¹ Lawitinai Daud tutge ma ape. Oh MORI, illam haapegagge nauwa bam marautau-Wu bani, monno illam hokukaga nauwa batagrakam bani, ² Oronage, pana-Mu badda duhka benagga nauwa, monno limma-Mu badda nakko benaga. ³ Inna lar takka naguge wale hillamma katuhlage oronage bani-Mu, tangadi rigu walle ka tuhladi oro jalagu ⁴ Oronage, jalagu birraka gaye kataku, katauna dita bigta, yidda ge tabaragu alnadi bigta. ⁵ Tangadi kapotagu na bawoyi monno naka nanakayi, oronage kabangagu ⁶ Nauwa ug nyokowa monno ug kahuglawa, tara lalado nauwag kokowa engagu ba'na ⁷ Oronage, kabbugu nabangage malaga, monno walle lama katulhalla larta ngihugu. ⁸ Nauwa ug bilo bewage monno kahadda mauha, nauwa ug kangirka oro hoge ategu. ⁹ Oh MORI, tangage marainogu nage tabaea-Mu, monno hadu du rainogu walle nakka kabunyimawe walta bara-Mu. ¹⁰ Duk dak we ategu, hakulhagu nakujjakaga, monno kamma gakahana ta matagu walle hil lamadi. ¹¹ Ngara dukkana ata hama nawarag monno tangadda ole ategu da dede hadda wal be oro kalawaragu, monno tangada ata ka daggetawa da dede dikko rauyo. ¹² Yidda dakka makggage ine ngahugu bana tauwe tahirrada yidda, yidda naka maggage monugu, natakgage mauhagu, tara la lado yidda dappa hadawe matipu. ¹³ Tabollo, nauwa meranaga ata aika range, nauwa waleg rangemawa, meranaga ata kakabanga ka walle antama muggerage bana. ¹⁴ Nauwa meranaga ata ka walle rangema, ta bana wale lama hanewa matubra. ¹⁵ Oronage, Nauwa ug hamanewa tabara-Mu Oh MORI, Yauwa ka rangewa, Oh MORI, ALLAgu. ¹⁶ Oronage, nauwa higtakwe, '' illam baikan yidda badda ege ate orogu nauwea, kahha boggang wikna badda gabbaga nauwa, kole banna gepoy ledegu,'' ¹⁷ Oronage, nauwa ug bagana wikna tutge bag monwa, monno oja ategu na ngattakage badage ta arogu. ¹⁸ Oronage, nauwa higgu takwe jalagu, nauwa walle na kadanamawe ategu oro tagngadi dokugu. ¹⁹ Taballo nyige,, tangngadi muhhugu kabuta monno kakulha. monno ata kabutga ate nammataba butawe kapallekadda. ²⁰ Monno, yidda kahha gabba kajappata tutge kadahha, dagabbaga nauwa, oronage ug dokuge kadahha. ²¹ Illam ujjakaga nauwa, Oh MORI. Oh ALLAgu, illam marauka walta baragu. ²² Geha tulkiga nauwa, Oh MORI, tolka manemaragu.