¹ Tabarana kokodoge lawitinai: Lawitinai Daud. Nauwa higgu remani MORI, tabollo Na natalira banarange kawula tulkiga. ² Nyi na keketawa nauwa walta kabonga ka tabollora, huna walta kabunyeka wehoba, monno na henga gaddi ledugu ta dete letena kaha watuna, na hadadigaddi nyangagu badda engadi dede. ³ Nyi nayigage lawiti ka baru ta larr bagu, na lawiti daunani ALLA da yita. butalai ata ka eta monno kamadauta, monno dahha tena ta baranai MORI. 4 Damaringidi ata, kaha tena ta baranai MORI, ka walle kata lira tabarana ata ka hala hita, tabollo ta barana kaha wohoka. ⁵ Oh MORI, ALLAgu Yauw ka rayidi tagkahadi, hamaraiyi-Mu ka ajaib monno habaiyi-Mu tabarama nami. Lamma ka habandingngugu tabara Yauw. Nauwa higgu takwe monno tabarana yidda, tabollo yidda dama madakka. ⁶ Kurban monno maraka, walle Yauw baimadi. Katillugu higgu bugeradi. maraka hatunnu monno maraka hopoi jalla wallem baimadi yidi. ⁷ Begge, nauwa higgu hanewe, '' torro, nauwa higgu maiwa ta lunnu Jurrata bihha ka matolla tut nauwa: ⁸ Nauwa higgu ege ate bagu rayiguge hatakki-Mu ya ALLAgu, hukum-Mu dage ta lar tatatorongaku.'' Nauwa higgu takwe li hatena ta makahha ka buta. Torrowe, nauwa walleg harema mage rowigu, Yauw range, oh MORI. 10 Nauwa wallleg kabunyi maddi dahha-Mu ta larr ategu, nauwa higgu takwe dahha-Mu monno tullum-Mu, nauwa walleg kabunyimaddi dahha ate-Mu monno kahhawaltakkana-Mu wallta makahha ka madakka. ¹¹ Oh MORI, Yauw walle harema hadahha maringi-Mu tabaragu, maringi-Mu monno dahha-Mu na anguga. ¹² Tabollo, aikadahha walle yapumaddi ngala nadi dauwugu nauwa. Jalagu nyiwe kaha rotiga nauwa walleg hillugu etamawa. Bayapudi butalai walta wuda taka takuda ma begge ategu na nyammaga. ¹³ Hadadige tabarana, oh MORI, tut tulga nauwa! oh MORI, gehala kammu tulkiga! ^{14 15} Nyama moddi yidda kana kolege makke monno langulirra, yidda ka toorogage tauwugu. Nyamaddi yidda na talira dihho monno lngu lirra, yidda kabaigage monnigu. ¹⁵ Nyamaddi yidda ka kadadaka oro makena yidda, naha newe tabaragu,'' Nyinagu, nyinagu! ¹⁶ Ata kama yegagu damanawara monno nage takayi atena, Ata kamayegagu wallena ngahiggmana takki-Wu, '' Madaka MORI!'' ¹⁷ Nauwa dengo monno ataaikadana, na MORI nayapu takkaga. Natulga monno nahamadiwa. Aim monyage oh ALLAgu!