¹ Lawitinai Daud. Aim bankauwu oroda ata japata, aim hakikkawu oroda ata karayge aika lurha. ² Tabolo, yida da gehada guttuy katujjana ruta, monno malele katujjana ruta moro. 3 Hatenaw lar tai MORI monno rayge ka dahha.Engana ta negri monno karawa manud manawaramu. ⁴ Hadahhage taumu lar tai MORI,monno Nyi na yigu habayge atemu ⁵ Pahadden laramu tai MORI, hatenay Nyi,Monno nyi na maloya. ⁶ Nyi nakamaikage hatenamu katujjage magakaha, monno tijjamu tujjage diddara lado. ⁷ Kannadadiwe kadanna lar tai MORI, monno reman Nyi waige maloya ate. Iyam bankaw oro ata ka dahha morhana ta larana,ata karayge hakka japata ⁸ Halange bani monno haengage marawtamu,iyam banka oronge bana maywe kajapata. ⁹ Tabolo, ata bokala podahay tabolo yidda ka yanneni MORI yidda ka dauge tana. ¹⁰ Ho mowe, ata bokala wallehil lamad,batauge miyo bam hamataradi ta daudauda, nyi walle laman inna bali ¹¹ Tabolo, rada ata kalii bawa atena da dauge tana,monno ege ate oro maring malala ka mira. ¹² Ata bokala na rayge ta hangadana gabbad ata hatena, monno hangaktad ngudda ta yidda. ¹³ Tabolo nyige, MORI malhanadi, oronage nyi banna etayyi badikge laddo rahi. ¹⁴ Rada ata bokala da pahalayi kitoda monno daha lojayi wuda panada, tutge hamonidi ata milla monno kama yilla, tutge hamatey ata ka lurha larana. ¹⁵ Kitoda da duhhuy ate dauda, monno panada dapatay. ¹⁶ Nareh dahha dahowe hodi ha dawuda wal ata hatena,bebu ka mira ha dawuda wal buta ata bokala. ¹⁷ Oro, rada kayida ata bokala hapatadadi, tabolo MORI naturrayi ata hatena ¹⁸ MORI natadawe rada laddo ata ka aika kotora, monno hadawuda tutge ana murri ana muri. ¹⁹ Yidda wele dahamakemay ta laddo ka japata, neddo laddo kareba, yidda daha boktadi ²⁰ Tabolo, ata bokala da mate, rada muhunay MORI hatujjay lete kaharutana ka biita hiina. Yidda dabebe, hatujay hammu ka bungga. ²¹ Ata bokala dapinjamna, tabolo walda yii madi jeludi, tabolo ata hatena dagemanawara monno jeludi ²² Oro, yidda ha manemara wali Nyi ka natoge tana, tabolo yidda ka hauran Nyi ka hamatey. ²³ Rada pagada Ata hadede nay MORI Nyi ka harapoda ta lara-Na. ²⁴ Dikge ban moni,wallena dikkiman ta jala, oroy MORI naha remad limma-Na. ²⁵ Uluge bagu kabodi howa, monno nehhe bagu kawedawa, tabolo nawa waleg ete mahoy ata hatena haengadi,na anamurna karaynage hayaa. ²⁶ Tara laddo, Na hatinggona milla manawara monno hayina hapinjam, monno anamurna nadadi kanyuru. ²⁷ Tarauwuw wali ta japata monno rayna kadaha, nyidahowe yau bam engana ana murri ana murri. ²⁸ Oronage, MORI bayige katijalana, monno wallena haengadamam ata katenggu-Na, yidda da karaway ana murri ana murri. tabolo, an murda ata bokala ha matedahoy. ²⁹ Rada ata hatena da narrodi tana, monno engana nedo ana murri ana murri. ³⁰ Ba ata hatena datakwe tutge manuwala paha ngadada, monno lammana natakwe katijjala. ³¹ Liku patay ALLA ta atena,pagana wallena ngedomayi. ³² ata bokala dakka nanara ata hatena, monno daka hamalege hamateyi. ³³ MORI walle na dijakamani lar ta limma ata bokala, monno na ijakadi kole badikge tijay. ³⁴ Haremani MORI monno karawayi lara-Na.Oronage ge ,nyi na deketaw tutge bam dauge tana, yau im etay bungana ata bokala. ³⁵ Igu etebey nada ata bokala kama rapka atena, ka tum subur katujjana puu Aras Lebanon ka morotaka. ³⁶ Na bugna, monno torroi, nauwa higgu mayegani, tabollo walle tabomai. Hamattaradi ata ka murraha atena monno torroi ata kadahha, oroge ata ka kahatena nage kadahha tarona. ³⁸ Tabolloge, rade kaha gabba engage daha dakka dahing ponna mauha, ata bokala hadawuda ta aro enga pudalad daddi. ³⁹ Tolka mane mara ata kaha tena kawalli dawe waltai MORI, Nyi hadau hamawo yidda batta tillu babkayi. ⁴⁰ MORI katullu monno naha tolka mane marayi yidda. Nyiyo nappo hilpadi yidda walta tangana ata kabokala monno nahha tolka mane marayi yidda kamma yegana mawo dukka tabara-Na