaha rara, kaka, tabunaka, watu waleka yayu; aika dadi bana eta, range waleka kako, ²¹ mono yida wage jarama wali bada hamate ata, wannu ata, marihaka, mono kedu.