¹ Tabarana kakodoge mahadi-madaika tubana Yedutun. Lawitinai Daud. Nauwa panewewa, '' Nauwa engage bagu jagai ngara dukkad nyangagu, tannam nauwa aigu jalawa oroge lammagu. Nauwa engagebag jaga we bagu wige rahi tamrada at japata badadi taarogu.'' ² Nauwa waleg punyumawa lopo kadanawa, nauwa patti wikkigu walka daha, monno mayillagu kikabanage maropo baitawe. ³ Ategu nadadiwe bana mutwe bana mutwe tatil taugu, tamrage nauwa bag arona atkarewo, palegewe nauwa panewewa waige lamagu, ⁴ '' Oh MORI, takgage pirawe rahi mategu, tanam kagtadawe bapirtaukalage morhagu kaliloko nauwa. ⁵ Etawe, Yauw mumrayidi ngara dukkadi ladogu kamehana diha wu gabbo limma, loppo morhagu walle lama hige ta oromata-Mu. Dokkage ngara duka ma ata dadede ho kawe lolo ngahda. Sela ⁶ Badokkage ngara dukama kadadi ata nakako ta kaliloko. badokage, yidda wajadako tutge kaliloko, yidda daojage poteda lopo wal lada maji bage dauwal dadi. iyai ka kahai. ⁷ Monno batauge, oh MRI, agai nauwa ha remagu? hatenagu nage tabara-Mu. ⁸ Kahalawa nauwa walta tangadi harayigu, illam pada kaga nauwa papadana ata kabanga. ⁹ Nauwa waleg punyumawa, nauwa waleg bugeramage bagu, oronage Yauw ka kahadadidi. ¹⁰ Pamarauga kawal kari-Mu, nauwa bewa oronage limma-Mu pamauhaga nauwa. ¹¹ Tamrage Yauw bamhanewew-Wu ata bam apema nami oro jalama. Yauw himbeyi, meranan tawu baagai kamauhana tabarana; dokkage ngara dukana ata nadede hokewe lolokahna. Sela ¹² Rangegage hikawulagu Oh MORI, monno lopo padenai ka tilimu bag kawulagu. Illam kadanau gtatil majoki wematagu. Oro nage nauwa ata kamarau waltabara-Mu, wuwa ata kama nyoga katauna inya weda waikagu. ¹³ Pahakige bam etawa tabaragu tanam nauwa kana egewe ategu lodoge aidaga, inna batauge Nauwa egewe ategu ailahoga.